InfoHub Logo

ءبىر ۇيدە ءۇش ساڭىراۋ تۇرىپتى: قىزى، اكەسى، شەشەسى.

بىردە شال اتىن سۋعارۋعا قۇدىققا بارادى. قۇدىق باسىنا ءبىر جاس جىگىت كەلەدى. ول كەلە:

— اتا، اسسالاۋماعالەيكۋم، — دەپ امانداسادى. سوندا شال:

— جوق بالام، بۇل مەنىڭ ءوز اتىم، اكەمنەن قالعان، بەرمەيمىن، — دەپ جاتىپ كەپ داۋلاسادى. سوسىن ۇيىنە كەلىپ جاڭاعى بولعان وقيعانى ايتادى. ءبىر جاس جىگىت اتىما جارماسىپ، ازەر قۇتىلدىم دەيدى. سوندا كەمپىرى:

— ىستىق بەرسەم، ىستىق بەردى دەيسىڭ، سۋىق بەرسەم، سۋىق بەردى دەيسىڭ، سەنىڭ قاي بابىڭدى تابايىن، — دەپتى. سوندا وسى اڭگىمەنىڭ ءبارىن ەستىپ وتىرعان قىزى:

— قاي بايعا بەرسەڭ، و بايعا بەر، كۇيەۋ تاڭداپ وتىرعانىم جوق، — دەپتى.

---