InfoHub Logo

Сабақтың тақырыбы: 1837 – 1847 жылдардағы Кенесары Қасымұлы бастаған көтерілістің басталу себептері мен барысы.
Сабақтың мақсаты:
- 1837 – 1847 ж күрес үш жүзді қамтыған отаршылдық езгіге бағытталған ХХІ ғ ең ірі сипатын түсінеді.
- Оқушылар өздігімен жұмыс жасай отырып, осы қозғалыстың қазақ елінің ішкі қайшылықтарының патша өкіметінің отаршыл саясатына байланыстылығын ашып көрсете отырып, өз позициясын берік ұстануға үйренеді.
- Қозғалыстың басты себептерін талдай отырып, шығармашылық белсенділіктерін дамытады.
Сабақтың түрі: «Оқу мен жазу арқылы сын тұрғысынан ойлауды дамыту» технологиясы.
Сабақта қолданылатын стратегиялар: «Дөңгелек үстел», «Негізгі идеяны суреттеу», «Он минуттық эссе», «Шығу парағы», «Бағалау парағы».

Сабақтың барысы:
І – Ұйымдастыру.
ІІ. Қызығушылықты ояту. Ой қозғау. «Дөңгелек үстел» стратегиясы бойынша оқушылар нөмірленіп отырады. 1837 – 1847 ж көтеріліс туралы білгендерін жазады. Оқушылардың жазған ойлары сарапталады.

ІІІ. Мағынаны ашу. Топтарға тапсырма беріледі.
1. Көтерілістің себептері.
2. Көтерілістің мақсаты және сипаты.
3. Қозғаушы күштер. (оқулықты пайдалана отырып, топ өздеріне берілген тапсырмалармен жұмыс жасайды.) Оқушылар ойларын схема, тезис, сурет тағы басқа. «Негізгі идеяны суреттеу» стратегиясы бойынша плакатқа жинақтап, топтың атынан спикер қорғайды.

ІV. Ой толғаныс.
Мұғалім оқушылардың ойларын талдай отырып, қорытынды жасайды.

V. Үйге тапсырма. Сіздер қалай ойлайсыздар, «Көтеріліс қазақ халқының сол кездегі жағдайын шеше алды ма?» Ойланып өз ойларыңыздан шағын эссе жазып келейік.
VІ. Бағалау. Сабаққа қатысқан оқушыларды бағалау үшін, топ басшылары бағалау парағын өткізеді.
VІІ. Шығу парағын толтыру.
Бүгінгі сабақ бойынша шығу парағы толтырылады.
1. нені үйрендік
2. сұрақ, пікірі
3. ұсыныс