ۆيسە-مينيستر 30 جاستان اسقان ستۋدەنتتەر جايىندا: جوو-عا ديپلوم ءۇشىن بارادى
30 جاستان اسقان ستۋدەنتتەر جوعارى وقۋ ورىندارىنا ءبىلىم الۋعا ەمەس، ديپلوم ءۇشىن كەلەدى. مۇنداي پىكىردى ق ر ءبىلىم جانە عىلىم ۆيسە-مينيسترى ميراس داۋلەنوۆ ايتتى.
«وتكەن جىلى 30 مىڭنان استام ستۋدەنت ءبىلىم الىپ جاتقان ءبىر جوعارى وقۋ ورنىن تەكسەردىك. ونىڭ جابىلاتىندىعى تۋرالى جاريالادىق. وسى ورايدا ءبىزدىڭ شەشىمىمىزگە شاعىم ءتۇسىرىلىپ، سوت وتىرىستارى جارتى جىلعا سوزىلدى. ءبىلىم ساپاسىنىڭ تومەندىگىن جانە جوو-نىڭ جابىلاتىنىن بىلە تۇرا بىردە-بىر ستۋدەنت باسقا وقۋ ورنىنا اۋىستىرىلماعان»، - دەدى م. داۋلەنوۆ ورتالىق كوممۋنيكاسيالار قىزمەتىندە.
ونىڭ ايتۋىنشا، ستۋدەنتتەر كونتينگەنتىنىڭ جارتىسىنان استامى 30 جاستان اسقان ادامداردى قامتيتىن جوو-لار دا بار.
«بۇل ستۋدەنتتەردىڭ ءبىلىم ءۇشىن ەمەس، ديپلوم الۋعا كەلگەنىن ءتۇسىنىپ وتىرمىز. 30 جاستان اسقان بۇل ستۋدەنتتەردە ءبىرىنشى كۋرستان باستاپ تۇراقتى زەينەتاقى اۋدارىمدارى ءجۇرىپ جاتقانىن اتاپ وتكەن ءجون، ياعني ولار جۇمىس ىستەپ جۇرگەن ادامدار. ناتيجەسىندە، ءبىز قانداي مامانداردى كورەتىنىمىز بەلگىلى»، - دەدى ميراس داۋلەنوۆ.
ونىڭ سوزىنە قاراعاندا، تەكسەرىس بارىسىندا اتالعان ستۋدەتتەردىڭ سااباقتارعا بارمايتىندىعى انىقتالدى. پاندەميا كەزىندە دە ولار قاشىقتان وقىتۋ رەجيمىندەگى ساباقتارعا قاتىسپاۋدا.
«ءىس جۇزىندە بۇل ستۋدەنتتەر وقىماي جۇرگەنىن كورىپ وتىرمىز. اتاپ ايتقاندا، جوعارى جاستاعى ستۋدەنتتەردىڭ ءبىلىم الۋىنا ەشقانداي شەكتەۋ جوق، ولار ەمىن-ەركىن ءبىلىمىن جالعاستىرا الادى. ولار ءبىلىم الۋعا نيەت تانىتسا، وندا ناقتى ساباقتاردا بولۋى كەرەك»، - دەدى ۆيسە مينيستر
You Might Also Like
-
«قازاننان قاقپاق كەتسە، يتتەن ۇيات كەتەدى» دەيدى. ءبىزدىڭ جاس مەملەكەتىمىزدىڭ قاقپاعى اشىلعان كورىنەدى. سوندىقتان ۇياتى كەتكەندەر تالان-تاراجعا سالىپ جاتقانى اشىلىپ جاتىر. وسىنداي كۇد...
-
ق ر ءبىلىم جانە عىلىم ۆيسە-مينيسترى ميراس داۋلەنوۆ ەلىمىزدە ديپلوم بەرۋدە قانداي وزگەرىس بولاتىنىن ايتتى.
