InfoHub Logo

Taqyryby: Aq mamam
Maqsaty: Analar merekesimen birge kúnniń nuryn tógip kelgen kóktem merekesiniń erekshelikterin ataı otyryp, tabıǵattyń jańarýyn, qulpyrýyn balalarǵa jetkizý. Eshqashan analaryn renjitpeýge, qolǵanat bolýǵa, qurmetteı bilýge tárbıeleý.

Balalar «Váls» áýenimen zalǵa kiredi.

1 Júrgizýshi: Qymbatty analar, qonaqtar «Kúnshýaq» İ kishi tobynyń
«Aıaýly - anashym» atty erteńgiligine qosh keldińizder!
2 júrgizýshi: Búgin naýryzdyń 8 – i
Sulýlyqtyń negizi
Ádemi sóz adamnyń
Anaǵa aıtar lebizi
Sizderdi kóktem aıynyń alǵashqy merekesi 8 naýryz – analar kúnimen quttyqtaımyz! Árqashan denderińiz saý, kóńilderińiz jaıdarly bola bersin! Kishkentaı búldirshinderimizdiń ónerlerin tamashalaýǵa ruqsat etińizder!

1 júrgizýshi: Balalar qarańdarshy aınala qandaı ádemi, qazir jyldyń qaı mezgili?
Balalar: Kóktem mezgili.

2 júrgizýshi: Durys balalar, kóktem mezgilinde kún jylynyp, qar erip, jyly jaqtan qustar ushyp keledi, aǵashtar búrshik jarady, tabıǵat sulýlana túsedi.

1 júrgizýshi: Kóktem mezgiliniń alǵashqy merekesi qalaı Analar kúni! Qane, balalar bárimiz birge analarymyzǵa arnap án aıtyp bereıik.

Án: «Merekeńmen anashym»
2 júrgizýshi: Bizdiń balalar ánmen qatar taqpaqty da aıta alady. Analarymyzǵa arnaǵan taqpaqqa kezek bereıik.

Janymyzdy jaınatqan,
Sizdersiz ǵoı analar!

Zor den saýlyq, mol baqyt
Tileımiz biz balalar.

Álpeshtegen, aıalaǵan,
Aq sút bergen apataıym

Sálem joldap búgin saǵan
Merekeńmen quttyqtaımyn

Bal bóbegin baptaǵan,
Mamam úshin maqtanam.

Aıalaıtyn bizderdi
Kóp jasasyn aq mamam!

1 júrgizýshi: Jaraısyńdar! Tyńdańdarshy balalar ana jaqta «Mama, mama» degen daýys estiledi.

2 Júrgizýshi: Bul ne dybys? Kim eken mamasyn joǵaltqan?
Zalǵa qoıan kiredi.
Qoıan: Mama, mama! Mamamnyń artynan sekirip kele jatyr edim. Adasyp qaldym. Endi qaıdan tabamyn? /jylaıdy/

1 júrgizýshi: Qoıanjan nege jylaısyń, jylama. Biz saǵan mamańdy taýyp beremiz. Balalar qoıanjannyń mamasyn tapqansha sender qoıannyń kóńilin kóterý úshin án aıtyp bereıik.
Án: «Mamamyz»

2 júrgizýshi: Qoıanjannyń kóńil kúıi áli joq. Endeshe kóbelekterimiz bı bılep bersin.
Bı: «Kóbelekter»
Túlki kiredi: Men eshkimnen qoryqpaımyn. Men bárin de aldaımyn. Qoıannyń qasyna kelip: Qoıan, sen nege jylaısyń?
Qoıan: Men mamamdy joǵaltyp aldym.
Túlki: Mamań qandaı?
Qoıan: Meniń mamam bárinen de sulý, ádemi.
Túlki: Ótirik aıtpa, meniń mamam bárinen ádemi. Eń ádemi meniń mamam. (artyna qaraıdy. Mamasy joq) Oı, meniń mamam qaıda? (Basyn ustaıdy). Men mamamdy joǵalttym.(Ekeýi jylaıdy.)
1 júrgizýshi: ekeýiń de jylamańdar senderdiń mamalaryn ádemi, sulý. Mamalaryńdy tapqansha bizdiń balalar kóńilderińdi kóterip oıyn oınap alyńdar.

