ءتورت تۇلىك تۋرالى ماقال-ماتەلدەر
اقساق قوي تۇستەن كەيىن ماڭىرايدى.
*** *** *** ***
تاڭباسىز تاي، ەنسىز قوي بولمايدى.
*** *** *** ***
قوي سۇيەدى بالاسىن «قوڭىرىم» دەپ،
«ەشتەڭەنى بىلمەيتىن مومىنىم!» دەپ.
سيىر سۇيەدى بالاسىن «تورپاعىم» دەپ،
«قاراڭعىدا باسپاعان قورقاعىم!» دەپ.
تۇيە سۇيەدى بالاسىن «بوتاشىم» دەپ،
«جاۋدىراعان كوزىڭنەن توتاشىم!» دەپ.
ەشكى سۇيەدى بالاسىن «لاعىم» دەپ،
«تاستان تاسقا سەكىرگەن شۇناعىم!» دەپ.
جىلقى سۇيەدى بالاسىن «قۇلىنىم» دەپ،
«تۇلپار بولىپ جۇگىرەر جۇرىنىم!» دەپ.
*** *** *** ***
مال — بالانىڭ شاشۋى.
*** *** *** ***
«كوكتەمدە ءبىر تويدىم،
كوبىك قاردا ءبىر تويدىم» دەپتى-مىس توقتى.
*** *** *** ***
سەمىزدىكتى قوي عانا كوتەرەدى.
*** *** *** ***
ءبىر بيەدەن الا دا، قۇلا دا تۋادى.
*** *** *** ***
ساۋلىقتىڭ جاسى ۇلكەن،
قوشقاردىڭ باسى ۇلكەن.
*** *** *** ***
الۋان — الۋان جۇيرىك بار، ءوز الىنشە شابادى.
*** *** *** ***
جىلقى ەتى: «تىسىڭە كىرەمىن، تىسىڭە كىرمەسەم تۇسىڭە كىرەمىن»
*** *** *** ***
بايتال شاۋىپ بايگە الماس.
*** *** *** ***
ات جامانى — سۇرىنشەك، ەت جامانى — شەمىرشەك.
*** *** *** ***
جىلقىدا ءوت جوق، وسەر مالدا ءولىم جوق.
*** *** *** ***
ادام بالاسى سويلەسكەنشە، جىلقى بالاسى كىسىنەسكەنشە.
*** *** *** ***
ارىق اتقا قامشى اۋىر.
*** *** *** ***
ادام جىلقى مىنەزدى.
*** *** *** ***
جىلقىدا ءوت جوق، وسەر مالدا ءولىم جوق.
*** *** *** ***
ات سۇرىنبەي جەر تانىماس.
*** *** *** ***
ات تۇياعىن تاي باسار.
*** *** *** ***
مال — ادامنىڭ باۋىر ەتى.
*** *** *** ***
اعايىن تاتۋ بولسا، ات كوپ، ابىسىن تاتۋ بولسا، اس كوپ.
*** *** *** ***
الىپ انادان تۋادى، تۇلپار بيەدەن تۋادى
*** *** *** ***
ات — ەردىڭ قاناتى.
جىلقىنىڭ ءسۇتى — شەكەر، ەتى بال.
*** *** *** ***
جىلقىدا ءوت جوق، قۇستا ءسۇت جوق.
*** *** *** ***
جىلقى — مالدىڭ پاتشاسى.
*** *** *** ***
جامان اتقا جال بىتسە، جانىڭا تورسىق بايلاتپاس.
*** *** *** ***
تاي تۋلاپ ۇيىرىنەن كەتپەس.
*** *** *** ***
جىلقى قۇلىڭنان كوبەيەر، اقشا تيىننان كوبەيەر
*** *** *** ***
تاي مىنگەن بالاعا جاراسار.
*** *** *** ***
تۇلپار بولار قۇلىن مۇشەسىنەن بەلگىلى.
*** *** *** ***
سىرىن بىلمەگەن اتتىڭ سىرتىنان جۇرمە.
*** *** *** ***
ات اينالىپ قازىعىن تابادى، ەر اينالىپ ەلىن تابادى.
*** *** *** ***
قۇنان اتقا جەتكىزەر، ات مۇراتقا جەتكىزەر.
*** *** *** ***
تۇلپاردىڭ ءوز تۇياعى وزىنە ءدارى.
*** *** *** ***
جاقسى ايعىردىڭ ءۇيىرىن ات جاقتايدى.
*** *** *** ***
ولەڭدى جەردە وگىز سەمىرەدى،
ءولىمدى جەردە مولدا سەمىرەدى.
*** *** *** ***
جۇيرىك اتقا مىنگەن قۇدايىن ۇمىتار.
*** *** *** ***
قۇنان اتقا جەتكىزەر، ات مۇراتقا جەتكىزەر.
*** *** *** ***
بايتال مىنسەڭ، قۇلىن جوق،
ساۋمال ىشسەڭ، قىمىز جوق.
