Кемірушілер
Кемірушілер
Тышқан кіп-кішкентай, дене тұрқы 5 см, салмағы бірнеше грамм ғана болса, құндыздың дене тұрқы 1 метрге, салмағы 30 кг дейін жетеді; тиін әрі епті, әрі жеңіл қимылдаса, шанышқылы жайра ебедейсіз қозғалады; қарақас тышқаны ағаш сүрегін паналаса, дала суыры икемсіз келеді; қосаяқ ыстық климатты қуаң дала мен шөлді мекендесе, лемминг суық тундраны қалайды; ондатр, боршатышқан және саз құндызы тағы бар. Үлкен - кішілігі, сыртқы түрі, тіршілік әрекеті әр түрлі болып келетін бұл хайуанаттар арасында қандай ұқсастық бар.
Бұлардың бәрі де – кемірушілер. Бұл хайуанаттардың қалай қоректенетінін олардың ортақ аты да айқындап тұр. Кемірушілердің бәрі дерлік өсімдіктермен қоректенеді. Сондықтан кемірушілерді ең алдымен тістеріне қарап анықтайды. Оларда ит тіс болмайды, оның есесіне күрек тістері ұзын, мықты және өткір болып келеді. Үнемі «жұмыс істеуден» күрек тістері біртіндеп желінеді, бірақ қайтадан жетіліп кетеді.
Кемірушілерді кез келген жерден кездестіруге болады. Олар қиыр солтүстікте де, аптап шөлде де, биік тауда да, орманда да тіршілік етеді. Бірақ көптеген кемірушілерді, әсіресе тышқан тәрізділерді жыртқыш құстар, ең алдымен жапалақтар қорек етеді. Оларды сондай - ақ түлкі мен ақкіс, сусар мен бұлғын, күзен мен аққалақ секілді терісі бағалы аңдар да аулайды. Егер кемірушілер құритын болса, онда бұл жыртқыштардың бәрі де аштықтан қырыла бастайды. Оның үстіне кейбір кемірушілер – терісі бағалы аңдар. Тиін мен құндыздың, ондатр мен саз құндызының терісі тіпті ерекше бағаланады.
Тышқан кіп-кішкентай, дене тұрқы 5 см, салмағы бірнеше грамм ғана болса, құндыздың дене тұрқы 1 метрге, салмағы 30 кг дейін жетеді; тиін әрі епті, әрі жеңіл қимылдаса, шанышқылы жайра ебедейсіз қозғалады; қарақас тышқаны ағаш сүрегін паналаса, дала суыры икемсіз келеді; қосаяқ ыстық климатты қуаң дала мен шөлді мекендесе, лемминг суық тундраны қалайды; ондатр, боршатышқан және саз құндызы тағы бар. Үлкен - кішілігі, сыртқы түрі, тіршілік әрекеті әр түрлі болып келетін бұл хайуанаттар арасында қандай ұқсастық бар.
Бұлардың бәрі де – кемірушілер. Бұл хайуанаттардың қалай қоректенетінін олардың ортақ аты да айқындап тұр. Кемірушілердің бәрі дерлік өсімдіктермен қоректенеді. Сондықтан кемірушілерді ең алдымен тістеріне қарап анықтайды. Оларда ит тіс болмайды, оның есесіне күрек тістері ұзын, мықты және өткір болып келеді. Үнемі «жұмыс істеуден» күрек тістері біртіндеп желінеді, бірақ қайтадан жетіліп кетеді.
Кемірушілерді кез келген жерден кездестіруге болады. Олар қиыр солтүстікте де, аптап шөлде де, биік тауда да, орманда да тіршілік етеді. Бірақ көптеген кемірушілерді, әсіресе тышқан тәрізділерді жыртқыш құстар, ең алдымен жапалақтар қорек етеді. Оларды сондай - ақ түлкі мен ақкіс, сусар мен бұлғын, күзен мен аққалақ секілді терісі бағалы аңдар да аулайды. Егер кемірушілер құритын болса, онда бұл жыртқыштардың бәрі де аштықтан қырыла бастайды. Оның үстіне кейбір кемірушілер – терісі бағалы аңдар. Тиін мен құндыздың, ондатр мен саз құндызының терісі тіпті ерекше бағаланады.
You Might Also Like