Oıyn: «Kim tez gúl teredi»

Uldar gúlderdi bir – birlep sebetke salady, qyzdar qumyraǵa salyp eki top bolyp jarysady. Qaı top kóp jınasa sol top jeńimpaz atanady.
Aıý keledi: Bul ne shý, uıqymnan oıattyńdar ǵoı.
2 júrgizýshi: aıýjan renjemeshi mynda qoıan men túlki mamalarynan adasyp qalypty. Olar jylaı beredi. Bizdiń balalar kóńilderin kóterý úshin bı bılep bergen bolatyn.
Aıý: Aaaaa. Al, mamalaryń qandaı edi?
Ekeýi: Sup – sulý, áp - ádemi!
Aıý: Joq, joq, joq, meniń mamam ádemi.
«Joq, meniń mamam ádemi», - dep úsheýi daýlasady.
1 júrgizýshi: Qane daýlaspaımyz. Bárińniń de mamalaryń ádemi, sulý. Qarańdarshy senderdiń jylaǵandaryńdy kórip bizdiń uldardyń senderge arnap bı bılep, taqpaq aıtyp bermekshi.

Bı: «Kavboı»

Mamalardy súıemiz
Sózin oıǵa túıemiz.

Ájeni de ardaqtap
Ádeppen bas ıemiz.

Ájetaıym, ájetaı
Sizdi jaqsy kóremiz.

Sizge óleń – taqpaqty
Jatqa aıtyp beremiz.

Shýaǵyńdy sepken
Kúnimizsiń áje.

Juldyzdaryń bop,
Aınalamyz áje.

Osy kezde arý kóktem keledi.
Arý kóktem: Salamatsyzdar ma, balalar! Menimen birge kún jylynyp, aınala sulýlanyp nurlanyp tur. Sender nege shýlap jatyrsyńdar.
- Oı, meniń ormandaǵy dostarym munda eken ǵoı.
2 júrgizýshi: Toqtańyz kóktem, bizdiń balalar 8 naýryz Analar merekesin toılap jatyrmyz. Bizdiń balalardyń sizge arnaǵan taqpaǵy da bar, tamashalańyz.

Kóktem degen qystaǵy
Ánimiz ǵoı aıtatyn.

Kóktem degen qustar ǵoı,
Týǵan jerge qaıtatyn.

Kóktem kúni shýaqty,
Kóktem kúni qýatty.

Mal jaǵalap sýatty
Saı – salamen sý aqty.
1 júrgizýshi: Barlyǵymyz birge boıymyzdy sergitip alaıyq.

Án: «Bir ońǵa, bir solǵa»

Arý kóktem: Rahmet balalar, kóńilimdi kóterdińder. Men senderge ózimniń syılyǵymdy ala keldim. Endi men dostarymdy Túlkijan, Aıýjan, Qoıanjandy mamalaryna aparaıyn. Saý bolyńdar, balalar!
2 júrgizýshi: Keıde osyndaı aıtqandy tyńdamaı, mamasynan adasyp ketetin balalar kezdesedi. Biraq, bizdiń aramyzda ondaı bala joq. Bizdiń balalar mamalarynyń aıtqanyn tyńdaıdy, syılap, qurmettep júredi.
1 júrgizýshi: Durys aıtasyń, bizdiń balalar tártipti.! Mine búgingi erteńgiligimiz de aıaqtalyp qaldy. Analaryńa, ájelerińe óz qolymen jasaǵan syılyqtaryńdy beretin sátte keldi. Balalar analaryna syılyqtaryn usynady. Saý bolyńyzdar!

Aq mamam (8 naýryzǵa arnalǵan erteńgilik) júkteý