InfoHub Logo

Siz talantty, óz mamandyǵyn jete meńgergen, qyzmettesteri aldynda erekshe bedelge ıe bolǵan jansyz. Jınaǵan tájirıbeńizdi tálimger jáne aqylshy retinde keıingi jastarǵa jetkizýden jalyqpaısyz. Igi isterińizdiń qashanda ońǵa basýyna, ár qadamyńyzdyń qarymdy bolýyna, el-qoǵam aldynda abyroıyńyzdyń arta berýine tilektestik bildiremiz.

*** *** *** ***

Siz ónegeli eńbegińizben, tyndyrymdy isińizben jáne qarapaıym da parasatty minezińizben úlken abyroı-bedelge ıe bolǵan ujymymyzdyń tájirıbeli, úzdik mamanysyz. Týǵan kúnińiz qutty bolsyn! Árdaıym eńbegińiz jana bersin, jańa bıik jetistik shyńdaryna kóterile berińiz dep tileımiz.

*** *** *** ***

Ujymda Sizdi janyńyzdyń tazalyǵy men kóńilińizdiń adaldyǵy, qarapaıym minezińiz jáne eńbektegi bilgirligińiz úshin úlgi tutyp syılaıtynyn bildirgimiz keledi. Ortańyzǵa syıly, eńbekte abyroıly qalpyńyzda áli de talaı jyldar qatar qyzmet etýdi jazsyn.

*** *** *** ***

Ózińizdi iskerligi men uıymdastyrýshylyq qabileti joǵary qyzmetker, bolashaǵynan úlken úmit kúttiretin bilimdi de bilikti jas maman retinde tanımyz. Qyzyqqa qushtar, sulýlyqqa ińkár jastyq shaqtyń jalaýyn jyqpaı, jylýyn máńgi joǵaltpaı, aq mahabbat pen taza dostyqtyń adaldyǵyna súıenip, eńbektiń jemisi men jeńisine kenelip, maqsat-muratyńyzǵa múdirmeı, armandaryńyzǵa adaspaı jetýińizdi tileımiz.
Kóńilińiz kóktem gúlindeı kirshiksiz, ómirińiz óleń joldaryndaı minsiz bolsyn!

*** *** *** ***

Tizgini ózińizge senip tapsyrylǵan .......................... bóliminiń jumysyn sapaly da utymdy júrgizý isindegi eńbegińizdi asa joǵary baǵalaımyz. 
Salańyzdyń bilgirisiz – sanańyz ilgeri bolsyn, eńbektiń ozatysyz – oıyńyz ozyq bolsyn dep tileımiz.

*** *** *** ***

Týǵan kúnińizge oraı áriptesterińizdiń aq kóńilinen shyqqan quttyqtaýlary men jyly lebiz-tilekterin qabyl alyńyz. Jas ta bolsańyz, ózińizdiń eńbek etip júrgen salańyzda bilikti de bilgir maman retinde tanylyp úlgerdińiz. Osy aıtýly sátte Sizge  keleshekte mamandyǵyńyzdyń úzdik sheberi atanyp, alǵa qoıǵan úlken maqsattaryńyzǵa súrinbeı jete berýińizge tilektespiz. Ómirde baqytty, ujymda bedeldi, dos-joldastaryńa qadirle de syıly bop tek bıikterden kórine ber!

*** *** *** ***

Sizdi týǵan kúnińizben shyn júrekten quttyqtaı otyryp, kirshiksiz kóńilden shyqqan izgi tilekterimizdi joldaımyz! Ujymda adal eńbekker, ortasyna syıly áriptes, otbasynda meıirmandy ana, asyl jar bola bilgen ózińizdeı abzal janǵa  osyndaı qýanyshty kúni ǵumyryńyz uzaǵynan, kórer qýanyshyńyz molynan bolsyn dep tileımiz. Júzińiz kúndeı kúlimdep, júregińiz jazdaı jaınasyn, janaryńyzdan árdaıym nur sebelep, janyńyz shattyqqa kenelsin demekpiz. Shańyraǵyńyzǵa shattyq uıalap, bosaǵańyzdan qyzyq-qýanysh arylmasyn!

