InfoHub Logo

ساباقتىڭ تاقىرىبى: زات ەسىمنىڭ جاسالۋى. دارا جانە كۇردەلى زات ەسىمدەر. دەرەكتى، دەرەكسىز زات ەسىمدەر.
قازاق ءتىلى 6 سىنىپ
ساباقتىڭ ماقساتى:
بىلىمدىلىك: تاقىرىپ بويىنشا ءبىلىم بەرۋى، كەڭەيتۋ، العان بىلىمدەرىن قولدانا بىلۋگە ۇيرەتۋ؛
تاربيەلىك: ءتۇرلى تاپسىرمالار ارقىلى ۇلتجاندىلىققا، ولەڭدى مانەرلەپ وقۋعا، اڭعارىمپازدىققا، تاپقىرلىققا تاربيەلەۋ؛
دامىتۋشىلىق: وقۋشىلاردىڭ شىعارماشىلىق جانە ءوز بەتىندىك قابىلەتىن، تازا، كوركەم جازۋ قابىلەتىن، وي - ساناسىن دامىتۋ.
ساباقتىڭ ءتۇرى: جاڭا تاقىرىپ
ساباقتىڭ ءوتۋ ءادىسى: كەستە، ءتۇسىندىرۋ، تاپسىرمالار بەرۋ، سۇراق - جاۋاپ،
ساباق كورنەكىلىگى: تاقىرىپقا ارنالعان سىزبا، كەسپە كارتوچكالار

ءى. ۇيىمداستىرۋ كەزەڭى.
1. سالەمدەسۋ.
2. سىنىپتىڭ تازالىعىنا نازار اۋدارۋ.
3. وقۋشىلاردىڭ نازارىن تاقتاعا اۋدارۋ

ءىى. ءۇي تاپسىرماسىن سۇراۋ.
103 - جاتتىعۋ. «ۇلتتىق سالت – داستۇرلەر» تاقىرىبىندا قازاق سالت - داستۇرلەرى تۋرالى شاعىن اڭگىمە جازىڭدار.
سۇراق – جاۋاپ:
1. ءسوز تاپتارى دەگەنىمىز نە؟
2. ءسوز تاپتارى نەشەگە بولىنەدى؟
3. زات ەسىم دەگەنىمىز نە؟ مىسال كەلتىرۋ، سۇراقتارىن اتاۋ،
4. زات ەسىم ماعىناسىنا قاراي قالاي بولىنەدى؟
5. قۇرامىنا قاراي قالاي بولىنەدى؟
6. جالپى جانە جالقى ەسىمگە مىسال كەلتىرۋ
7. دەرەكتى جانە دەرەكسىز زات ەسىمدەر دەگەنىمىز نە؟ مىسال كەلتىرۋ.

ءىىى. جاڭا تاقىرىپ: زات ەسىمنىڭ جاسالۋى. دەرەكتى، دەرەكسىز زات ەسىمدەر.
ءمانى بويىنشا
1. جالپى ەسىم.
بىركەلكى زاتتاردى، قۇبىلىستاردى جاپپاي اتايتىن سوزدەر.
م: تاۋ، قۇس، ادام، وسىمدىك، جانۋار، اڭ، اۋىل،

2. جالقى ەسىم.
ءبىر زاتقا عانا بەرىلگەن اتاۋ. بىركەلكى زاتتاردى، قۇبىلىستاردى جەكەلەي اتايتىن، ارنايى بەرىلگەن ەسىمدەر مەن اتاۋلار.
م: الاتاۋ، اقەركە، جەتىسۋ، ايۋ، ساۋىسقان، الاتاۋ،

تانىلۋى بويىنشا
1. دەرەكتى زات ەسىم. ناقتىلى تانۋعا بولاتىن، كوزبەن كورىپ، قولمەن ۇستاۋعا بولاتىن زات اتاۋلارى.
م: كىتاپ، مەكتەپ، دوس، سۋ، نان، داپتەر، قالام، ينە،

