ۇلتتىق سۋسىننىڭ سىرىن اشقان تۋىندىلار
ۇلتتىق سۋسىن تۋرالى جازبالار مەن ادەبي شىعارمالاردى جيناستىرىپ، قىمىزدىڭ كوپتەگەن شىعارمالارعا ارقاۋ بولعانىنا كوزىم جەتتى. دۇكەنباي دوسجاننىڭ «قىمىز» اڭگىمەسى ەرەكشە اسەر قالدىردى. قازاقتىڭ بال سۋسىنى قىمىزدى زەرتتەۋگە بۇكىل عۇمىرىن، ياعني 60 جىلىن ارناعان قازاقستاننىڭ ەڭبەك سىڭىرگەن عىلىم قايراتكەرى، بيولوگيا عىلىمدارىنىڭ دوكتورى، پروفەسسور زۇلحارناي سەيىتوۆتىڭ ەڭبەگىن زور باعالاپ، بولاشاقتا مەن دە وسى كىسىنىڭ جۇمىسىن جالعاستىرىپ، بيو-تەحنولوگ ماماندىعىن تاڭداپ، ول اتامىز جەتە الماعان جەتىستىككە جەتىپ، قازاقتىڭ سۋسىنى قىمىزدى برەندكە اينالدىرعىم كەلەدى.
ءار قازاق دۇكەنباي دوسجاننىڭ ەتنوگرافيالىق شىعارماسىن وقىپ، بولاشاقتا شىعارمادان العان تالىم-تاربيەسىن ءوزى قولدانىپ، ۇرپاعىنا امانات ەتسە، قازاق بالاسى ءتۇرلى دەنساۋلىعىمىزعا زيان سۋسىنداردى ىشپەي، بيە ساۋىپ، كۇبى ءپىسىپ، قىمىز ىشسە دەگەن تىلەگىم بار.
«دۇنيەدە نەشە ءتۇرلى نىعىمەت بار عوي،
سوندا دا سەنىڭ ءجونىڭ جەكە دارا.
كوپىرسەڭ جۇمساق ءيىسى انادايدان،
كەۋدەڭدى جارىپ كەتەر الدە قايدان».
ساپىرساڭ سار شاراعا قۇلاش كەرىپ،
جيىلعان مەيمانىڭا قۇيىپ بەرىپ،
اتا ۇلىن، ەنە قىزىن بەزىپ تاستاپ،
كەتپەي مە، ەكى ۇدايدا ساعان ەرىپ.
قىمىزسىز، ماعان سالسا اپلاتون بول،
كورمەسسىڭ ءسوزىڭ تىڭدار ەشبىر جاندى.
باسىڭنان قىمىز كەتسە، قىزىق كەتەر،
سىن - سىيىق، ساۋلەتىڭدى بۇزىپ كەتەر.
كەشەگى بايەك بولىپ وتىرعان جۇرت،
كۇدەرىن بۇگىن سەنەن ءۇزىپ كەتەر، - دەپ ۇلتتىق سۋسىنىمىزدى جىرلاعان سۇلتانماحمۋت تورايعىروۆ سىندى كوپتەگەن اقىن-جازۋشىلار ءوز شىعارمالارىنا ارقاۋ ەتكەن قىمىزدىڭ ەمدىك قاسيەتىن بار قازاق جاقسى بىلەدى.
ال پوەزيانىڭ ءحانتاڭىرى م.ماقاتايەۆ «داستارقان ۇستىندە» دەگەن ولەڭىندە وزبەك جىگىتىنە:
قىمىز ءىش، قازىدان ال، تارتىنباعىن،
تاۋعا ءجۇر، وزەنگە ءتۇس، سالقىنداعىن.
ءوزىڭنىڭ وزبەك باباڭ سەكىلدەنگەن
ۇمىتپا قازاق دەگەن حالقىڭ بارىن،- دەگەن ۇلتىمىزدىڭ ەرەكشە سۋسىنىنىڭ ءبىرى - قىمىزدىڭ تاريحىنا توقتالسام.
You Might Also Like