*** *** *** ***

Sizdi týǵan kúnińizben shyn júrekten quttyqtaı otyryp, áriptesterińizdiń izgi kóńilinen shyqqan aq tilekterin joldaımyz! Ujymyńyz Sizdi bilikti de bilgir, tájirıbeli de ozyq, syıly da bedeldi maman retinde qurmet tutyp syılaıdy. Osy qýanyshty sátte Sizge uzaq ómir, zor densaýlyq, baıandy baqyt tileımiz. Kóńilińiz ǵumyr boıy kóterińki bolyp, ómir aıdynynda qaıǵy-muńdy bilmeı, erkin júze berińiz. Otbasyńyzdan bereke-birlik, basyńyzdan baq-dáýlet taımaı, ańsaǵan armandaryńyzdyń asýyna jete berýińizge tilektespiz!

*** *** *** ***

Búginde Siz kólik salasynyń tájirıbesi mol, biliktiligi joǵary,  bedeli zor mamandarynyń birisiz. Sapaly qyzmetińiz ben utymdy isterińiz,
asa qarapaıym minezińiz ben baıyptylyǵyńyz,  azamattyq bitim-bolmysyńyz da úlgi tutarlyq.  Sizge júrer jolyńyzdyń uzaq, asar asýlaryńyzdyń bıik, kórer qyzyqtaryńyzdyń mol bolýyn tileımiz!

*** *** *** ***

Sizge osy qýanyshty sátte ómirde baqytty, ujymda bedeldi, dos-joldastaryńyzǵa qadirli de syıly bolýdy tileımiz! Árdaıym júzińiz nurǵa, ómirińiz jyrǵa tolyp, alǵa qoıǵan úlken maqsattaryńyzǵa súrinbeı jete berýińizge tilektespiz. Aspanyńyz ashyq, júzińiz jarqyn, shattyq-qýanyshyńyz mol bolsyn!

*** *** *** ***

............. jasqa tolǵan mereıli toıyńyzben shyn júrekten quttyqtaı otyryp, júrek jardy jyly lebizderimizdi joldaımyz!

Siz densaýlyq salasynda kóp jyldar boıy ónegeli eńbek etip, tyndyrymdy ister atqaryp kelesiz. Áriptesterińizge osy bir mańyzdy salanyń qyr-syryn úıretýden jalyqqan emessiz. Búginde ujymymyz Sizdi úlken abyroı-bedelge ıe bolǵan tájirıbeli, úzdik maman retinde qurmet tutyp syılaıdy.

Densaýlyǵyńyz myqty, júzińiz jarqyn, ǵumyryńyz uzaq ta maǵynaly bolsyn degen izgi nıetpen Sizge baqyttyń baıandysyn, dáýlet-yrystyń Syr sýyndaı sarqylmasyn, tabys-tartýlardyń taý sýyndaı taýsylmasyn tileımiz. Árqashan mereıińiz ústem, mártebeńiz bıik bolsyn!

*** *** *** ***

Sizdiń búgingi qýanyshty sátińiz – týǵan kúnińiz qutty bolsyn! Kólik qyzmetkerleri qashanda halyqqa barynsha sapaly, joǵary deńgeıdegi qyzmet kórsetýdi maqsat etetini anyq. Bul salada Siz óz bilimdiligińizben, tájirıbeliligińizben, adal eńbegińizben erekshelenip kelesiz.
Sizge taza kóńilimnen shyqqan izgi nıetimdi bildire otyryp, baqytty da baıandy ǵumyr, jemisti de jeńisti kúnder, qajymas qajyr-qaırat,
talmas talap-jiger tileımin. Árqashanda denińiz saý, kóńilińiz jaıdary, otbasyńyz berekeli bolsyn!

