InfoHub Logo

جۋرناليستيكا ءاردايىم سۇرانىسقا يە بولاتىن ماماندىق. الايدا بۇل ماماندىق ءار ەلدە ءارتۇرلى دارەجەگە يە. ماسەلەن، تۇركيا جايلى ايتاتىن بولساق، ول ەلدە تاجەريبەلى جۋرناليستەردىڭ دارەجەسى وتە جوعارى، ولارعا ارنايى سارى كارتوچكا بەرىلەدى، جانە ونداي كارتوچكاسى بار ءجۋرناليستىڭ الدىندا كوپ ەسىكتەر اشىلادى. ودان بولەك بيلىك جۋرناليستەرمەن تولىق ساناسادى، ءارى وندا زاڭدى تۇردە جۋرناليستەر 4ء-شى بيلىك بولىپ سانالادى. جۋرناليستەردىڭ قولى ماجىلىستەگى 550 دەپۋتاتقا ەركىن جەتەدى، ياعني ولارعا كەز-كەلگەن ۋاقىتتا حابارلاسىپ، سۇحباتتاسا الادى. ەڭ قىزىعى ول ەلدە سوتتالعان جۋرناليستەردىڭ بىلىكتىلىگى جوعارى دەپ ەسەپتەلىنەدى، ءتىپتى 59 جۋرناليست جاڭا جىلدى اباقتىدا قارسى العان. دال وسىنداي جاعدايلاردان كەيىن جۋرناليستەر بيلىككە باس بۇرادى ەكەن. جۋرناليستەرى باسىم جۇمىستى وزدەرى جاسايدى، تۇركيا جۋرناليستەرىنىڭ بىلىكتىلىگى جان-جاقتىلىعىمەن ولشەنەدى، ول – جۋرناليست، ول – فوتوگراف، ول – ديزاينەر، ول – وپەراتور، ول – رەجيسسەر، ول – قاجەت بولسا ءتۇرلى كاسىپتىڭ بىلىكتى مامانى. تۇركيادا جۋرناليستەردىڭ ديپلومىنا قاراعاندا قابىلەتتىلىگى باسىمىراق، ياعني ديپلومىڭىز بولماي، تالانتىڭىز بولسا جۇمىسقا ورنالاسۋ مۇمكىندىگى جوعارى.

تۇركياداعى تەلە-راديولارعا مەملەكەتتەن قارجىلىق كومەك بولمايتىندىقتان، ول جەردە كەز-كەلگەن ادام قوجايىن. تەلەراديوداعى باستى ماسەلە-اۆتورلىق قۇقىق بولىپ تابىلادى، ءتىپتى قاراپايىم ءاندى راديوعا قوسۋ ءۇشىن الدىمەن اۆتورىنا قارجىلاي اقى تولەنۋى مىندەتتى. . ءار ەلدىڭ ءوز ەرەكشەلىگى بارداي، تۇركياداعى جۋرناليستەردىڭ قىزمەتى وسىنداي ەكەن. جۋرناليستيكادا ءتيىپ-قاشقاندار ەمەس، ءسۇيىپ قوسقاندار عانا ءومىر سۇرە الادى. سەبەبى، جۋرناليستيكا – جۇرەكتىڭ ماماندىعى.

گۋلناز باحتيار قىزى

---