اتۋ قارۋى
قازاق حالقىنىڭ اتۋ قارۋى جاق (ساداق) دەپ اتالعان. جاقتار ءار ءتۇرلى ماتەريالدار (اعاش، تارامىس، ءمۇيىز، سۇيەك، تەرى، قايىڭنىڭ توزى) پايدالانعان بىرنەشە بولىكتەردەن قۇرالعان. جاقتىڭ جەكە جاسالىپ، اتۋعا ارنالعان بولشەگى — وق. قازاق وقتارىنىڭ جەبەسى (وقتىڭ باسى) پىشىنىمەن، قىزمەتىمەن ەرەكشەلەنگەن. جەبەلەر جالپاق كەلگەن «قوزى جاۋىرىن»، ساۋىتتاردى تەسۋگە ارنالعان ۇشكىر «ساۋىت بۇزار»، «كوبە بۇزار» جانە اڭدى، ادامدى جارالاماي ۇرىپ قۇلاتاتىن «دوعال وق» دەگەن تۇرلەرگە بولىنگەن. سوعىس كەزىندە دىبىستىق بەلگى بەرۋ ءۇشىن قولدانىلاتىن «ىسقىرعىش» جەبەلەر دە بولعان.
وقتىڭ ارناۋلى قابىن «قىلشان» نەمەسە «قورامساق»، ال جاقتى سالىپ الىپ جۇرەتىندى «ساداق» دەپ اتايدى. وق سالىنعان قورامساق پەن جاعى بار ساداقتىڭ بەلگە تاعاتىن ساداقباۋىمەن قوسا ورتاق اتاۋى دا — «ساداق».
كەيىن بەس قارۋدىڭ قۇرامىندا اتۋ قارۋى رەتىندە جاقتى (ساداقتى) مىلتىق اۋىستىردى. قازاقتاردا «پىلتەلى مىلتىق»، «شاقپاقتى مىلتىق»، «ءشيتى مىلتىق» دەپ اتالعان مىلتىق تۇرلەرى بولعان.
You Might Also Like
-
«الاش ءىسى» — كەڭەس ۇكىمەتىنىڭ الاش قوزعالىسىنا قاتىسۋشىلاردى جازالاۋعا باعىتتالعان ءىسى.
-
ەلوردالىق وقۋشىلار تۋعان ولكەنىڭ تاريحي-مادەني قۇندىلىقتارىمەن تەرەڭ تانىسۋدا نۇر-سۇلتان قالاسى نازاربايەۆ زياتكەرلىك مەكتەبىنىڭ وقۋشىلارى 1-5 قاراشا ارالىعىندا «تۋعان ەلگە تاعزىم» ءول...