*** *** *** ***

Kemeldi keleshekke qaryshty qadam basqan Otanymyzdyń bas qalasy – Nur-Sultannyń joǵary talaptary ár azamatqa aýqymdy da asa jaýapty mindetter júkteıdi. Osy rette halyqqa qyzmet kórsetýdiń eń qajetti de qashanda ózekti salasy – /salanyń ataýy/ damytý men jetildirý isine kóp jyldar boıy aıanbaı eńbek etip kelgen Sizdiń tulǵańyz aldyńǵy qatardan oryn alady.

Siz baıyptylyǵyńyz ben iskerligińiz, kásibı sheberligińiz ben joǵary biliktiligińiz áldeqashan tanymal bolǵan bilgir de tájirıbeli mamansyz.
Osy qýanyshty kúnde shyn kóńilden shyqqan izgi-nıet, aq tilekterimdi qabyl alǵaısyz. Boıyńyzǵa muqalmas jiger, qaıtpas qajyr, eńbegińizge taýsylmas tabystar, otbasyńyzǵa ortaımas baq-yrys tileımin! Mereıińiz ústem, mártebeńiz bıik bolsyn!

*** *** *** ***

Jer-kókti qýanysh pen gúl shoǵyna orap, ańsaı jetken kóktem kúnindegi týǵan kúnińizben shyn júrekten quttyqtaımyz.

Áriptesterińiz ózińizdi isker basshy, sheber uıymdastyrýshy jáne ultjandy azamat retinde tanyp, qurmetteıdi.

Óıtkeni, búginde yntymaǵy jarasa, tatýlyqty tý etken sáýleti men dáýleti tasyǵan bas qalamyzdyń kelbeti az ǵana ýaqyt ishinde erekshe nurǵa bólenip kórkeıe túsýi men kólik salasyndaǵy jetistikterge jetý jolynda úlken uıymdastyrýshylyq jáne bıik deńgeıdegi biliktilik qabiletterińizdi qashanda baıqatyp kelesiz. Budan basqa da ujymda joǵary talap qoıa otyryp, árbir azamattyń júregine jol taýyp, úlken adamgershilikpen túsine bilerińiz óz aldyna.

Sizdiń qýanyshyńyzǵa ortaqtasa otyryp, aldaǵy ýaqytta da órkenıetti elimizdiń ósip, órkendeýi men ................. damytý jolynda tartýly tabystarǵa jete berýińizge tilektespiz.

*** *** *** ***

Búgingi týǵan kúnińizben shyn júrekten quttyqtaımyz.

Sizge zor densaýlyq, eńbegińiz jemisti bolsyn deımiz. Árqashan úmitterińiz oryndalyp, tolaǵaı tabystarǵa jete berińiz. Otbasyńyzdan birlik, qut-bereke ketpesin. Balalaryńyzdyń ortasynda shattanyp júre berińiz. Árbir araılap atqan tań Sizge tek qýanysh pen baqyt ákelsin.

Sizdi jylýy men shýaǵy mol jazdyń tamasha sátindegi týǵan kúnińizben shyn júrekten quttyqtaımyn.
 
Búginde Sizdiń jaýapkershilik júgin arqalap, .................... qyzmetinde qoǵamymyzdyń saıası, áleýmettik, ekonomıkalyq, tynys-tirshiligin tarazylaı biletin, zor uıymdastyrýshylyq qasıetińizdiń, kásibı iskerligińiz ben parasattylyǵyńyzdyń, halyqtyń ál-aýqatyn jaqsartýdaǵy júrgizip otyrǵan dáıekti de úılesimdi saıasatyńyzdyń arqasynda ekonomıkalyq alǵa jyljýǵa qol jetkizip kelemiz.

Bul rettegi ıgilikti isterińizdi qala turǵyndary árqashan da joǵary baǵalaıdy.
 
Búgingi týǵan kúnińizben taǵy da quttyqtaı otyryp, otbasyńyzǵa baqyt, ózińizge myqty densaýlyq, uzaq ǵumyr, barlyq isterińizge tabys tileımiz.
 
Laıym Qazaqstannyń berekesi nyq, irgesi berik, bolashaǵy jarqyn bolyp, qalamyz kúnnen-kúnge kórkeıip, abyroı-dańqyńyz el múddesimen birge jasaı bersin.
 
