توقتا باياۋ
اكە مەن شەشەدەن جاستاي ايرىلعان ەكى بالا بايدىڭ قوزىسىن جايىپ، تەزەگىن تەرىپ، قالعان-قۇتقانىن جەپ، ەسكىسىن كيىپ كۇن كورەدى. حالىق اۋزىنداعى قاي داستان، قاي اڭگىمە-اڭىزدا بولسىن بايلار قاتىگەز بولادى. ولار ءۇشىن ءبىر بالانىڭ قارنى اشىپ، كيىمى جىرتىلىپ، كوز جاسىنىڭ سەل بوپ اعۋى ءبىر توقتىنىڭ ماڭىراعانىنداي اسەر ەتپەگەن. كەرىسىنشە، توقتى-سەركەش ماڭىراسا، جۇرەگىنە شانشۋ بوپ قادالىپ، قولىنا قامشى ۇستاتقان. ەكى جەتىم دە بايدىڭ وسى قاتىگەزدىگىن كورىپ جىگەرى قۇم بوپ وسەدى. ءولى تاياق ءورشىل جۇرەكتى وكپەدەي ەزىپ، جاس ءومىردى جاسىق ومىرگە اينالدىرادى.
شىلدەنىڭ اپتاپ ىستىعىندا بايدىڭ اۋىلى كوشەدى. باياعى ادەتىمەن باي ەكى جەتىمگە قوزىنى تاعى دا جاياۋ ايداتادى. كوش جەتكەن كۇندىك جولدا قوزى ايداعان ەكى بالا ابدەن شارشايدى. ەرەسەگى بۋىنى قۇرىپ، تابانى تاۋسىلعانىن ىنىسىنە بىلدىرمەسە دە، ءىنىسى شارشاعانىن جاسىرا المايدى. شولدەن دىڭكەسى قۇرىعان كىشىسى قوزى ايداعان اعاسىنا ىلەسە الماي جىلايدى، جىلاپ كەلە جاتىپ «توقتا باياۋ»، «توقتا باياۋ»، — دەپ جالىنادى. بالانىڭ سول جالىنىشىن سىبىزعىشى سىبىزعىدا وسىلاي تارتقان ەكەن.
You Might Also Like
-
ەرتەرەكتە ءبىر كەدەيدىڭ بالاسى بولىپتى، سول كەدەي جىگىت اكەسىمەن بىرگە بايدىڭ مالىن باعىپ، جالشىسى بولادى. بايدىڭ دا، كەدەيدىڭ دە جالعىز-جالعىزدان عانا ۇلدارى بولسا كەرەك. اق پاتشانىڭ اسكەرىنە قىزمە...
-
جىلدا كوكتەمدە، سولتۇستىككە قۇس كەلەتىن ۋاقىتتا، كوپ قۇس شولدەن جول تابا الماي، قىرىلىپ قالادى ەكەن. سودان قۇس ءامىرشىسى — قىزىلقان دەگەن قاز جاراتۋشى تاڭىرگە بارىپ، اسپاننان جول سالىپ بەرۋىن ...
