InfoHub Logo

بىردە ابىل، ەسەنباق، شەرنياز ۇشەۋى بولىس، بايلارمەن ساپارلاس بولادى. «حالىققا اقىن، جىرشى ءقادىرلى مە، بي، بولىس-حاكىم ءقادىرلى مە؟» دەگەن ارالارىندا پىكىر تالاسى تۋادى. حالىق كىمدى قۇرمەتتەيتىنىن كورەمىز دەپ، بولىستار قويشىلار اۋىلىنا، اقىندار قوزىشى اۋىلعا تۇسەدى. كيىمدەرى دە جۇپىنى، ارىق اتتى ءۇش اقىندى سويىپ تاستارى جوق قوزىشى اۋىلى شايىمەن عانا قوناق ەتەدى. اسىلعان قازان كورىنبەيدى. شونجارلاردىڭ تاباسىنا قالماۋ ءۇشىن، اقىندار وزدەرىن ءبىراۋىز ولەڭمەن تانىستىرىپ، ءمان-جايدى بايان ەتەدى.

شەرنياز: جارىلعاس – اكەم اتى، شەشەم – تويلان.

ەسەنباق:  جوق پا ەكەن سىڭار قوزى ەگىز قويدان؟

ابىل: 

شەرنياز، ەسەنباق پەن ابىل اقىن،

بولىس، بي تابالاسا، نەعىلاسىڭ،

قايناسا، سەنىڭ سورىڭ قايناپ جاتىر،

انا اۋىل قوناعىنا قويىن سويعان.

وسىدان باستاپ ولەڭ، جىر تولاستاماي، قوزىشى اۋىل اقىنداردى ەكى كۇن جىبەرمەي قوناقتاپ، جار ايتقىزعان ەكەن، ابىل اتتاناردا:

- بولىس، بايلار اس ءىشىپ، اياق بوساتقاندارىنا ماقتانسا، اقىندار حالىققا التىن سوزىمەن ءقادىرلى ەكەن دەپ انا اۋىلداعى اكىمدەرگە ايتا بارىڭدار، -دەپتى.