تۇزداپ قويعان با؟
بىزگە كورشىلەس ەلدە ءبىر اتاقتى ادامعا اس بەرىلدى. سودان قايتار جولىندا ءبىزدىڭ ەلدىڭ ءبىر توپ جىگىتتەرى اقبەكەت پوسەل- كەسىن جاعالاي وتەدى. بۇلار كەلە جاتقان جولدىڭ جيەگىندە پوسەلكە تۇرعىندارىنىڭ باقشاسى بار ەكەن. قاربىز، قاۋىننىڭ پىسكەن كەزى، اتتان ءتۇسىپ نەمەسە ەڭكەيىپ الۋعا بولمايدى. باقشا ىشىندە مىلتىعىن كەزەنىپ كۇزەتشى وتىر.
جىگىتتەر كۇزەتشىنىڭ كوزىن بوياۋدىڭ امالىن تابادى. ءارقايسىسى قولىنا قۇرىقشا الىپ، ونىڭ ءبىر ۇشىن ۇشتايدى دا، كىشكەنە قارماقشا جاسايدى. ات ۇستىندە وتىرىپ، سول قارماقتى قۇرىقشامەن قاربىز، قاۋىنداردى ءىلىپ الادى. مۇنى كۇزەتشى سەزبەيدى.
توپ ىشىندە ىستە پارىقسىز، سوزگە اڭقاۋ جىگىت ەرجىك ۇلى بازاربەك بار ەكەن. ول قۇرىقشاسىمەن دومالاق وسىمدىكتەردىڭ بىرەۋىن الادى دا، ەرىنىڭ باسىنا ۇرىپ جارادى. استا ەتتى مولىراق جەپ، شولىركەپ كەلە جاتقان بازكەڭ اۋىز تولتىرا جەي باستايدى. ءدامى قاربىزعا دا، قاۋىنعا دا ۇقسامايدى، كەرمەك بولىپ شىعادى. سوندا: «مىنا ەنەڭدى ۇرايىن، تۇزداپ قويعان با؟!» دەيدى بازكەڭ. اڭقاۋ ساباز جەردەن ءىلىپ العانى قاربىز، يا قاۋىن دەپ ويلاپتى. سويتسە، ول كەرمەك ءدامدى اسقاباق ەكەن.
You Might Also Like
-
التىباسار پوسەلكەسى العاش ورناعان جىلداردا كورشىلەس قازاقتار پوسەلوك تۇرعىندارىمەن تانىسىپ، شارۋاشىلىق جونىندە بىرىمەن-بىرى ءوزارا بايلانىس جاساي باستادى.
-
ەرتەرەكتە مىرزاتاي قارناقتاعى ءدىني مەدرەسەدە وقىپ، ونى بىتىرگەننەن كەيىن ەسىل بويىنداعى تىنەي، سەيىت ەلىنە كەلەدى. وندا مەدرەسە اشىپ، جاستاردى وقىتادى. سونىڭ ناتيجەسىندە «حالپە» اتانادى.
