InfoHub Logo

Týrebekova Jańylsyn Barsaevna
Aqtóbe oblysy Alǵa aýdany
№3 Alǵa qazaq orta mektebi
Matematıka pániniń muǵalimi

Taqyryby: «Matematıkalyq marafon» ıntellektýaldyq oıyny.
(Klastan tys is - shara, 6kl arasynda)
Maqsaty: Oqýshylardyń matematıka pánine qyzyǵýshylyǵyn arttyrý.
Oqýshylardyń zerektigin, tapqyrlyǵyn, oılaý qabiletin damytý.
Oqýshylardy shapshańdyqqa, alǵyrlyqqa, izdenimpazdyqqa, uıymshyldyqqa tárbıeleý.
Óz múmkindigin durys paıdalana alatyn zeıindi tulǵany tárbıeleý.
Túri: saıys
Kórnekiligi: PowerPoint baǵdarlamasynda qurylǵan prezentasıa, matematıka týraly aqyn - jazýshylardyń sózderi. Oqýshylardyń klasy, tobynyń aty jazylǵan aldaryna qoıatyn qaǵazdar.
1. Arıfmetıka matematıkanyń, al matematıka ǵylymdardyń patshasy.
K. Gaýss
2. Aqyl - oıdy tártipke keltiretin matematıka.
M. V. Lomonosov
3. Matematıka – barlyq ǵylymdardyń tuńǵyshy jáne olarǵa paıdaly da, qajet te.
R. Bekon

Barysy:
1. «Asyq atý»
2. «Báıge»
3. «Jekpe - jek».
4. «Teńge alý»
Qorytyndy.

Minekeı zalda tynyshtyq,
Estilmeıdi dybys túk.
Muny biz de qoshtaımyz,
Keshikkendi tospaımyz.
Ǵylymdardyń ǵylymy
Matematıka jaıynda
«Matematıkalyq marafon» atty oıynymyzdy bastaımyz.
Qaıyrly kún qurmetti ustazdar, oqýshylar, matematıka jankúıerleri. Búgingi «Matematıkalyq marafon» atty ıntelektýaldyq saıysymyzǵa qosh keldińizder!
Búgingi oıynymyzǵa qatysýshy toptarmen tanys bolyńyzdar.(Ár top ózin qysqasha tanystyryp ótedi.)
«Oń sandar» toby, 6 «A» kl oqýshylary
«Teris sandar» toby, 6 «Á» kl oqýshylary
«Qarama - qarsy sandar» toby, 6 «B» kl oqýshylary
«Keri sandar» toby, 6 «V» kl oqýshylary
Búgingi oıynnyń esepshi operatorlary 9 klastyń ozat oqýshylary:...

Ǵylymnyń syryn uǵyna,
Shyǵyńdar bilim shyńyna.
Uqyptylyq pen zerektik,
Jetkizer sizdeı órendi.
Jeńistiń, bıik shyńyna, - deı kele saıyskerlerimizge sát - sapar tileıik.

Muǵalim: Kezekti oıynǵa beremiz. I - bólim «Asyq atý» dep atalady. Bul bólimde ár topqa 5 suraqtan qoıylady, ár durys jaýap 1 asyq – 5 upaı (barlyǵy 5 asyq – 25upaı). Suraqtyń jaýabyn bilmegen jaǵdaıda qarsy toptardyń birinshi bolyp qalaqshany kótergeni jaýap beredi. Suraqqa durys jaýap berse, asyq – upaı sol topqa beriledi. Ár top ózine fıgýra tańdap, sol fıgýranyń suraqtaryna jaýap beredi.

Úshburysh suraqtary:
Qosylǵyshtardyń orynyn aýystyrǵanmen ne ózgermeıdi? (qosyndy ózgermeıdi)
Jaı bólshekterdi qalaı kóbeıtemiz? (Alymyn alymyna, bólimin bólimine kóbeıtemiz)
Proporsıa degenimiz ne? (Eki qatynastyń teńdigi)
Koordınatalyq túzý degenimiz ne?(Sanaq basy, birlik kesindisi, oń baǵyty kórsetilgen túzý)
Oń sanǵa da, teris sanǵa da jatpaıtyn san? (0 sany)

Sharshynyń suraqtary:
Kez kelgen sannyń nolmen qosyndysy nege teń? (sol sannyń ózine teń)
Bútin sandar jıynyna qandaı sandar jatady? (0 sany, natýral sandar jıyny, qarama - qarsy sandar jıyny)
Jaı bólshekti jaı bólshekke qalaı bólemiz? (Birinshi bólshekke ekinshi bólshektiń alymy men bólimin almastyryp kóbeıtemiz)
Oń sannyń modýli nege teń? (sol sannyń ózine)
Burysh degenimiz ne? (Bir núkteden shyqqan eki sáýleden quralǵan kesindi)

Dóńgelektiń suraqtary:
Qarama - qarsy sandardyń qosyndysy nege teń? (0 - ge teń)
Oń san men teris sannyń qaısysy úlken? (oń san úlken)
Aralas sandardy qalaı kóbeıtemiz? (Aldymen aralas sandy burys bólshekke aınaldyryp, sodan soń alymyn alymyna, bólimin bólimine kóbeıtemiz)
Sannyń modýli degenimiz ne? (Núkteniń sanaq basynan qashyqtyǵy)
Rasıonal sandar jıynyna qandaı sandar jıyny jatady? (Bútin sandar jáne bólshek sandar jıyny jatady)

Tiktórtburyshtyń suraqtary:
Eki teris sannyń qosyndysy qandaı san? (teris san)
Shamanyń júzden bir bóligi qalaı atalady? (paıyz)
Tańbalary ár túrli eki san qalaı qosylady? (Modýli úlkeninen modýli kishisin azaıtý kerek. Modýli úlken qosylǵyshtyń tańbasyn qoıý kerek)
Qandaı sandar natýral sandar dep atalady? (sanaý úshin qoldanylatyn sandar)
Buryshtyń túrlerin ata. (Súıir, doǵal, tik, jazyńqy, tolyq)

Muǵalim: II bólim «Báıge» dep atalady. Bul bólimde test tapsyrmalary beriledi, soǵan ár top aldaryńyzdaǵy jaýap paraǵyna durys jaýabyn jazyp beresizder. Ár durys jaýap 5 upaı, ýaqyty 2 mınýt.