InfoHub Logo

ح. دوسمۇحامەدوۆ اتىنداعى اتىراۋ مەملەكەتتىك  ۋنيۆەرسيتەتى
جۋرناليستيكا ماماندىعىنىڭ III كۋرس ستۋدەنتى عاريفوللا شىرىن
جەتەكشىسى: جۇمابايەۆا انارحان

                               
«ادام كوركى شۇبەرەك» دەپ تەگىن ايتپاسا كەرەك قازاق اتالارىمىز. شۇبەرەك دەمەكشى مەن بۇكىل ەۋروپا مەن ازيا ەلدەرىن قوپارماي-اق، قازاق ەلىنىڭ قازىرگى ءسان الەمى جايىندا ءسوز ەتكىم كەلەدى. ءيا، شىنىمەندە ءوڭ بەرەتىندە، وزگەرتەتىندە ماتا بولىگى. كەزەكتە، اتاقتارى تۇكپىر-تۇكپىر الەمگە شىقپاسادا، ەلىمىزگە تانىمال برەندتەرى بار قازاق ديزاينەرلەرى جايىندا ءسوز قوزعاسام دەيمىن. «الىستان اربالاماي، جاقىننان دوربالا» دەمەكشى، ءوز تۋعان شاھارىم — اتىراۋ قالاسىندا تىگىنشى-ديزاينەرلەرىمىز جەتەرلىك. ەندى سول شىعارىلعان ءونىم مەن تىگىنشىلەر جايىندا ايتا باستاسام دەيمىن. ءبىرىنشى كەزەكتە اتىراۋ قالاسىنا عانا تانىمال ەمەس، اققىستاۋ، ماڭعىستاۋ، جاڭاوزەن ەلدى مەكەندەرىنە تانىس — «SM colletion» برەندى. تولىقتىرا ايتسام — سالتانات ماقسوتوۆا كوللەكسياسى. قازىرگى تاڭدا اتەلەسىن اشىپ، بيزنەسىن قارقىندى جۇرگىزۋدە. ديزاينەرمەن تولىق بەتپە-بەت جۇزدەسپەسەمدە، سىڭعىرلاعان ۇنىمەن ۇيالى بايلانىس ارقىلى تىلدەسۋدىڭ ءوزى مەن ءۇشىن ءبىر عانيبەت. سۇحبات بارىسىندا ءبىر تۇيگەنىم — ديزاينەر قىز-كەلىنشەكتەردىڭ كەز-كەلگەن ارمانىنداعى كەش كويلەكتەرىنەن باستاپ، توي كويلەگىنە دەيىن تاپ ءبىر سيقىرلى پەريزاتتار سەكىلدى تىگىپ بەرە الادى. اتەلەدە وزىنەن بولەك قوسىمشا 4 ادام جۇمىس اتقارادى. دەگەنمەندە ەڭ تەز جۇمىسشى — تىگىنشىنىڭ ءوزى. وسى ماماندىققا باسىندا تەك حوببي رەتىندە قاراعانىن، تاپسىرىس بەرۋشىلەرىن ءوز بولمەسىندە قابىلداعانىن جاسىرمادى. ءبىراق، كەيىن ۋاقىت وتە كەلە وسى جۇمىسى — سۇيىكتى ماماندىعىنا اينالعانىن دا ايتا ءوتتى. ءوز اتەلەسىن اشۋ وڭايعا تۇسپەگەنىن جانەدە اتا-اناسىنىڭ قولداۋىمەن، تاپسىرىسشىلارىنىڭ سەنىمى ارقاۋ بولدى. قازىرگى كەزدە قاراپ وتىرساق وسىنىڭ ءبارى ءتۇس سەكىلدى كورىنەدى ارينە، ءبىراقتا ءدال وسى كەزدە ەڭبەكتىڭ ەشقاشان وڭاي جولمەن كەلمەيتىنىن ەستە ۇستاعان ءجون سەكىلدى. ديزاينەرگە ءاربىر تاپسىرىس بەرۋشى مەن كومەكشىلەرىنىڭ ويى ماڭىزدى. وسى ەرەكشەلىگىمەن ءوز دىتتەگەنىنە جەتە ءبىلدى. ونىمدەرىنىڭ ورتاشا باعاسى — 18 مىڭنان باستاپ جوعارىلايدى. تاڭدالاتىن ماتا ۇلگىسى، ولشەمى مەن تىگىلەتىن كۇنى، باعاسىمەن باستالماق. قازاق ناقىش جايىندا ءسوز قوزعالعاندا، ونىمدەرىندە قولدانىستا ەكەنىن، ونى ودان ءارى دامىتاتىنىن ايتا ءوتتى. تىگۋدەن بولەك، وسى سالانى مەڭگەرتىپ، ۇيرەتۋشى جاس شاكىرتتەرى بار. SM collection برەندى ءوز شاھارىمىزدان بولەك باسقا قالالاردى ونىمدەرىمەن تاڭ قالدىرىپ جۇرۋىنە دالەلدەر جەتەر-اق. اتىراۋ قالاسى ديزاينەرلەرىنىڭ ءونىم باعالارى قازىرگە تانىمال ديزاينەرلەردىڭ ساپاسىناندا، باعا جاعىناندا كەم ەمەس ەكەنىن ەسكەرگەنىمىز ءجون. ەكىنشى كەزەكتە «Assyl collection» ەتنو كيىم برەندىندە. تىگىنشىمىز — اسىل ديۋزبايەۆا. كيىم ونىمدەرىن قازاقى ناقىشتاعى ويۋ-ورنەكتەرمەن ۇيلەستىرە تىگۋدىڭ شەبەرى دەپ ارتىق ايتپاسام، كەم بولماس. تىگۋ مەن قاتار ديزاينەر قىزدارعا «1 كۇندە كويلەك» ماستەر كلاسسىن وتكىزسە، بوبەك ارۋلارىمىزعا ارناپ «كىشكەنتاي تىگىنشى» كۋرسىن وتكىزەدى. ودان كەيىن «Zolotaya Igla» اتەلەسى. شىعارۋشى — عازيزا حۆان. تىگىنشىمىز بالعىندارعا ارناپ كويلەك، بويجەتكەندەرىمىزگە كەش كويلەكتەرمەن بىرگە كۇرتەشە، كومبەزدى تاپسىرىسپەن تىگەدى. جانەدە سوڭعىسىنا «Irena Neibart» برەندى. بۇل ديزاينەردىڭ ەرەكشەلىگى نەدە دەپ ويلانساڭىز، جاۋاپ رەتىندە family look تىگىن توپتاماسىن ايتار ەدىم. انالارمەن بالاپاندارعا بىردەي ماتادان تىگىلگەن كويلەكتەر. وسىمەن تىگىنشىلەر توپتاماسىنىڭ سوڭىنا كەلدىك دەسەك قاتەلەسەمىز، سەبەبى ءالى دە ءبىز بىلمەيتىن، ەستىمەگەن تىگىنشىلەرىمىز قانشاما.

---