تۋدى قاستەرلەۋ
ساپ تۇزەپ تۇرعان قالىڭ اسكەردىڭ الدىنا تۋ سان-سالتاناتپەن اكەلىنگەن. كەرنەي-سىرنايلار تارتىلىپ، بارابان، دابىل سوعىلىپ، باس قولباسشى تۋعا قىمىز بۇرىككەن. قىمىز — ەجەلدەن كەلە جاتقان كوشپەلىلەردىڭ سۋسىنى. «تۋعا قاراپ قىمىز بۇركۋ» كوشپەلىلەردىڭ ات جالىن تارتقاننان باستاپ جاۋگەرشىلىكتە جۇرگەن جاۋىنگەر حالىق ەكەنىن بىلدىرەدى. دەمەك، ولاردىڭ كۇشتەرى دە، باتىرلىعى دا قىمىزدا، ياعني جىلقىدا دەگەنى. بايراق ۇرىس باستالعاننان اياقتالعانشا جەلبىرەپ تۇرۋ كەرەك بولعان. ەگەر دە تۋ ۇستاۋشى ولسە نە جارالانىپ، تۋدى قۇلاتىپ السا، وندا بۇل جەڭىلۋدىڭ بەلگىسى بولىپ سانالعان. ساربازداردىڭ بويىن ۇرەي بيلەپ، ەڭسەلەرى تۇسكەن. ال قارسىلاستارىنىن تۋىنىڭ جىعىلعانىن كورگەن جاۋ جاق ورشەلەنە شابۋىلداعان. مىنە، سوندىكتان تۋ ۇستاۋشى جاۋىنگەر اسكەردە قولباسشىدان كەيىن ەكىنشى ورىندا تۇرعان. ونى «تۋ باسشىسى» نەمەسە «تۋبەگى» دەپ اتاعان.
تۋلار بەيبىت ۋاقىتتا جەكە ۇيدە ارناۋلى ساندىقتىڭ ىشىندە ساقتالعان. ول ساندىقتىڭ الدىندا ەشكىم وتىرماعان. تۋ تۇرعان ءۇيدىڭ ماڭايىندا ەشكىم ۋلاپ-شۋلاماعان. قازاق راسىمىندە ۇرىسقا كىرەردە باس قولباسشى تىزەرلەپ وتىرىپ تۋدى ماڭدايىنا تيگىزگەن. بۇل — تۋعا دەگەن قۇرمەت.
شەشۋشى سوعىستاردىڭ الدىندا «تۋدى قانداۋ» دەگەن سالت ورىندالعان. ياعني، اقبوز اتتى قۇرباندىققا شالىپ، قانىن تۋعا جاققان. بۇل جان الىپ، جان بەرىسكەن قىرعىن شايقاستىڭ بەلگىسى ەدى.
You Might Also Like
-
يتمۇرىننىڭ كەپكەن جەمىستەرى ىرىكتەلىنەدى. تازالانىپ جۋىلىپ، ۇساقتاپ تۋرالادى دا ۇستىنە قايناعان سۋ قۇيىلىپ، ىدىستىڭ قاقپاعى جابىلىپ، 10-12 ساعات بويى تۇندىرىلىپ قويىلادى. سودان سوڭ سۇزىلەدى. تۇنباع...
