InfoHub Logo

Qaraǵandyda 19 jastaǵy Rıza esimdi qyz burynǵy kúıeýiniń aýyr soqqysynan kókbaýyrynan aıyryldy. Dárigerler onyń ómirin saqtap qalý úshin shuǵyl ota jasap, kókbaýyrdy alyp tastaýǵa májbúr boldy.

Bul týraly Infohub.kz aqparat agenttigi habarlaıdy.

Bastapqyda jasóspirim kezinde zorlyq kórgen

Basylymnyń málimetinshe, qyz ben onyń burynǵy kúıeýi sport zalynda tanysqan. Sol kezde qyz 16 jasta, al er adam 32 jasta bolǵan. Qyzdyń aıtýynsha, alǵashqy jynystyq qatynas óz erkinen tys bolyp, 17 jasynda júkti bolyp, turmysqa shyǵýǵa májbúr bolǵan. Bul jaǵdaıdan ata-anasy habarsyz qalǵan.

Turmystaǵy zorlyq-zombylyq

Turmys qurǵannan keıin janjaldar jıilep, zorlyq-zombylyq turaqty sıpat alǵan. Qyzdyń sózinshe, kúıeýi ony uryp-soǵyp qana qoımaı, kúıdirip, qorqytyp, túrli vıdeolarǵa túsirýge májbúrlegen.

«Ár janjaldan keıin túrli jolmen jazalaıtyn. Birde ony dalaǵa aparyp, temir qubyrmen uryp, ústine qaınaǵan sý quıǵan», – delingen aqparatta.

Aýyr jaraqat jáne ota

Keıin er adam ajyrasýǵa ótinish bildirgenimen, qyz balasynyń bolashaǵy úshin onymen birge turýyn jalǵastyrǵan. Alaıda sáýir aıynda bolǵan kezekti janjal aýyr zardapqa ákelip, ol aýyr jaraqat alǵan. Nátıjesinde dárigerler shuǵyl operasıa jasap, kókbaýyryn alyp tastaǵan.

Polısıa qandaı shara qoldandy?

Qaraǵandy oblystyq polısıa departamenti bul faktini rastady. 11 sáýir kúni jaraqat alǵan 19 jastaǵy qala turǵyny medısınalyq mekemege júgingen. Atalǵan derek boıynsha qylmystyq is qozǵalyp, kúdikti ustalyp, ýaqytsha ustaý ızolátoryna qamalǵan.

Qazirgi ýaqytta jábirlenýshi daǵdarys ortalyǵyna ornalastyryldy.