InfoHub Logo

«Ózin - ózi taný» páni sabaq jospary 8 synyp
Taqyryp: «Ar - ujdan – adamdyq ólshemi»
Qundylyǵy: Qıanat jasamaý
Qasıetter: ádilettilik, oımen, sózben, ne bolmasa ispen tiri janǵa zıan keltirmeý jaqsy azamat bolý.
Sabaqtyń maqsaty: oqýshylarǵa ar - ujdan, uıat, abyroı týraly durys, jaǵymdy kózqaras qalyptastyrý arqyly, qıanat jasamaý qundylyǵynyń mánin ashý.
Mindeti:
 Adam ómirindegi ar men ujdannyń mánin asha otyryp, adam ómirin retteýshi, adamı ádilettilik qasıetterdiń ólshemi ekenin tanytý.
 Oqýshylardy oımen, sózben, ne bolmasa ispen tiri janǵa zıan keltirmeý úshin, ómirlik áreketine, óz minez-qulqyna saraptama jasap, ózindik baǵdaryn anyqtaı alý, múmkindigin damytý.
 Ar tazalyǵyna jetý úshin óz áreketin taldap kemshiligin tanyp, jan sulýlyǵy arqyly ádilettilikke, oımen, sózben ne bolmasa ispen tiri janǵa zıan keltirmeýge, jaqsy azamat bolýǵa tárbıeleý.

Sabaq barysy:
1. Uıymdastyrý kezeńi. (Oqýshylarmen amandasý.)
Tynyshtyq sáti. (Baıaý áýenmen aıtylady. )

Ormanǵa oısha serýen
Arqańyzdy tik ustap, otyryńyz. Kózińizdi jumyp, tereń tynys alyńyz. Árbir tynys alǵan saıyn neǵurlym kóbirek bosańsyp, sabyrly bolýǵa tyrysyńyz. Qazir biz ormanǵa serýenge shyǵamyz. Ózińizdiń synyp esigine qaraı bettep, esikti ashqanyńyzdy dálizben ótip, dalaǵa shyqqanyńyzdy elestetińiz. Taza aýany jutyp, shashyńyzdy jelbiretken jeldiń lebin jáne betińizdi sál - pál qyzdyrǵan kún sáýlesin sezińiz. Ormanǵa qaraı júre bastańyz. Kele jatqanda abaı bolyńyz, jándikterdi basyp ketpeńiz. Bir mınýt toqtap aınalaǵa kóz salyńyz. Tabıǵattyń ásemdigi men balǵyndyǵyn sezinińiz.

Taldaý.
1) Tynyshtyq sátti kezinde qandaı kóńil - kúıde boldyńyz?
2) Qandaı sezim paıda boldy?
3) Neni elestete aldyńyz?

Úı tapsyrmasyn tekserý:
Qurastyrǵan «Ar - ojdandy» beıneleıtin beınebaıandar jınaǵyn tekserý

2. Dáıeksóz
• Ar - ojdan aldyndaǵy adaldyq óz qadir - qasıetińe, izgi is - áreketińe baılanysty.
Ábý Násir ál - Farabı

(1muǵalim, uldar 1 ret, Qyzdar 1 ret, uldar men qyzdar barlyǵy birge qaıtalaıdy.)
3. Muǵalimniń syıy

Bozoramal
P. Djon
Avtobýs aıaldamasynda eshkimdi elemesten muńǵa batyp, jalǵyz jigit otyr. Jolaýshylardyń keıbiri oǵan kóńil aýdaryp, qarap ótse, endi bireýleri qaramaıdy da. Jigittiń olarǵa moıyn burýǵa murshasy da joq, tereń oıǵa batqan.
Ol ótken ómirin qaıta - qaıta esine aldy. Jıyrma jyldaı buryn ol kelesi kóshedegi qyzyl kirpish úıde dúnıege kelip, baqytty balalyq shaǵyn ótkizip edi. Bul úı múmkin ornynda joq ta shyǵar biraq, qyzyl - jasyl gúlder ornynda qalǵan bolar. Ol úıiniń mańyndaǵy sol gúlderdi esinen bir sát te shyǵara almady. Úıdiń janynda ákesi óz qolymen jasap bergen átkenshek, ózi alǵash velosıped teýip úırengen baqtaǵy jalǵyz aıań jol bári - bári esinde. Ata - anasy osy velosıpedti birneshe aı boıy eńbek - aqylaryn jınap alyp berip edi. Araǵa onshaqty jyl salyp, velosıpedti mopedke aýystyrdy.
Jasóspirim endi ata - anasyna tóbesin sırek kórsetetin jaǵdaıǵa jetti. Ózi aqsha taba bastady, dostary da kóbeıdi, ol úshin ata - anasy ómirden artta qalǵandaı bolyp, olardan góri, dostarymen saýyq keshterde ýaqyt ótkizý qyzyqtyraq kórindi.

№2 Qazanbasy orta mektebi
Muǵalim: Abýzara G. S.
Ar - ujdan – adamdyq ólshemi júkteý