InfoHub Logo

تاقىرىبى: ۇستاز - ۇلى تۇلعا
(ساحنا سىرتىندا ۇستاز تۋرالى ولەڭ وقىلادى)
دانىشپان دا، دانا دا وقىپ سەنەن،
اتاق - داڭقىن اسىردى بار الەمنەن.
«ۇستاز»دەگەن اياۋلى اسىل جاندى،
جاقسى كورەم، ارنايمىن جاقسى ولەڭ.

1 - ءشى جۇرگىزۋشى: ارمىسىزدار قۇرمەتتى دە اياۋلى ۇستازدار!
قۇتتى بولسىن مەرەكە بارشامىزعا،
جۇرىڭىزدەر ۇنەمى الدىمىزدا.
ۇستازدار تىنشىمايتىن ەڭبەكقورلار
ادامزات ۇرپاقتارىن تاربيەلەي،
زەردەسىن بولاشاقتىڭ زەرلەتپەڭدەر.
ءقادىرلى ۇستازدارعا ارنالعان: «ۇستاز - ۇلى تۇلعا» اتتى كەشىمىزدى باستايمىز.

2 - ءشى جۇرگىزۋشى: ونەرپازدار جارىسىپ سان - سالالى،
جيىن دەسە، توي دەسە جان سالادى.
كەشىمىزدىڭ اشىلۋ قۇرمەتىنە
اۋەلەگەن ءان جولدانادى.
ءان: «دوستار»

1 - ءشى جۇرگىزۋشى: اجىراماي مەكتەپتەن ءبىر ەلى ءسىز
جاقسىلىققا ارنالعان جۇرەگىڭىز.
ءسوز بەرەلىك قۇرمەتپەن وزىڭىزگە،
ۇستازدارعا ارنالعان تىلەگىڭىز.
تولعاۋ: ۇستازدارعا ارناۋ

2 - ءشى جۇرگىزۋشى:
ۇلبوسىن، بۇگىن بىزدە ۇلكەن مەرەكە. بۇگىن ۇستازدار قاۋىمىنىڭ ءتول مەرەكەسى! ولاي بولسا بۇگىنگى كۇن ۇستازدارعا ارنالماق. ۇستاز - ۇلاعاتتى ەسىم. كۇن ساۋلەسى ومىرگە قانداي جارىق بەرسە، ۇستاز ەسىمى دە شاكىرتتەرگە سونداي جارىق بەرەدى.
اقىرىن ءجۇرىپ انىق باس.
ەڭبەگىڭ كەتپەس دالاعا
ۇستازدىق ەتكەن جالىقپاس،
ۇيرەتۋدەن بالاعا،- دەپ اباي اتامىز ايتقانداي، شاكىرتتەرىڭ وزىنەن وزعانىن قالاعان ۇستازدار قاۋىمى مەرەكەلەرىڭىز قۇتتى بولسىن!

1 - ءشى جۇرگىزۋشى
دەنساۋلىقتارىڭىز مىقتى بولسىن، شاڭىراقتارىڭىز شاتتىققا تولسىن، شاكىرتتەرىڭىز كوپ بولسىن!
بىرگە: مەرەكەلەرىڭىز قۇتتى بولسىن!

2 - ءشى جۇرگىزۋشى:
- سەن قالاي ويلايسىڭ، ۇلبوسىن؟ مەنىڭ ويىمشا، كەز - كەلگەن ءمۇعالىم ۇستاز بولا المايدى. سەبەبى ۇستازدىق ونەر، تاعىلىمى تەرەڭ ونەر. ال ونەرلى بولۋ كەز - كەلگەن ادامعا قونا بەرمەيدى. ولاي بولسا، شىن ۇستاز بولۋ ءۇشىن تابيعي دارىن ىزگىلىكتى ىزدەنىس پەن ەرەن ەڭبەك كەرەك.«شاكىرتسىز ۇستاز تۇل» دەگەن بەكەر ايتىلماسا كەرەك.

1 - ءشى جۇرگىزۋشى:
دينا، مەن وسى ءسوزىڭ دالەلدى بولا ءتۇسۋ ءۇشىن مىنا جىر شۋماقتارىن قوسايىن.
ۇستاز بولۋ - جۇرەكتىڭ باتىرلىعى،
ۇستاز بولۋ – مىنەزدىڭ كۇن شۋاعى،
ازبايتۋعىن ادامنىڭ التىندىعى - دەپ اقىن عافۋ قايىربەكوۆ اتامىز جىرلاعانداي، ءبىزدىڭ مەكتەبىمىزدە ءسوزى مارجان ۇستازداردىڭ بار بولعانىنا ماقتانىش ەتەم. ارينە، ۇستاز جۇگى - اۋىر جۇك. ادامنىڭ جان دۇنيەسىن ءتۇسىنىپ، رەنجىتپەي، قاتەلىگىن سەزدىرە ءبىلۋ - بۇل ناعىز شەبەرلىك.

2 - ءشى جۇرگىزۋشى:
ەندەشە، ۇرپاقپەن ءومىر جولى جالعانادى،
كوڭىلدى كۇندەر تۋسىن الدا ءالى
ءان - شاشۋ اسەم اۋەن، ءتۇرلى ونەر،
بۇگىنگى كۇن سىزدەرگە ارنالادى.
ۇستاز تۋرالى ءان سىزدەرگە ارنالادى، اياۋلى ۇستازدار، قابىل الىڭىزدار!
الدارىڭىزدا «ۇستازىم مەنىڭ»انىمەن وقۋشىلار

1 - ءشى جۇرگىزۋشى:
كۇللى ءومىرىن جەتكىنشەككە ارناعان،
ءمۇعالىمدى ارداقتايدى بارشا جان
ول مەكتەپتەن شىقپاسا دا قىس - جازى،
جەمىسى ونىڭ جەردىڭ ءجۇزىن شارلاعان
بالا دەسە ويلامايدى ءوز قامىن
كورسەم دەيدى كۇنگە دە قول سوزعانىن
شاكىرتتەرىنىڭ وزىنەن ءوزعانىن.