2. دەرەكسىز زات ەسىم.
كوزگە كورىنبەگەنمەن، ادامنىڭ ويلاۋى ناتيجەسىندە عانا تانىلاتىن قۇبىلىس، ۇعىم اتاۋلارى.
م: اقىل، وي، باقىت، ارمان، ءبىلىم،

دارا زات ەسىم
ءبىر سوزدەن جاسالعان زات ەسىم دارا زات ەسىم دەپ اتالادى.
م: انا، اعا، اكە، كول، وزەن،
1. نەگىزگى زات ەسىم.
تەك تۇبىردەن جاسالعان زات ەسىمدەر.
م: وتان، ەر، ەسىم، دوس، جول، مال، اۋىل

2. تۋىندى زات ەسىم
جۇرناق جالعانۋ ارقىلى جاسالادى
م: قۋان - ىش، سەز - ءىم، شات - تىق، تۋ - ىس، توڭازىت - قىش، قون - اق، تارا - ق، كۇرە - ك

كۇردەلى زات ەسىم
1. ەكى نە بىرنەشە ءسوزدىڭ بىرىگۋى، قوسارلانۋى، تىركەسۋى، قىسقارۋىنان جاسالادى.

مىسالى: مۇراجاي، اققۋ، باسپا ءسوز، دوس - جاران، اتا - انا، سان ەسىم، سىن ەسىم، قازۇۋ، اتا زاڭ، قازۇپۋ، ساياباق.

ءىV. وقۋلىقپەن جۇمىس.
104 - جاتتىعۋ. زات ەسىمدەردى كوشىرىپ جازىپ، ماعىنالىق تۇرىنە اجىراتىڭدار. قارامەن جازىلعان سوزدەر جالپى ەسىم بە، جالقى ەسىم بە تۇسىندىرىڭدەر.

105 - جاتتىعۋ. بەرىلگەن سوزدەردى ءتورت توپقا (دەرەكتى، دەرەكسىز، زات ەسىم، جالپى ەسىم، جالقى ەسىم) ءبولىپ جازىڭدار.
دەرەكتى زات ەسىم: جۇزىك، اقشا
دەرەكسىز زات ەسىم: ابىروي، ادامگەرشىلىك
جالپى ەسىم: اقشا، ىقشام اۋدان
جالقى ەسىم: زەڭگى بابا

106 - جاتتىعۋ. زات ەسىمدەردى تەرىپ جازىپ، ماعىنالىق تۇرلەرىنە اتاپ بەرىڭدەر.
V. ساباقتى بەكىتۋ.
سۇراق – جاۋاپ؛
1. زات ەسىم دەگەنىمىز نە؟ مىسال كەلتىرۋ، سۇراقتارىن اتاۋ،
2. زات ەسىم ماعىناسىنا قاراي قالاي بولىنەدى؟
3. قۇرامىنا قاراي قالاي بولىنەدى؟
4. جالپى جانە جالقى ەسىمگە مىسال كەلتىرۋ
5. دەرەكتى جانە دەرەكسىز زات ەسىمدەر دەگەنىمىز نە؟ مىسال كەلتىرۋ.

Vءى. ۇيگە تاپسىرما. 107 - جاتتىعۋ. تومەندە بەرىلگەن سوزدەرگە بايلانىستى ءوز جاندارىڭنان جۇمباق، جاڭىلتپاش نەمەسە شاعىن ولەڭ قۇراستىرىڭدار. جۇلدىز، دوس، ارمان، بايتەرەك، قىران، باقىت.

قوستاناي وبلىسى، ارقالىق قالاسى،
№10 ورتا مەكتەپتىڭ قازاق ءتىلى جانە ادەبيەتى ءپانى ءمۇعالىمى
وسپان ايدانا ۋاقيت قىزى

زات ەسىمنىڭ جاسالۋى. دارا جانە كۇردەلى زات ەسىمدەر. دەرەكتى، دەرەكسىز زات ەسىمدەر. جۇكتەۋ