InfoHub Logo

ادامزات بالاسى وسى قيىندىعى مەن قىزىعى قاتار جۇرەتىن مىناۋ دۇنيەدە قانشا جىل ءومىر سۇرسە دە، قانداي ىسپەن اينالىسسا دا ومىرىندەگى ەڭ ءبىر ۇمىتىلماس كەزدەر ۋنيۆەريستەت قابىرعاسىنداعى كەرەمەت شاقتار. مەن دە وسى ءبىر كەرەمەت كەزەڭنىڭ تابالدىرىعىن اتتاپ، بالالىق شاقپەن قوشتاسىپ ، جاڭا ءبىر بەلەسكە اياق باستىم. مەنىڭ الاتاۋداي اسقاق ارمانىم مەنى الماتى شاھارىنداعى، ءال – فارابي اتىنداعى قازاق ۇلتتىق ۋنيۆەرسيتەتىنە جەتەلەدى. مەن ۋنيۆەرسيتەتتىڭ ەسىگىن ايقارا اشقان كۇننەن باستاپ، مەنى جاڭا الەم، جاڭا ادامدار، جاڭا دوستار كۇتىپ تۇرعانىن وعان قوسا موينىمدا ۇلكەن جاۋاپكەرشىلىكتىڭ بارىن سەزىندىم. ويتكەنى وسىنداي زاڭعار ۋنيۆەرسيتەتتىڭ ستۋدەنتى اتانۋ اركىمگە بۇيىرا بەرمەس ب ا ق دەپ بىلەمىن. ال ەندى وسى باسىما قونعان باقتى ايالاۋ ءارى قارايعى مەنىڭ باستى مىندەتىم. ءال – فارابي بابامىز ءوز سوزىندە: « باقىتقا جەتكىزەتىن ەركىن ارەكەت — تاماشا ارەكەت» دەگەندەي، سول تاماشا ارەكەتتىڭ ءبىرى – ول بىلىمگە دەگەن قۇشتارلىق دەپ سانايمىن.

ۋنيۆەرسيتەتكە اياق تىرەگەلى بەرى ءوزىمدى ناعىز تەلەگەي تەڭىز ءبىلىم ورداسىنا، جالىندى جاستاردىڭ قاتارىنا ەنگەنىمە وتە قاتتى قۋانامىن. ويتكەنى، ەلباسىمىز نۇرسۇلتان ءابىش ۇلى نازاربايەۆ ەلىمىز بەن ءبىزدىڭ جاستارىمىزدىڭ باستى بايلىعى — ساپالى ءبىلىم ەكەنىن ءوزىنىڭ سويلەگەن سوزدەرىندە بىرنەشە رەت اتاپ كورسەتكەن بولاتىن. وسى ساپالى ءبىلىمنىڭ قارا شاڭىراعى، قازاقستانداعى ءبىلىم بەرۋ جۇيەسىنىڭ تىرەگى، ەسكىنىڭ كوزىن كورگەن، 80 جىلعا جۋىق باي تاريحى جيناقتالعان ۇلتتىق ۋنيۆەرسيتەتتە ەلىمىزدىڭ تۇكپىر تۇكپىرىنەن، الىس – جاقىن شەت ەلدەردەن كەلىپ، وقىپ جاتقان ستۋدەنتتەر جەتەرلىك. ۋنيۆەرسيتەت قابىرعاسىندا جان – جاقتى، بىلىكتىلىگى جوعارى، قازاقتىڭ كەرەمەت اقىن – جازۋشىلارىنىڭ الدىن كورگەن، سول ۇلى كىسىلەردەن ءدارىس العان وتۋشى-پروفەسسورلار، عىلىم دوكتورلارى، عىلىم كانديداتتارى، دوسەنتتەر قىزمەت اتقارادى.

ت.ع.د.، پروفەسسور.، سايلان ب.س.،   

تاريح، ارحەولوگيا جانە ەتنولوگيا فاكۋلتەتىنىڭ 2 كۋرس ماگيسترانتى نۋربوسىنوۆا ن.ج.

---