ۇيلەنگەن جاستارعا اتا-انا تىلەگى
كوپ تىلەكتى كوكسەيدى عوي كوكەيىم،
جارىقتارىم، ساداعاڭ بوپ كەتەيىن.
«قىز-جات جۇرتتىق» -
دەگەن بابامىز،
ەت جۇرەگىم ەلجىرەيدى، نە دەيىن؟
ءومىر جولى ءتۇزۋ ەمەس، بۇرالاڭ.
تالايلاردى تالقىعا ساپ سىناعان.
قارلىعاشتاي قاناتىمەن سۋ سەپكەن،
بىر-بىرىنە قامقور بول دەپ سۇرانام.
ۇل-اتا ءىزىن،
قىز باسادى انا ءىزىن،
ۇلكەن سىيلاۋ – ەكەۋىڭنىڭ پارىزىڭ.
تۋىس-تۋعان، اتا-اناڭدى قادىرلەپ،
اياۋلىسى بولا بىلگىن جارىڭنىڭ.
بايتەرەگىم ەڭ، جايقالسىن جاسىل جەلەگىڭ،
ءورىسىڭ كەڭىپ، ىرىسىڭ تاسسىن، ورەنىم.
شاڭىراعىڭ شالقىپ،
وزگەگە جۇرسەڭ ۇلگى بوپ،
مارقايىپ ءبىز،
باعىمىز جاندى دەر ەدىم.
ەرتەڭىڭدى ويلاپ،
ەلجىرەپ جۇرەك، تولقىدىم،
كۇيەۋى-تىرەك،
جان-جارى بولار كوركى ءۇيدىڭ.
قيا وتپەي، قىزىم،
باباڭنىڭ سالتىن ساقتاعىن،
كەرەگەسى التىن –
كەلىنى جاقسى بولسا ءۇيدىڭ!
You Might Also Like
-
كەلىن كوپ بۇگىن، كەمەل بوپ كوڭىل تاسۋدا، ورىمدەي جاستار اتتاندى ءومىر-اسۋعا. انانىڭ كۇتكەن تاڭى دا اتتى ارايلاپ، اعايىن-تۋعان تىلەگىن اپپاق قوسۋدا.
-
تىرلىكتە كۇندە توي ەمەس، توي بولسا كوڭىل سەرپىلەر. كۇندەردىڭ وتكەن كوبى ەلەس، باس قوسقان شاقتا جەلپىنەر.
