ۇلتتىق حالىق ساناعى كەزىندە مۇعالىمدەر جۇمىسقا تارتىلا ما؟
ۇلتتىق حالىق ساناعىن جۇرگىزۋگە 32،5 مىڭ ادام تارتىلماق. بۇل تۋرالى ق ر ۇلتتىق ەكونوميكا مينيسترلىگى ستاتيستيكا كوميتەتىنىڭ ءتوراعاسى نۇربولات ايداپكەلوۆ ايتتى.
«ۇلتتىق حالىق ساناعى كەزىندە مۇعالىمدەر تەگىن تۇردە جۇمىسقا تارتىلمايدى. اقىلى تۇردە، ءوز ەركىمەن جۇمىس ىستەۋىنە مۇمكىندىك بەرىلەدى. جالپى، ساناق جۇرگىزۋگە قويىلاتىن ازاماتتارعا قويىلاتىن تالاپتار: 18 جاستان اسقان قازاقستان رەسپۋبليكاسىنىڭ ازاماتى، باستاماشىل، جاۋاپتى، تەز ءتىل تابىسقىش بولۋى كەرەك. جۇمىس ءوتىلى مەن كاسىبي بىلىمىنە تالاپتار قويىلمايدى، تەك پلانشەتپەن جۇمىس ىستەي ءبىلۋى كەرەك»، - دەيدى نۇربولات ايداپكەلوۆ ورتالىق كوممۋنيكاسيالار قىزمەتىندە وتكەن بريفينگتە.
تۇرعىن ۇيلەرگە بارعان كەزدە ينتەرۆيۋەرلەردە حالىق ساناعىنىڭ لوگوتيپى بار كۋالىك، سومكە، شارفتىڭ بولۋى مىندەتتى.
بيىل قازاندا وتەتىن ۇلتتىق حالىق ساناعى ەكى كەزەڭنەن تۇرادى.
دايىندىق كەزەڭى 1-30 ماۋسىم ارالىعىندا بولادى. بۇل كەزەڭدە ينتەرۆيۋەرلەر ۇيلەردى ارالاپ، وندا تۇراتىن تۇرعىنداردىڭ ناقتى سانىن انىقتايدى. وسى كەزەڭدە ساناقتى اۋداندارعا ءبولۋ دايىندىق جۇرگىزىلەدى.
ەكىنشى، ياعني نەگىزگى كەزەڭ 1-30 قازان ارالىعىندا بولادى. قازان ايىنىڭ 1 مەن 15 ارالىعىندا، ياعني تىكەلەي حالىق ساناعىنىڭ العاشقى 15 كۇنىندە ينتەرنەت-ساۋالناما جۇرگىزىلەدى. ينتەرنەت-ساۋالنامادا رەسپوندەنتتەر وزىنە جانە وتباسى مۇشەلەرىنە ينتەرنەت جەلىسى ارقىلى sanaq.gov.kz ارنايى سايتىندا ساناق پاراقتارىن ءوز بەتىنشە تولتىرادى.
You Might Also Like
-
قوجاناسىر ءبىر بالانى ەرتىپ ءتاتتى ساتاتىن دۇكەنگە كەلەدى. الۋانى الىپ بالاعا بەرىپتى دە، ۇيگە اپارا بەر، — دەيدى دە، ءوزى دۇكەندەگى باسقا تاۋارلاردى قاراي باستايدى. بالا دۇكەننەن ابدەن ۇزاعان ك...
-
ءبىر كۇنى ءبىر ءدارۋىش مولدانى توقتاتىپ الىپ، ماقتاۋ جىر وقيدى. مولدا تىڭداپ ءتۇرىپ، جىر بىتكەن سوڭ، ارى قاراي جۇرە بەرمەك بولادى.
