InfoHub Logo

Taqyryby: Analar merekesi
Maqsaty: Balalardyń 8 – shi naýryz jaıly túsinigin molaıtý. Úlkenderdi, bir – birin syılaýǵa tárbıeleý. Oılaý qabiletin, tilderin damytý.
Merekelik kóńil – kúılerin kóterý.
Kerekti quraldar: Sandar, oramaldar, matreshkalardyń kıimi.
Keıipker: Kóktem.
Ádemi kıingen balalar ádemi áýenmen kiredi.

Júrgizýshi: - Qurmetti qonaqtar, balalar! Búgin kóktemniń eń ádemi alǵashqy merekesi 8 – naýryz – Analar, qyzdar, ápkeler merekesi.
Mereke qutty bolsyn! Sizderge densaýlyq, mol baqyt, qýanysh tileımiz.
Toı – toılap dala men qalalarym!
Merekeń qutty bolsyn analarym!
Qarakóz qyz, abzal ana merekesimen.
Quttyqtaýǵa kelip otyr balalaryń!
Bizdiń toptyń «Analar merekesi» erteńgiligine arnalǵan ónerin tamashalańyzdar.
Medına, Súleıman sizderge taqpaqtaryn aıtyp beredi.
Medına: Ómirge bizdi keltirip,
Jaryq dúnıe syılaǵan.
Jamandyqqa balasyn,
Esh ýaqytta qımaǵan.
Kórmesin qaıǵy balalar,
Aman bolsyn – analar!

Súleıman: Bizge tártip úıretken,
Án saldyryp, bıletken.
Dospen tatý oınaýdy
Merekeni toılaýdy,
Boıymyzǵa sińirgen,
Tárbıeshi ápkeler
Merekelerińiz qutty bolsyn!

Ádemi áýenmen Kóktem kiredi.
Oıanyńdar shópter, aǵashtar, gúlder de
Kóbelekter, aralar, qońyzdar da
Qustar! Alys jaqtan oralyńdar.
Ushyńdar! Kóktem hanshaıymyn qarsy alyńdar!
- Sálemetsizder me balalar! Búgingi 8 – naýryz merekesi qutty bolsyn! Sizderge uzaq ómir, eńbekte tabys tileımiz.
Júrgizýshi: Sálemetsiz be, Kóktem! Kelińiz tórletińiz. Bizdiń balalardyń ónerin tamashalańyz. Merekeni balalarmen birge toılap, kóńil kóterińiz.
Kóktem: Jaraıdy. Ónerlerińdi kóreıin.

Júrgizýshi: Kóktemge arnap Súleımanbek óz taqpaǵyn aıtyp bersin.
Kóktem, kóktem, kóktemde
Qustar qaıtyp kelgende,
Biz qýanyp qalamyz
Ánmen qarsy alamyz.

Júrgizýshi: Balalar, bárimiz turyp «Kóktem keldi» ánin aıtaıyq.
Án – hor: «Kóktem keldi»
Júrgizýshi: Qurmetti qonaqtar, Kóktem! Bizdiń Medına, Súleıman, Mumammedjan
«Qýyrshaq» bıin bılegisi keledi.
Bı: «Qýyrshaq»
Júrgizýshi: Endi ánshi ul – qyzdarymyz Asylaı, Aqmarjan, Súleıman
analarǵa arnap «Ana – ómir shyraǵy» ánin aıtady.
Jeke án: «Ana – ómir shyraǵy».
Kóktem: Qandaı ónerli balalarsyńdar, rahmet! Kóńilim bir kóterilip qaldy.
Júrgizýshi: Kóktem, bizdiń balalardyń óneri bunymen bitpeıdi. Olar aıtysty da jaqsy kóredi. Qazir sizderdiń aldaryńyzda Medına, Aqmarjan degen sulý qyzdaryńyz Súleımanmen aıtysqa shyǵady.
Analar merekesi júkteý