InfoHub Logo

ساباق جوسپارلارىنىڭ ءتىزىمى:
1. ناتريي، كاليي جانە ولاردىڭ قوسىلىستارى (10 سىنىپ)
2. كۇكىرت قىشقىلى. سۋلفات يونىنا ساپالىق رەاكسيا (9 سىنىپ، سلايدىمەن)
3. وتتەك. وكسيدتەر. جانۋ
4. كاربون قىشقىلى

تاقىرىبى: ناتريي، كاليي جانە ولاردىڭ قوسىلىستارى
ساباقتىڭ تاقىرىبى: ناتريي، كاليي جانە ولاردىڭ قوسىلىستارى
ساباقتىڭ ماقساتى: بىلىمدىلىگى: وقۋشىلارعا ناتريي، كالييگە سيپاتتاما بەرۋ، قاسيەتتەرىن، الىنۋ جولدارىن، قولدانىلۋىن، تابيعاتتا تارالۋىن، قوسىلىستارىنىڭ ماڭىزىن ۇعىندىرۋ.
تاربيەلىلىگى: شىعارماشىلىق ىزدەنىستەرىن، ىسكەرلىك داعدىلارىن، پانگە بىلىمگە قىزىعۋشىلىقتارىن ارتتىرا وتىرىپ، ءوز بەتىمەن ءبىلىم الا بىلۋگە تاربيەلەۋ
دامىتۋشىلىعى: ءوز بەتىنشە ويلاپ ءوز ويلارىن عىلىمي تۇردە جەتكىزۋ داعدىسىن، جان - جاقتى بىلىمدەرىن دامىتۋ.
ساباقتىڭ ءتيپى: ارالاس ساباق (ءتۇسىندىرۋ، سالىستىرۋ، قورىتىندىلاۋ)
ساباقتىڭ ءتۇرى: ترەنينگ – ساباق (بىلىممەن ىسكەرلىك داعدىسىن جەتىلدىرۋ)
ساباقتىڭ ءادىسى: توپتىق، ۇجىمدىق جەكە جۇمىس.
كورنەكىلىگى: د. ي. مەندەلەيەۆتىڭ پەريودتىق جۇيەسى، سلايد تۇرلەرى، بەينەكورىنىس، ينتەرنەت ماتەريالدارى.
ءپانارالىق بايلانىس: گەوگرافيا، بيولوگيا، ماتەماتيكا.
ساباقتىڭ ءجۇرۋ بارىسى:

1. ۇيىمداستىرۋ.
وقۋشىلاردى 3 توپقا ءبولدىم. ساباق باستاماس بۇرىن وقۋشىلاردىڭ كوڭىل - كۇيىن ءبىلۋ ماقساتىندا بەرىلگەن دوڭگەلەكتەردىڭ بىرەۋىن كوتەرۋىن ءوتىندىم ( جاسىل – وتە جاقسى، سارى – ورتاشا، قىزىل – ناشار ) كۇيدەمىن.

2. جاڭا ساباق
ءار ادام جاس ەرەكشەلىگىنە قاراماي ساياحاتتانۋدى ۇناتادى. بۇگىن مەن سەندەردى «سىلتىلەر الەمىنە» شاقىرامىن. بارلىعىمىز پويىزعا وتىرايىق، سەندەر جولاۋشى، مەن باعىتتاۋشى بولامىن. الدارىڭداعى داپتەرلەرىڭ بۇگىن «جولاۋشى كۇندەلىگى» بولسىن. ءاربىر ستانسيادا نەنى كورىپ باقىلاعانىمىزدى وسى كۇندەلىككە جازىپ وتىرىڭدار. بۇگىنگى ساباعىمىزدىڭ تاقىرىبى: ناتريي، كالييگە جالپى سيپاتتاما جانە ولاردىڭ قوسىلىستارى. ءبىز توقتالاتىن بەكەتتەر:
1. تانىستىرۋ بەكەتى (ناتريي، كالييگە جالپى سيپاتتاما)
2. فيزيكالىق بەكەت (فيزيكالىق قاسيەتتەرى)
3. حيميالىق بەكەت ( قاۋىپسىزدىك ەرەجەسى، حيميالىق قاسيەتتەرى)
4. قوسىلىستار بەكەتى (ماڭىزدى قوسىلىستارى)

حيميالىق قاسيەتى: قاۋىپسىزدىك ەرەجەسىمەن تانىستىرۋ
ناتريي، كالييمەن جۇمىس جاساعاندا قاۋىپسىزدىك ەرەجەلەرىن قاتاڭ ساقتاۋ كەرەك. قولىمەن ۇستاۋعا بولمايدى. تەرىنى كۇيدىرەدى. قالدىقتارىن قوقىس سالاتىن كورزينكاعا سالۋعا بولمايدى، ويتكەنى تۇتانىپ جانىپ قوپارىلىس بەرۋى مۇمكىن. وسىدان كەيىن ءناترييدىڭ سۋمەن ارەكەتتەسۋىن جانە ءناترييدىڭ كۇكىرتپەن ارەكەتتەسۋىن ۆيدەوروليكتەن كورسەتۋ.