Siz barlyq atqarǵan mártebeli qyzmetterde joǵary belsendilik tanytyp, el ishinde úlken bedelge ıe bolyp otyrsyz.
 
Siz bar kúsh-jigerińizdi, mol tájirıbeńizdi týǵan elimiz – Qazaqstandy qorǵaı biletin mamandar daıarlaýǵa aıamaı jumsap kelesiz. Siz árdaıym qarapaıym adamdardyń muń-muqtajyna tereń boılap, árkimge jaqsylyq jasaýǵa qushtarsyz.
 
Árqashan bilimińiz ben uıymdastyrýshylyq qabiletińizdiń arqasynda áriptesterińizdiń arasynda qurmet pen syıǵa bólenip júrsiz. Elimizdiń ekonomıkasynyń órkendeýine, qanattanyp gúldenýine súbeli úles qosyp kelesiz.
 
Osyndaı abzal isterge aıanbaı eńbek etip júrgen qadirli azamatqa denińiz saý, ǵumyryńyz uzaq bolyp, otbasyna bereke-birlik, baıandy baqyt, eńbekte tartýly tabys tileımiz.
 
Jańa tarıhymyzdyń jarqyn bolashaǵy jolynda eńbegińiz jana bersin!

Biz Sizdiń iskerlik qabiletterińizdiń jarqyraı ashylǵan tusy osy kez ekenin joǵary baǵalaımyz. Siz jańa astananyń qalyptasýyna, mundaǵy áleýmettik máselelerdiń durys sheshilýine muryndyq bolyp, qala halqynyń aldynda bıik bedelge ıe boldyńyz. Sizdi áriptesterińiz isker basshy, sheber uıymdastyrýshy, kásiptik deńgeıi joǵary maman retinde tanyp qurmetteıdi. Búgingi mereıli merekeńizde eńbegińizge tabys, denińizge saýlyq, otbasyńyzǵa amandyq, uzaq ǵumyr tileımin.
 
Sizdiń áıel-ana retinde de meıirim-shapaǵatyńyzdyń zor ekenin bilemiz. Kishige iltıpat, úlkenge izettik kórsete biletin qasıetińiz keıingi jas tolqynǵa úlgi-ónege bola bilsin.
 
Bilimiz ben alǵyrlyǵyńyzdyń jáne uıymdastyrýshylyq qabiletińizdiń arqasynda áriptesterińizdiń arasynda qurmet pen syıǵa bólenip júrsiz. Elorda ortalyǵynyń iri kásiporyndary biriniń qyzmeti órkendep, qanattanyp ósýine qalypty jumys jasaýyna súbeli úles qosyp kelesiz. Osyndaı abzal isterge aıanbaı eńbek etip júrgen azamatqa denińiz saý, ǵumyryńyz uzaq, otbasyna bereke-birlik, baıandy baqyt, eńbekte tartýly tabys tileımiz.

*** *** *** ***

Jyl saıyn qýanyshqa bólenińiz,
Baqytqa otbasylyq kenelińiz!
Jumysta eńbegińiz baǵalanyp,
Medalmen, ordenmenen  elenińiz!

*** *** *** ***

Týǵan kúnińizben shyn júrekten quttyqtaı otyryp, shynaıy kóńilden shyqqan izgi tilegimdi joldaımyn!
Kóp jyldan beri ............... salasynyń jumysyn jandandyryp eseli eńbek etip júrgen jigerli de jaýapty azamattarymyzdyń birisiz.
Óz isińizge berilgendigińiz ben kásibı sheberligińiz, ádildigińiz ben adamgershiligińiz úshin áriptesterińiz Sizdi bilikti maman, aqjúrek azamat retinde qurmet tutyp syılaıdy.  Búgingideı mereıli sátte Sizge eńbekte tolaǵaı tabystarǵa, maqsatta bıik shyńdarǵa jete berýińizdi tileımin.
Árdaıym otbasyńyz aman, júzińiz jarqyn, mereıińiz ústem bolsyn!

*** *** *** ***