توي يەسىنىڭ ءسوزى
ارداقتى اعايىن! كوپپەن كورگەننىڭ ارمانى جوق، ەل قارياسى – ەل قازىناسى دەگەن. قارتى بار ءۇيدىڭ قۇتى بار دەيدى. بۇگىن اياۋلى اكەمىزدىڭ پايعامبار جاسى – 63 جىلدىق مەرەي تويىن سىزدەرمەن بىرگە اتاپ ءوتىپ وتىرعانىمىزعا قۋانىشتىمىز. اتا-انامىزدىڭ، ولاردىڭ قاتارىنىڭ ءومىر جولى قايسارلاردىڭ زامانى بولدى. ءبىزدى بۇگىنگى كۇنگە جەتكىزگەن وسى اكەلەرىمىز بەن انالارىمىزدىڭ ەڭبەگى. اكەمىز انامىزبەن ەكەۋى قاتارىمىزدان قالدىرماي وسىرە بىلگەنىنە ريزاشىلىقپەن باسىمىزدى يەمىز.
وسى ورايدا زامانداستارىن، اعايىن-تۋىستاردى جيىپ، اكەمىزدىڭ 63 جاسقا كەلۋىن تويلاپ، مەرەيىن كوتەرۋگە ۇيعاردىق. ەڭ جاقسى قۇرمەت ولاردىڭ ادال اتىنا كىر كەلتىرمەۋ دەپ ويلايمىز. ادالدىق، ادامگەرشىلىك، الدىمەن وزىڭە تالاپشىل بولۋ – اتا-انامىزدىڭ كورسەتكەن ونەگەسى.
ءقادىرلى اعايىن! بارىڭىزگە دە وسىنداي قۋانىش تىلەيمىز، اكەمىزدىڭ جاسىنا جەتىڭىزدەر. ال اتا-انامىزعا ۇزاق عۇمىر، دەنساۋلىق تىلەيمىز. اكەمىز – اسقار تاۋىمىز. ءبىز ەسەيىپ كەتسەك تە، پانامىز. اتا-انانىڭ ءقادىرىن بالالى بولعاندا بىلەسىڭ دەمەكشى، بۇل كۇندە ءوزىمىز اتا-انا بولعان كەزدە ولاردىڭ ەڭبەگىن تولىق ءتۇسىنىپ وتىرمىز. ءبىزدىڭ كوز الدىمىزدا ومىرگە قۋانىپ جۇرە بەرۋلەرىن اللادان تىلەيمىز.
مەنىڭ اتىما دا ايتقان تىلەكتەرىڭىزگە مىڭ دا ءبىر راحمەت.
كورگەنىمىز ۇنەمى توي بولسىن، تويدا جولىعىپ جۇرەيىك اعايىن!
***** ***** ***** ***** ****** ******
قۇرمەتتى حانىمدار مەن مىرزالار، مىنا جينالعان تۋعان-تۋىسقان، دوس-جاران! سىزدەرگە ايتارىم، تويىمىزعا كەلگەندەرىڭىزگە كوپ راحمەت. تويدا جاقسى، كوڭىلدى وتىردىڭىزدار. سونىڭ ارقاسىندا تويىمىز جاقسى ءوتتى دەپ ويلايمىز. وسى قۋانىشىمىزبەن ورتاقتاسىپ، ىستىق لەبىزدەرىڭىزدى ءبىلدىرىپ، قانشاما تاماشا تىلەكتەر ايتتىڭىزدار. ءبارى دە قابىل بولسىن جانە وزدەرىڭىزگە جۇعىستى بولسىن، سىزدەرگە دە يگى تىلەكتەر تىلەيمىز. الدا ءالى توي كوپ. باسىمىز ۇنەمى تويدا قوسىلىپ ءجۇرسىن. راحمەت.
***** ***** ***** ***** ****** ******
ساۋىققانعا تىلەك
باجا، بالدىز، كۇيەۋلەر، تۋىستارىم
باقىتتى بول كەلەشەكتە وسى ءبارىڭ.
ءدام تاتسىن دەپ ءبارىڭدى شاقىرىپ ەم،
جۋايىن دەپ جۇبايىمنىڭ جازىلعانىن.
جاناشىرىم جالعىز ۇل، سۇيگەن جارىم،
كىم ويلاعان بۇلاي بوپ اۋىرارىن.
جانىڭ قالماي ءبارىڭ دە جۇگىردىڭدەر،
وسى وتىرعان تۋىستار بارلىقتارىڭ.
ال ايتارىم تىڭداساڭ ساعان، جارىم،
ەڭ كەرەگى ادامعا زور دەنساۋلىق.
جالعىزىڭنىڭ قىزىعىن كورەم دەسەڭ
الاڭداماي ەش نارسەگە جانىڭدى كۇت.
You Might Also Like
-
ءبىرىڭىز سەرىك ەتىپ ءبىرىڭىزدى، جازبادىڭ قوس اققۋداي جۇبىڭىزدى. قىرىق جىل ەرلى-زايىپ عۇمىر كەشىپ، كەلدىڭىزدەر لاعىل تويعا بۇگىن ىزگى. اتا-انامىز قوساعىمەن قوسا اعارعان، ءالى دە تالاي قىزى...
-
مەكەمە تاريحىندا ءوزىنىڭ ەڭبەك جولىن وسىندا باستاپ، قىزمەتىن وسىندا ابىرويمەن اياقتاعان ارداگەر اعا-اپايلارىمىز ونشا كوپ ەمەس. ءبىر ۇجىمدا تابان اۋدارماي 35 جىل جۇمىس ىستەگەن، ءسويتىپ باس باسىلىمنان قۇ...
