InfoHub Logo

Eki jyl buryn Astanada burynǵy ulttyq ekonomıka mınıstri Qýandyq Bıshimbaevqa qatysty sot prosesi ótip jatqan kezde reseılik bloger, psıholog ári koých Natalá Greıs sot otyrysyna qatysqan bolatyn. Keıinnen onyń YouTube arnasynda Bıshimbaevtyń ata-anasymen suhbaty jarıalandy. Áńgime barysynda olar oqıǵaǵa qatysty óz ustanymyn aıtyp, ulynyń minezi, ómiri jáne marqum Saltanat Núkenovamen qarym-qatynasy týraly pikir bildirgen edi.

Bul suhbat kópshilik arasynda qyzý talqylandy. Áleýmettik jeli qoldanýshylarynyń bir bóligi ony Bıshimbaevty aqtaýǵa tyrysqan materıal retinde qabyldasa, endi biri ata-ananyń óz kózqarasyn aıtýǵa quqyǵy bar ekenin jazdy.

Qazir atalǵan suhbat Natalá Greıstiń YouTube arnasynda qoljetimsiz bolyp tur. Buǵan deıin taraǵan siltemeler arqyly ótkende, vıdeony kórý múmkin emes nemese onyń qoljetimdiligi shektelgeni baıqalady. Ázirge suhbattyń ne sebepti jabylǵany nemese óshirilgeni resmı túrde aıtylǵan joq. Degenmen vıdeony tolyq nemese úzindi túrinde basqa YouTube arnalary men áleýmettik jelilerden áli de kezdestirýge bolady.