InfoHub Logo

Mańǵystaý oblysy, Beıneý aýdany,
Kúıken orta mektebiniń qazaq tili men ádebıeti páni muǵalimi
Matnıazova Aınýr Talgatovna

Qazaq tili 8 - synyp
Sabaqtyń taqyryby: Bastaýysh pen baıandaýyshtyń arasyna qoıylatyn syzyqsha
Silteme: Ádistemelik tásilder men ádister. Oqýlyq, oqytý ádistemesi
Jalpy maqsaty: Bastaýysh pen baıandaýyshtyń arasyna qoıylatyn syzyqsha týraly bilimderin tolyqtyrý
Oqytý nátıjesi: Bastaýysh pen baıandaýyshtyń arasyna qoıylatyn syzyqsha týraly bilimderin tolyqtyrady
Oqytý formasy: Jeke balamen, toppen, synyp ujymymen jumys júrgizý
Oqýda qoldanylatyn ádister men tásilder: Oqytý men oqýdaǵy jańa tásilder. Synı turǵydan oılaýǵa úıretý. Oqytý úshin jáne oqýdy baǵalaý. Túsindirý. Maǵynany taný. Mıǵa shabýyl.
Qural – jabdyqtar Oqýlyq, baǵalaý betshesi, kespe qaǵazdar

Muǵalimniń is - áreketi
1 kezeń
Uıymdastyrý2 mın
Úı tapsyrmasyn 5 mın
Tekserý
Amandasý, sabaqqa daıyndyǵyn, oqý quralyn tekserý.
Úıge berilgen tapsyrmany dápterlerinen tekseremin. Oqýshylarǵa ótken sabaqty qalaı meńgergenin baıqaý úshin birneshe suraqtar qoıamyn
Ár top músheleri úıge berilgen tapsyrmalar boıynsha jaýap beredi.

Kórneki quraldardaǵy jáne jeke oqýshylardyń suraqtaryna jaýap beredi.

2 kezeń
Jańa sabaq 30 mın
Maǵynany taný
Bastaýysh pen baıandaýyshtyń qaı sóz tabynan bolǵanyna qaraı jáne ıntonasıa arqyly baılanysýyna qaraı myna jaǵdaılarda bastaýyshtan keıin syzyqsha qoıylady:
1. Bastaýysh ta, baıandaýysh ta ataý tulǵaly zat esim bolsa, aralaryna syzyqsha qoıylady. Astyq – bizdiń baılyǵymyz. («Terbeledi tyń dala».) Kúdirenov Aıtym – aǵa shopan. Erlik – búgingi ómir talaby. («Dala daýylpazdary»)
2. Bastaýysh silteý esimdiginen nemese jikteý esimdiginiń İİİ jaǵynan bolyp, baıandaýysh zat esimnen bolsa, bastaýyshtan keıin syzyqsha qoıylady. Bul – úlken qýanysh Ol – qazir zveno bastyǵy.
3. Bastaýysh zattanǵan syn esimnen, san esimnen jáne esimsheden bolyp, baıandaýysh zat esimnen bolsa, bastaýyshtan keıin syzyqsha qoıylady. Qyzdardyń úlkeni – Maıra, kishisi – saıra. Úsh – taq san. Uzyn beldiń boıynda bıik taýdaı munartqan – Qaraǵandy.
4. Bastaýysh tuıyq etistikten (dara ıa kúrdeli) bolyp, baıandaýysh zat esimnen bolsa nemese kerisinshe, bastaýysh zat esim, baıandaýysh tuıyq etistikten bolsa, aralaryna syzyqsha qoıylady. Meniń umtylǵan tilegim – qalaıda paıdaly adam bolyp shyǵý. Qoı baǵý – qıyn kásip.
5. Bastaýysh ta, baıandaýysh ta san esim bolsa, aralaryna syzyqsha qoıylady: Bes jerde bes – jıyrma bes.
6. Silteý esimdigi men jikteý esimdiginiń İİİ jaǵynan bolǵan bastaýyshty, sondaı - aq zat esim, syn esim, esimsheden bolǵan bastaýyshtardy kórshiles turǵan zat esimnen bolǵan sóılem múshesiniń anyqtaýyshy dep shatastyrmas úshin, bastaýyshtan keıin syzyqsha qoıylady: Bul – jazýshynyń baıqaǵyshtyǵyn kórsetedi. jaqsy – isimen jaqsy. Kórmes – túıeni de kórmes.

7. San esimnen bolǵan bastaýyshty kúrdeli san esimnen bolǵan músheden ajyratý úshin, sońynan syzyqsha qoıylady. Júz – jıyrma beske bólinedi. Júz jıyrma – beske bólinedi
Sergitý sáti
Kitappen jumys.
40 - jattyǵý. Turlaýly múshelerdiń astyn syzý.
Qarasaı baba – bahadúr batyr. Kıesi, piri – jolbarys. Túngi serigi – tátti qıaly. Salǵan oı – istiń bastaýy. Jurttyń suraıtyny – Súıinbaı. Serti – sol. Ol – molda.

Test tapsyrmalary
1. Bir ǵana oıdy bildirip, bir ǵana ıntonasıamen aıtylatyn sóılem ne dep atalady?
A. qurmalas sóılem
V. jaı sóılem
S. sabaqtas qurmalas sóılem
D. salalas qurmalas sóılem
E. aralas qurmalas sóılem
2. Sóılem aıtylý maqsaty men ıntonasıasyna qaraı neshege bólinedi?
A. 5 V. 3 S. 2 D. 4 E. 6
3. Sóılem múshelerine jatpaıtynyn kórsetińiz?
A. bastaýysh D. tolyqtaýysh
V. anyqtaýysh E. sóz tirkesi
S. baıandaýysh
4. Bastaýyshy dara bolyp turǵan sóılemdi kórsetińiz?
A. Úı ishi uzaq jym - jyrt boldy.
V. Eńbek etken er atanar.
S. Erteń qurylys jumysy bastalady.
D. Oqýshylar mektepten qaıtty.
E. Astana qalasy qazaqstandyqtardyń maqtanyshyna aınalyp otyr.
5. Bastaýyshy kúrdeli bolyp turǵan sóılemdi kórsetińiz?
A. Jańbyr quıyp ketti.
V. Ótegen on tórt jasta.
S. Báıterek kesheni – táýelsizdiktiń sımvoly.
D. Ásel úıine qaıtty.
E. Ákesi kelgenin baıqamaı qaldy..
Oqýshylar juptasyp suraqtaryn talqylap, bir - birine suraqtar qoıý arqyly jańa taqyrypty meńgerip otyrady.
Berilgen tapsyrmany dápterge jazý arqyly oryndaıdy

3 kezeń
Keri baılanys 5 mın Suraq qoıý arqyly jańa sabaqty qorytyndylaımyn.
Turlaýly múshelerdi ata.
Turlaýsyz múshe degenimiz ne?

Belsendilik tanytý. Jınaǵan bilimderin qoldaný
Baǵalaý
Krıterıı qoıý arqyly formatıvti, jıyntyqty baǵalaý
Keıingi tapsyrma 2 mın
41 - jattyǵý. Kóshirip jazyńdar da, bastaýyshtan keıin tıisti jerine syzyqsha qoıyńdar.
Selo – úlken. Bul – Marqakól aýdanynyń ortalyǵy. Altaı jaıylymdary – bıyl erekshe. Myna jalpaq etek – tolǵan qoıly aýyl. Kól – balyqqa kedeı emes kórinedi. Eń baǵalysy – qyzylbalyq.