InfoHub Logo

Tanymal akter Azamat Satybaldynyń densaýlyǵy kúrt nasharlap, jedel túrde aýrýhanaǵa jetkizildi. Bul týraly akterdiń ózi jelidegi paraqshasynda jazdy.

Óner ıesiniń aıtýynsha, alǵashqyda ózin jaısyz sezingenmen, jaǵdaıynyń mundaı deńgeıge deıin ýshyǵatynyn oılamaǵan.

«Sultan Beıbarys» spektaklin oınaı almaı qalamyn dep kim oılaǵan. Kórermenderimnen keshirim suraımyn. 19-y kúni «Zýleıha» spektaklin oınap úıge bardym. Kelesi kúni Áýezov teatrynda spektákl qoıýym kerek edi. Túnde saǵat 12-den asa, birden qatty syrqattanyp shyǵa keldim. Janymdy qoıarǵa jer tappadym. İshpegen dárim qalmady. Tańǵy tórtke deıin alystym, biraq jaǵdaı jaqsarmady.

Jedel járdem shaqyrýǵa týra keldi. Dárigerler kelgen boıda tekserip, birden ota jasaý kerektigin aıtty. Men ártispin ǵoı, «erteń jasasańyz bolmaı ma?» dep edim, dárigerler «bul ne degen sumdyq, tez arada ota jasaý qajet» dep tańǵaldy. Amalym joq, jan tátti ǵoı, kelistim. Qazir jaǵdaıym jaqsy, Allaǵa shúkir. Dárigerlerge alǵysym sheksiz, tynbaı eńbek etip jatyr. Kezegimen kelip, jaǵdaıymdy surap jatyr. Alla razy bolsyn. Aýyrmańyzdar», - dep jazdy akter.

Sonymen qatar, Azamat Satybaldy qazaqtyń kórnekti aqyny Muhtar Shahanovpen qoshtasý rásimine qatysa almaǵanyna ókinish bildirdi.

«Bir ókinish bar. Muhtar aǵamen qoshtasa almadym. Jaqsy kóretin aqynym, nar tulǵaly qoǵam qaıratkeri edi. Alla aldynan jarylqasyn aǵamyzdy. Janyńyz jánnáttyń tórinde shalqysyn, asyl aǵataı», - dep túıindedi ol.

Aıta keteıik, Azamat Satybaldy – kıno, teatr jáne teledıdar salasynda ózindik orny bar tanymal akter. Ol 1975 jyly Jambyl oblysynda dúnıege kelgen. M. Áýezov atyndaǵy Qazaq ulttyq drama teatrynda eńbek etken. Qazirgi tańda T. Júrgenov atyndaǵy Qazaq ulttyq óner akademıasynyń rektory qyzmetin atqarady. 2014 jyly akterge «Qazaqstannyń eńbek sińirgen qaıratkeri» qurmetti ataǵy berilgen.