*** *** *** ***
توعىز قابات تورقادان، توقتىشاقتىڭ تەرىسى ارتىق.
*** *** *** ***
ايشىق ءمۇيىز اق سەركە قويدى باستار،
قىپشا بەلدى جىگىتتەر توپتى باستار.
*** *** *** ***
تۇيە — شۋداسىن،
جىلقى — جالىن،
سيىر — ءمۇيىزىن توسەيدى.
*** *** *** ***
قوناق قويدان جۋاس...
*** *** *** ***
ارىق مالدى اسىراساڭ، اۋزى-مۇرنىڭ ماي بولار،
جامان ادامدى اسىراساڭ، اۋزى-مۇرنىڭ قان بولار.
*** *** *** ***
كىسىنەگەن ايعىردىڭ ءۇيىرىن كور،
شىرەنگەن جىگىتتىڭ ءۇيىن كور.
*** *** *** ***
تۇيەنىڭ بۋراسى جاقسى،
ءسوزدىڭ تۋراسى جاقسى.
*** *** *** ***
قۇتتى قوناق كەلسە، قوي ەگىز تابادى.
*** *** *** ***
قوي ەتى — قويان ەتى.
*** *** *** ***
قويدىڭ ءسۇتى — قورعاسىن،
قويدى سوققان وڭباسىن.
*** *** *** ***
مال وسىرسەڭ قوي ءوسىر،
ءونىمى ونىڭ كول-كوسىر.
*** *** *** ***
ەسى كەتكەن ەشكى جيار،
ەشكىسىمەن ەسىن جيار.
*** *** *** ***
نار جولىندا جۇك قالماس.
*** *** *** ***
ات ەرىندى كەلەر،
ەر مۇرىندى كەلەر.
*** *** *** ***
ايعىردى نەدەن سالساڭ،
اتتى سودان مىنەرسىڭ.
*** *** *** ***
سيىر سيپاعاندى بىلمەيدى،
جامان سىيلاعاندى بىلمەيدى.
*** *** *** ***
ارى تارتساڭ وگىز ولەدى،
بەرى تارتساڭ اربا سىنادى.
*** *** *** ***
سوڭعى تۇيەنىڭ جۇگى اۋىر.
*** *** *** ***
تۇيە بوتاسىمەن جاراستى،
تاماق باتاسىمەن جاراستى.
*** *** *** ***
باعى تايعان ادامدى،
تۇيە ۇستىندە يت قابار.
*** *** *** ***
ات جامانى تايمەن وينار.
*** *** *** ***
ات تۇياعىن تاي باسار.
*** *** *** ***
ەسەك سەمىرسە، يەسىن تەبەر.
*** *** *** ***
ەر تۇرمانى التىن بولسا دا،
ەسەكتىڭ ەسەك اتى قالماس.
*** *** *** ***
ەسەكتى وسەك دەسەڭ،
يەسىنىڭ كوڭىلىنە كەلەر.
*** *** *** ***
تەگىن كەلگەن اتتىڭ تىسىنە قاراما.
*** *** *** ***
سىيىر سيپاعاندى بىلمەيدى،
جامان سىيلاعاندى بىلمەيدى.
*** *** *** ***
وگىزگە تۋعان كۇن،
بۇزاۋعا دا تۋادى.
*** *** *** ***
ەشكى باستاعان قوي،
ەگىنگە تۇسەدى.
*** *** *** ***
قويشى كوپ بولسا،
قوي ارام ولەر.
*** *** *** ***
ەكى قوشقاردىڭ باسى،
ءبىر قازانعا سىيمايدى.
*** *** *** ***
قويدىڭ قويدان نەسى ارتىق،
قول باسىنداي ەتى ارتىق.
ەردەن ەردىڭ نەسى ارتىق،
ويلاپ ايتقان ءسوزى ارتىق.
*** *** *** ***
توقال ەشكى ءمۇيىز سۇرايمىن دەپ قۇلاعىنان ايرىلىپتى.
*** *** *** ***
ايداعانىڭ بەس ەشكى،
ىسقىرعانىڭ جەر جارادى.
*** *** *** ***
تاي تايعا جەتكىزەر،
تاي قۇنانعا جەتكىزەر،
قۇنان اتقا جەتكىزەر،
ات مۇراتقا جەتكىزەر.
*** *** *** ***
ءبىر قوزى تۋسا، ءبىر ءتۇپ جۋسان ارتىق وسەر.
*** *** *** ***
جۇيرىك ات بىردە ات، بىردە قانات
You Might Also Like
-
ە.ا.بوكەتوۆ اتىنداعى قاراعاندى ۋنيۆەرسيتەتىنىڭ پەداگوگيكا عىلىمدارىنىڭ ماگيسترى وقىتۋشىسى باكيروۆا ينديرا دارحان قىزى
-
اسپاننان بىلعارى جاۋسا دا، قۇلعا وقشانتاي جوق. *** *** *** ***