2 - ءشى جۇرگىزۋشى:
ۇستازدار! قانداي عاجاپ حالىقسىزدار!
شاكىرتكە شىڭداي بيىك الىپسىزدار.
جان بىتكەن جانارىنا نۇر سىيلاعان،
كۇندەي بولىپ كۇلىمدەگەن جارىقسىزدار.

1 - ءشى جۇرگىزۋشى:
دينا، ەكەۋىمىز ەندى سىنىپتاستارىمىزدان ۇستاز تۋرالى قانداي ناقىل ءسوز بىلەتىندەرىن سۇرايىق
ازامات: ۇستاز بولۋ - ءوز ۋاقىتىن اياماۋ، وزگەنىڭ باقىتىن ايالاۋ.
بالاۋسا: ۇستازعا قاراپ شاكىرت وسەر.
دىنمۋحامەت: اسپاز كورگەن ات تانىر، ۇستاز كورگەن حات تانىر.
اياجان: ۇستازىڭدى ۇلى اكەڭدەي سىيلا.
ايبەك: ۇستازى جاقسىنىڭ، ۇستامى جاقسى.

2 - ءشى جۇرگىزۋشى
ۇلبوسىن، ەكەۋىمىز ۇستازدار جايلى قانشا ماقتاۋ ءسوز ايتساق تا تاۋسىلماس ءسوز كەزەگىن وقۋشىلارعا بەرەلىك

ارۋجان: شاكىرتتەرىن ازامات قىپ سانالى،
ۇستاز انا، دانا بولا الادى.
ەڭ باستىسى ۇستاز مىنا ومىردە
ۇلاعات بوپ ۇلىلىق بوپ قالادى.
ايبار: جاقسىلىق اتاۋلىعا جارشى جاندار،
جاماندىق اتاۋلىعا قارسى جاندار
بالانى سۋسىنداتىپ وسىرۋگە،
ءبىلىمنىڭ بۇلاق كوزىن ارشىعاندار.

1 - ءشى جۇرگىزۋشى:
اسىعا سالەم جولداپ جۇرەكتەن ءبىز
بىرگە ءوسىپ ەن جايلاعان ۇل مەن قىز
ءتاتتى كۇي، اسقاق ءان مەن اسەم ءبيدى،
سىزدەرگە تارتۋ ەتىپ ۇسىنامىز،- دەي كەلە سىنىبىمىزدىڭ بيشىلەرىن ورتاعا شاقىرامىز.
بي: ورىندايتىن قىزدار

2 - ءشى جۇرگىزۋشى:
- ۇلبوسىن تۇسىندىرمە سوزدىكپەن جۇمىس جاساساق قالاي قارايسىڭ؟
- قانە باستا.
كانيكۋل - جىلدىڭ ەڭ قىسقا كۇندەرى.
كۇندەلىك - ۇلكەندەرگە كوپ كورسەتە بەرمەيتىن قۇپيام.
ماتەماتيكا - مەن تۇگىل اكەمنىڭ ءتىسى باتا بەرمەيتىن «جاڭعاق»
دوس - باقىلاۋ جۇمىسىندا داپتەرىنە جازدىرعاندارىن باقىلاتىپ وتىراتىن يا قىز، يا ۇل.
ساباق - ءۇزىلىستى زارىقتىرا كۇتتىرەتىن 45 مينۋت.
سپورت سەكسياسى - اجەمە ايتاتىن باستى سىلتاۋىم.
«اپايعا ايتام»- قىزداردىڭ نەگىزگى قارۋى.

1 - ءشى جۇرگىزۋشى:
دينا، ۇستازدارىمىز بىزدەن ەمتيحان العاندى جاقسى كورەدى، وسى ءساتتى پايدالانىپ، ءبىز دە ۇستازداردان سىناق الىپ كورسەك قايتەدى؟
2 - ءشى جۇرگىزۋشى:
- سەن سوندا ۇستازدارىمىزبەن ورىن اۋىستىرساق دەيسىڭ بە؟
1 - ءشى جۇرگىزۋشى:
- يا، يا.
2 - ءشى جۇرگىزۋشى:
- ەندەشە تىنىشتىق ساقتاڭىزدار! مۇعالىمدەرگە ارنالعان ەمتيحاندى باستايمىز.

سۇراقتار:
1. دومبىرادا جەتەۋ، سىرنايدا – التاۋ، قوبىزدا بەسەۋ. بۇل نە؟(ءارىپ)
2. بۇل ساندا قانشا ءارىپ بولسا، سونشا سان بار. ول قاي سان؟(ءجۇز)
3. جەل سوققاندا تاۋ ىق بولا ما؟(ىق بولادى)
4. تەڭىزدە قانداي تاس بولمايدى؟(قۇرعاق)
5. ەرتىستىڭ ورتاسىندا نە بار؟(ت ءارپى)
6. ءوزى سۋدان شىعادى، ءبىراق سۋدان قورقادى. بۇل نە؟(تۇز)

1 - ءشى جۇرگىزۋشى:
كوپ راحمەت سىزدەرگە، ۇستازدار! بارلىعىڭىز دا ەمتيحاننان سۇرىنبەي وتتىڭىزدەر.
ءان ورىندايتىن قىزدار

ءمۇعالىم: گ. و. جىلكىبايەۆا
ۇستاز - ۇلى تۇلعا. جۇكتەۋ