InfoHub Logo

Сабақтың тақырыбы: Қыртысы күрделі драпировканың тоны, жарық пен көлеңкесін салыстырып орындау.
ә) Ауа қатынасын тауып, штрихтау арқылы жарық көлеңкесін салыстыру.
Сабақтың мақсаттары:
а) білімділігі: Оқушыларға драпировка туралы түсінік беру. Оқушыларды әсем, әдемі бейнелеуге баулу.
Қағаз бетіне дұрыс үйлестіруді үйрету.
Жарық пен көлеңкесін табуды меңгерту.
ә) Тәрбиелік мәні
Оқушыларды таза, ұқыпты, өз бетінше сурет салуға, жақсы нәтижеге жетуге тәрбиелеу.
б) Дамытушылығы
Жай қарындаш арқылы салынған суреттер бойынша оқушының ой - өрісін, қиялын дамыту, шығармашылық қабілеттерін өрістету, сурет салуға икемділік дағдыларын қалыптастыру.
Сабақтың көрнекіліктері:
Драпировканың салыну жолдары көрсетілген плакаттар, тақырып жазылған плакат, ребус, қойылым,(драпировка)
Сабақтың түрі: Аралас
Сабақтың әдісі: Түсіндіру, көрсету, сурет салдырту.

Сабақтың барысы:
I Ұйымдастыру кезеңі
IIЖаңа сабаққа даярлық
III Жаңа сабақ
IV Ой қозғау
V Бой қозғау
VI Оқушылармен өзіндік жұмыс
VII Сабақты қорыту
VIII Бағалау.

I. Ұйымдастыру кезеңі
Оқушылармен амандасу, оқушыларды түгелдеу, құрал жабдықтарын тексеру, оқушыларды сабаққа дайындау.

II. Жаңа сабаққа даярлық
Балалар, біз бүгін «Қыртысы күрделі драпировканың тоны, жарық пен көлеңкесін салыстырып орындау»атты жаңа сабағымызды бастайық. Сабақ басталмас бұрын қағаз, қарындаш, өшіргіш т. б құралдарыңды дайындап алайық. Енді драпировканың салыну жолдарына, штрихтау тәсілдеріне үңілейік.

III. Жаңа сабақ
Фонға ілінген мата немесе шүберекті драпировка дейміз. Матаны сурет терминінде драпировка деп атаймыз. Драпировканың көптеген түрлері бар. Олар: киім драпировкасы, шторлардың драпировкасы, тюльдердің драпировкасы, мүсін драпировкасы, кескіндеме драпировкасы, қабырға драпировкасы, стол стуль драпировкасы т. б
Драпировканың әр түрлі түстері болады. Олар жылы түс, суық түс болып екіге бөлінеді. Драпировканы суретте әр заттың жақсы ашық көрінуі үшін пайдаланамыз. Мысалы: жылы натюрмортқа жылы түс, салқын түстеріне қарай драпировка қоямыз.
Драпировканың да әр зат сияқты жарық, меншікті көлеңке, түспе көлеңкелері болады. Суық драпировканың көлеңкесі қою көлеңке болады, ал жылы драпировканың көлеңкесі ашықтау болады. Көбінесе әр түрлі заттарға фон арқылы пайдалануға болады. Бірақ затқа бір ғана драпировка қоюға болады. Әр бейнені және кейіпкерді нақты көрсету үшін ғана пайдаланады.

IV. Ребус шешу. Оқушылар, бүгінгі жаңа сабағымызға байланысты ребус шешеміз.
Жасырын сөз - Драпировка.

V. Оқушылармен өзіндік жұмыс.
Сурет сабағында кездесетін сөздерден ребус құрастыру. Мысалы: жарық, көлеңке, сызық, штрих. т. б.

VI. Сабақты қорыту
Жаңа сабақты қорыта келе, біз драпировканың не екендігін, драпировка түрлерімен, драпировканың салыну жолдарымен таныстық. Драпировканың суретін салуды біле отырып, жаңа сабақты бекітеміз.
1. Драпировка дегеніміз не?
Фонға ілінген матаны - драпировка дейміз.
2. Драпировка түрлерін ата?
Мата драпировкасы, киім драпировкасы, шторлардың драпировкасы, тюльдердің драпировкасы, мүсін драпировкасы, кескіндеме драпировкасы, қабырға драпировкасы, стол стуль драпировкасы т. б
3. Драпировканың неше түсі болады?
Суық және жылы түстері болады.
4. Драпировканы не үшін пайдаланамыз?
Әр түрлі заттарға фон ретінде және заттарды және кейіпкерлерді нақты көрсету үшін ғана пайдаланамыз.
VIII Бағалау.
Сабаққа жақсы, белсенді қатысқан оқушыларды атап айтып, жақсы салынған суреттерді көрсетіп, мадақтау арқылы бағалау.