ۋنيۆەرسيتەتتەر بازاسىنان پەداگوگيكالىق ينستيتۋت قۇرۋ ۇسىنىلدى
17 ايماقتا قالىپتاسقان ۋنيۆەرسيتەتتەر بار. سولاردىڭ بازاسىندا ءبىلىم بەرۋ ينستيتۋتتارىن قۇرۋ كەرەك. بۇل تۋرالى ورتالىق كوممۋنيكاسيالار قىزمەتىندە وتكەن بريفينگتە ق ر جوو رەكتورلار كەڭەسى ءتوراعاسى ەرلان سىدىقوۆ ايتتى.
«ەلىمىزدە ۋنيۆەرسيتەتتەر كوپ. 18 ميلليون حالقى بار ەلگە ەكى جەردىڭ بىرىندە كوپسالالى ۋنيۆەرسيتەت اشۋ وڭاي ەمەس. وسى تۇرعىدا جوعارى وقۋ ورىندارىن بەيىمدەۋ ماسەلەسىن العا قويىپ وتىرمىز. وقۋ باعدارلاماسى ەكونوميكانىڭ ءار سالاسىنا قاراي نەگىزدەلگەن، باعىتتالعان، سول سالاداعى جۇمىس بەرۋشىلەرمەن تىكەلەي بايلانىستاعى جوعارى وقۋ ورىندارى بولسا - بۇل نارىققا توتەپ بەرەتىن جوعارى وقۋ ورىندارى بولارى ءسوزسىز»، - دەيدى ەرلان سىدىقوۆ.
ول وسى ماسەلە اياسىندا پەداگوگيكالىق ماماندار ازىرلەۋ كەرەكتىگىن العا تارتادى.
«تاياۋدا وتكەن ۇكىمەت مۇشەلەرىمەن وتكىزىلگەن جيىندا پرەزيدەنت قاسىم-جومارت كەمەل ۇلى دا پەداگوگيكالىق ماماندار مەن ينستيتۋتتاردى تارتىپكە كەلتىرۋ كەرەك ەكەنىن ايتتى. تارتىپكە كەلتىرۋدىڭ بىردەن ءبىر جولى رەتىندە ق ر ءبىلىم جانە عىلىم مينيسترلىگى ءوز ۇسىنىسىن ايتتى. 17 ايماقتا قالىپتاسقان ۋنيۆەرسيتەتتەر بار. سولاردىڭ بازاسىندا پەداگوگيكالىق ينستيتۋتتار قۇرىپ، ونىڭ باسشىسى فاكۋلتەت ەمەس، ينستيتۋت ديرەكتورى جانە سول ۋنيۆەرسيتەت رەكتورىنىڭ ورىنباسارى بولىپ قىزمەت اتقارسا جاڭا بازا سالۋدىڭ قاجەتى بولماس ەدى. 17 ايماقتىڭ بارىنە پەداگوگيكالىق ماماندار بىردەي كەرەك. پەداگوگيكالىق ينستيتۋت ءبىر جەردە اشىپ، ەكىنشى جەردە اشپاۋعا بولمايدى. ال بارلىق ايماققا بىردەي پەداگوگيكالىق ينستيتۋت سالىپ بەرۋ مۇمكىندىگى جوق. سول سەبەپتى، جوعارىدا اتاپ وتكەندەي، ۋنيۆەرسيتەتتەردىڭ قالىپتاسقان بازاسىندا بۇل مامانداردى دايىنداۋعا بولادى. بۇل ماسەلەدە جەرگىلىكتى بيلىك بەلسەندىلىك كورسەتۋى كەرەك، سەبەبى مۇعالىمدەر جەرگىلىكتى جەرلەرگە كەرەك. كەي وڭىردە 300-دەن باستاپ 1000-عا دەيىن مەكتەپ بار. ول مەكتەپتەرگە جىلىنا 2 ءمۇعالىم بارادى دەپ ەسەپتەسەك، 1000 مەكتەپكە 2 مىڭ ءمۇعالىم كەرەك دەگەن ءسوز. وسىنى رەتتەۋ ءۇشىن ق ر ءبىلىم جانە عىلىم مينيسترلىگى جۇيەلى جۇمىسىن باستاپ كەتتى»، - دەيدى ول.
You Might Also Like
-
قوجانىڭ بالا كەزىندە ءبىر قيقار مىنەزدى قۇربىسى بولسا كەرەك. ول ەكى ءسوزىنىڭ بىرىندە:
