InfoHub Logo

Білім беру саласы: «Қатынас», «Әлеуметтік орта»
Ұйымдастырылған оқу іс - әрекеті: Көркем әдебиет
Тақырыбы: авторы: Абай. Қ. «Жаз» өлеңі.
Мақсаты:
Білімділік: Балалардың жаз мезгілі туралы білімдерін тиянақтау;
Дамытушылығы: Өз ойларын ашық айтуға, сөздік қорын, тіл байлығын дамыту.
Тәрбиелігі: Көктем мезгіліндегі ерекшеліктермен салыстыра отырып, табиғатқа деген сүйіспеншіліктерін арттыру;
Қолданылатын көрнекіліктер: Жаз мезгіліне байланысты сюжетті суреттер. АКТ
Қостілдік компонент: жаз - лето; күн - сольнце;

Ұйымдастыру кезеңі:
Тәрбиеші:
- Қайырлы таң балалар! Балалар, бүгін бізге ерекше күн! Қане барлығымыз, қонақтармен амандасып алайық. Ендеше сендерді «Шаттық шеңберіне»
шақырамын.
Қуанамын менде,
Қуанасың сенде,
Қарсы алайық, достарым!
Келді қонақтар бізге.
- Сәлеметсіздер ме!
- Здраствуйте!
- Good morning!
Өткенді қайталау:
- Жылдың неше мезгілі бар?
Балалар: 4 мезгіл бар.
- Жарайсыңдар балалар!
- Қазір жылдың қай мезгілі?
Балалар: Жаз мезгілі.
- Көктем мезгілінің ауа - райында қандай ерекшеліктерін білеміз?
Балалар: құстар оралады, қар ериді, гүлдер бүршік атады.
- Балалар, жаз мезгілінде ауа райы қандай болады?
Балалар: ыссы болады.
Ендеше, осы жаз мезгілі туралы білгілерің келе ме?
Балалар: Иә.

Бейне сюжет
- Балалар, қане барлығымыз мына бейне сюжет арқылы Абай Құнанбаев атамыздың «Жаз» өлеңімен танысайық.

Сөздік жұмыс:
- Балалар, жаңағы Абай атамыздың өлеңін дұрыстап құлақ салып тыңдадық па? Өлеңнің ішінде «Ұзарып», «Күркіреп» деген сөздерді қалай түсінесіңдер?
Тәрбиеші әр сөзге тоқталып оның мағынасын ашып, түсіндіріп өтеді. Сөздерді балаларға қайталатады.

Сергіту сәті:
Бейне сюжет «Көңілді күн»
- Балалар, бойларың бір сергіп қалған болар.
- Ал, ойын ойнағыларың келе ме? Ендеше кеттік. Осы ойын арқылы сендердің білімдеріңді де тексеріп өтейін.

Қимылдық ойын: «Тауып көр!»
Мақсаты: Балаларды шапшаңдыққа тәрбиелеу. Білімдерін тексеру.
Ойын шарты: Ортаға 4 бала шығады.
Тәрбиеші екі үстелдің үстіндегі суреттердің ішінен жазға байланысты суреттерді тауып, тақтаға жапсыруды ұсынады. Бірінші тауып орындаған балалар жеңімпаз болады.
Ойын жалғасын табады.

Қорытынды:
Тәрбиеші сурет арқылы бүгінгі сабақта не туралы білгендерін, ненің ерекше естерінде қалғандарын сұрап тексереді.
Балалар білімін қорытындылап, жақсы қатысқандары үшін мадақтап, оқу іс - әрекетін аяқтайды. Қонақтармен қоштасады.
- Сау болыңдар!

Коммуналдық мемлекеттік
қазыналық кәсіпорын
№33 «Көркемай» балабақшасы
Жақсылықова Мөлдір Абзалқызы
Екінші сәбилер топ тәрбиешісі