InfoHub Logo

ۇستاز - قاراتاۋدىڭ قويناۋىنداي تەرەڭدە جاتقان كەندى اشىپ، ءبىلىم مەن عىلىمنىڭ جەمىسىنىڭ ءدامىن تاتتىراتىن، ارمانسىزعا ارمان ۇيالاتىپ، قاناتسىزعا دارىن قاناتىن بىتىرەتىن عاجايىپ كۇش يەسى.

ەلباسى نۇرسۇلتان ءابىش ۇلى نازاربايەۆ «بولاشاقتا ەڭبەك ەت­ءىپ، ءومىر سۇرەتىندەر – بۇگىنگى مەكتەپ وقۋشىلارى، ءمۇعالىم ولاردى قالاي تاربيەلەسە، قازاقستان سول دەڭگەيدە بولادى. سوندىقتان ۇس­تازعا جۇكتەلەتىن مىندەت اۋىر» – دەگەن ەدى. ۇرپاققا تاربيە بەرۋ، ءبىلىم نارىمەن سۋسىنداتۋ – ەكىنىڭ ءبىرىنىڭ قولىنان دا كەلە بەرمەيدى. سوندىقتان، ۇستاز بولۋ – جۇرەكتىڭ باتىرلىعى دەپ باعالاۋعا بولادى. ۇستاز – اقىلدىڭ توزبايتۇعىن اسىلى. قاسيەتتى ماماندىق يەلەرىنىڭ ىشىندەگى جاۋھارى. وزگە ماماندىق اتاۋلىلارى وزدەرىنىڭ ءتۇر-سيپاتىن مىڭ قۇبىلتىپ جاتسا دا، ەش وزگەرىسسىز سول ءباز باياعى قالپىندا جاس ۇرپاققا ادامگەرشىلىك قاسيەتتەردىڭ ءدانىن ەككەن ديقانشى.

تاۋەلسىز ەل اتانىپ، توبەمىزگە تۋ تىگىپ، ءتىلىمىزدىڭ مارتەبەسى ارتىپ، الەمگە اتىمىزدى تانىتىپ جاتقان كەزەڭدە ۇلتتىڭ، ەلدىڭ بولاشاعى - جاس ۇرپاق تاربيەسىنە دە مىقتى كوڭىل بولىنۋدە. وسى ەگەمەندى، تاۋەلسىز قازاقستاندا وركەنيەتكە باستار جولدىڭ باستاۋى مەكتەپ دەسەك، مەكتەپتىڭ باستى تۇلعاسى، جۇرەگى - ءمۇعالىم. ۇلى اعارتۋشى ىبىراي 
ءالتىنساريننىڭ «ءمۇعالىم – مەكتەپتىڭ جۇرەگى» دەگەن دانالىق ويلارى وسى ءبىر
ۇلى ماماندىقتى يگەرگەن ءاربىر ۇستازعا ارنالادى. ۇستاز - تاۋدان ارقىراي اققان تاۋ وزەنى سەكىلدى، اينالاسىنا قۋات بەرىپ، جولىندا كەزدەسكەندەردى سۋىمەن نارلەندىرىپ، تاۋداي قيىندىقتاردى تاستاي دومالاتىپ، ءبىلىمنىڭ سار دالاسىندا تىنىشتىق تاۋىپ، دامىلدايدى. ۇستاز - جەر دەگەن الەمنىڭ بەتىن كوركەيتكەن، شاكىرتتەرىنە شۋاق توككەن كۇن - انا. ءار تاڭنىڭ اتىسى مەن ءار كۇننىڭ باتىسى ءوزىنىڭ ەمەس، ءسىزدىڭ قامىڭىز ءۇشىن قامىعىپ جۇرەتىن ءاربىر ۇستاز اتاۋلى جانداردىڭ ەڭبەگىن ۇلى دەمەي نە دەيسىز؟مىڭ عاسىر وتسە دە، ۇستازدىڭ اتى جانە «ۇستاز» دەگەن ۇعىم ولگەن جوق. ويتكەنى،  قازاق ۇلتىنىڭ ۇلى ۇستازى ىبىراي اتامىز، ءوزىنىڭ بۇكىل سانالى ءومىرىن، قازاق حالقىنىڭ جاڭا  بۋىنىن تاربيەلەپ، ولاردىڭ وزىق مادەنيەتتى  ەلدەردەن ۇلگى الۋىنا، ءبىلىمدى دە سانالى ازامات بولىپ جەتىلۋىنە  ايتارلىقتاي ۇلكەن ۇلەسىن  قوستى. سونىمەن قاتار، تۋعان حالقىنىڭ تاماشا بولاشاعىنا سەندى. سول سەنىمدى اقتار، بۇگىنگى جاستار - ءبىزدىڭ قولىمىزدا.

مەنىڭ ويىمشا: «جاقسى  ۇستازعا ەكى عانا نارسە كەرەك، ونىڭ ءبىرى - تەرەڭ ءبىلىم بولسا، ەكىنشىسى – ۇلكەن جۇرەك».  بالاعا  دەگەن شەكسىز ماحابباتتىڭ يەسى بولا بىلگەن ۇستازدىڭ ارقاسىندا،  ەگەمەن ەلدىڭ ەرتەڭىنە ۇلەس قوساتىن، تاۋەلسىز مەملەكەتتىڭ سانالى ۇرپاعى سانالاتىن شاكىرتتەرىمىزدىڭ سانى ارتاتىنىنا كامىل سەنەمىن.

مۇقاش جانسايا

---