InfoHub Logo

Aqtóbe oblysy, Alǵa aýdany, №3 Alǵa qazaq orta mektebiniń
matematıka páni muǵalimi Týrebekova Jańylsyn Barsaevna

Taqyryby: “Balanyń bas ustazy – ata - ana”

Maqsaty: Bala tárbıesinde ata - ananyń alatyn ornynyń erekshe ekenin túsindirý;
oqý - tárbıe úrdisindegi mindetti júzege asyrý úshin ata - analardyń belsendiligin kóterý jáne yntymaqtastyqty nyǵaıta otyryp, otbasy men mektep arasyndaǵy baılanysty kúsheıtý.
Ádisi: Suraq – jaýap, pikirtalas, oı bólisý.
Kórnekiligi: Slaıdtar.
Ár adamnyń boıynda kún shýaǵy bar, tek oǵan jarqyraýǵa múmkindik berý kerek. Sokrat
Balanyń jaqsysy – qyzyq,
Jamany – kúıik.
Abaı
“Balany 5 - ke deıin patshadaı kóter,
15 - ke deıin qulyndaı jumsa,
15 - ten keıin dosyńdaı syıla.”
Barysy:
1. Kirispe. (İİ toqsan qorytyndysy)
2. Baıandama:«Otbasyndaǵy tárbıeniń erekshelikteri»
3. Pedagogıkalyq oıyn «Kim márege buryn jetedi?»
4. «Balanyń bas ustazy – ata - ana» (pikirlesý)
5. «Mıǵa shabýyl» strategıasy.
6. Psıhologıalyq trenıń.
İ Kirispe:
— Qurmetti ata - analar, qonaqtar! Búgingi «Balanyń bas ustazy — ata - ana» atty otyrysqa hosh keldińizder! Sizdermen bas qosyp pikir alysýdaǵy maqsatymyz otbasyndaǵy bala tárbıesin durys jolǵa qoıý, bilimge degen yntasyn arttyrý. Sonymen qatar ata - analardyń bala tárbıesindegi sheshýi tabylmaı júrgen máseleleri bolsa, oıymyzdy ortaǵa salǵaly otyrmyz.
Aldymen, sizderdiń kóńil - kúılerińizdi kóterý maqsatynda «Shattyq sheńberi»
trenıńin ótkizgeli turmyn. Al, qurmetti ata – analar, qolymyzdan ustap, shattyq sheńberine turaıyq. Men sizdermen kezdeskenime óte qýanyshtymyn. Osy dóńgelek sheńberdi nege shattyq, jylýlyq sheńberi dep ataımyz? Qalaı oılaısyzdar? Sheńberge turýdyń úlken bir qasıeti bar. Sheńberimiz — kóktegi jylý beretin kún sıaqty dóńgelek. Sheńberge turyp, bir - birimizdi jaqsy kóre alamyz, jaqsylyq pen jylýlyǵymyzdy syılaı bilýge úırenemiz. Mine, sondyqtan bul sheńberdi jylýlyq, shattyq sheńberi dep ataımyz. Endi bárimiz jaqsylyq tilep, shattana qýanyp, kúlkimizdi syılaıyq. Ár ata – ana ózin óziniń atyna eki - úsh syn esimin qosyp tanystyrý.
Endi ótken İİ oqý toqsanynyń qorytyndysyna toqtalyp óteıin.
5«A» klasynda barlyǵy 18 oqýshy bar. Onyń qyzy - 10, uly - 8.
Jalpy klass quramy jaqsy. Klastaǵy bilim sapasy 78%.
Oqý ozaty - 8, oqý ekpindisi - 9.
Jekelengen pánderden bilim sapasy men oqýshylardyń jáne klastyń jetistikteri týraly aıtylady, slaıdtar arqyly taqtada kórsetiledi.

İİ. «Otbasyndaǵy tárbıeniń erekshelikteri» Baıandama.
“Balalaryna qamqorlyq jasaý jáne olardy tárbıeleý – ata - ananyń tabıǵı quqyǵy, ári paryzy”
Qazaqstan Respýblıkasy Ata Zańy, 27 - bap, 2 - tarmaq.
“Ákeler men analardyń, atalar men ájelerdiń óz balalary men nemereleri aldyndaǵy jaýapkershiligin ata - analar kúndelikti este ustaýǵa tıisti”
“Qazaqstan 2030” baǵdarlamasy

İİİ. Pedagogıkalyq oıyn. «Kim márege birinshi jetedi?»
Sizdiń balańyz sizdi qatty qýantty (bir isimen). Siz ne aıtasyz? Qalaı qoldaısyz? (balaǵa madaqtaý sózderin aıtyp, márege birinshi jetýge tyrysady). (Tamasha! Jaraısyń qulynym! Sensiz men ne ister edim? Óte jaqsy! Maqtanashym meniń! Qandaı tamasha! t. b.).

İ V. Búgingi «dóńgelek ústel» mynadaı suraqtar tóńireginde órbıdi:
1. Otbasyndaǵy bos ýaqytty qalaı paıdalanasyzdar?
2. Balańyzdyń dosy kim, onyń qandaı is - áreketin, qylyqtaryn bilesiz?
3. Bilim sapasyn kóterýde ata - ana roli bar ma?
4. Kez - kelgen isińizdi tastaı salyp, balamen aınalysa alasyz ba?
5. Balańyzdyń qandaı pánderge beıimdiligin baıqadyńyz.
6. Sizdi erekshe tolǵandyratyn qandaı jaǵdaılar?

V. «Mıǵa shabýyl» strategıasy.» Búgingi taqyryppen baılanysty, ıaǵnı bala týraly maqal - mátelder aıtý.

Vİ Psıhologıalyq trenıń "Altyn dán"
Qorytyndy
Balanyń sapaly bilim alýy muǵalimge, balaǵa, ata - anaǵa baılanysty ekenin taldadyq, sonyń ishinde bilim negizi — standart talaptaryn oryndaý, ıaǵnı kúndelikti sabaqqa daıyndalý kezinde oqýshyǵa muǵalim men ata - ananyń kómegi, qadaǵalaýy, ýaqyt bólýi mindetti túrde qajet.
«Tek qana ata - analarmen birge, jalpy kúsh - jigerdi biriktirý arqasynda muǵalimder balalarǵa úlken adamdyq baǵyt berýi múmkin.» V. A. Sýhomlınskıı
Joǵarydaǵy danalyq sózge súıensek, muǵalimder balalarǵa úlken adamdyq baǵyt berýi úshin tek ata - anamen birigip jumys isteý kerek ekenin eskertken. Sondyqtan, balańyzdyń tamaǵynyń toqtyǵy men kóńiliniń kóktigine qaraıtyn, qur asyraýshysy rólinen shyǵyp, endigi jerde, sizdiń aldyńyzda balańyzdyń bilim alý jolyndaǵy seriktesi bolý mindeti tur.