InfoHub Logo

Сабақтың тақырыбы: Көктемде. І.Жансүгіров
Көктем жыры. М.Хакімжанова
(ашық сабақ)
Сабақтың мақсаты:
Білімділігі: Өлең жолдарын мәнерлеп оқу арқылы ұғымдары кеңейеді, көктем мезгілінің табиғи өзгерістерін, белгілерін, ерекшеліктерін анықтайды.
Дамытушылық: өз ойын дәлелді түрде еркін жеткізе біледі, бірлесе отырып топ ішінде бірін-бірі үйретеді, тыңдайды, пікірлеседі, белсене қатысады, ой-өрісі, сөз қоры молаяды.
Тәрбиелігі: Ұйымшылдыққа, еңбексүйгіштікке тәрбиеленеді.
Сабақтың типі: Жаңа сабақты меңгерту.
Сабақтың түрі: дәстүрлі
Сабақтың әдісі: сұрақ-жауап, көрнекілікпен жұмыс, әңгімелеу, «топтастыру» , «ой шақыру»
Сабақтың көрнекілігі: суреттер, интерактивті тақтада слайдтар.

Сабақтың барысы: І. Ұйымдастыру
ІІ. Үй тапсырмасын тексеру
а) Әңгіменің мазмұнын сұрау
ә) Сұрақтар
б) Үйрен жақсы әдетті (әңгімелеу)
ІІІ. Актуальдау.
Ағаштарды отырғызу жұмыстары қай кезде жүргізіледі?

ІҮ.Жаңа сабақ
Көктемде. І.Жансүгіров
Көктем жыры. М.Хакімжанова.
Жансүгіров Ілияс (1894-1938)- Қазақтың көрнекті жазушысы, қазақ әдебиетін қалыптастырушылардың бірі.
М.Хакімжанова – Қазақтың ақыны
Көктемде
Жауын жауып, жасылы
Жарқылдайды – жаз кепті.

Өкіреді өзен тасуы,
Қаңқылдайды – қаз кепті.
Ширады шымайт, шаң шықты,
Құрғады құмайт, саз кепті.

Төңірек ашық, тұман жоқ,
Көктен нұрын күн септі.
Торғайда, көлде той қылып,
Қаптады құстар жер-көкті.
Ауылдың малы балалап,
Айран шықты аз – көпті.

Манаурап мал, жан жадырап,
Жан-жануар мәз бопты.