United World Wrestling
Qazaqstandyq balýan Rızabek Aıtmuhan álemniń úzdik sportshysy atandy
Halyqaralyq kúres federasıasy qazaqstandyq balýan Rızabek Aıtmuhandy álemdegi aıdyń úzdik sportshysy dep tanydy. Bul – qazaqstandyq sport úshin tarıhı jetistik.
Bul týraly Infohub.kz aqparat agenttigi habarlaıdy.
Aıdyń úzdik sportshysy ataǵy
Halyqaralyq kúres federasıasynyń baspasóz qyzmeti Rızabek Aıtmuhandy ótken aıdaǵy erkin kúresten úzdik ókil retinde tańdady. Grek-rım kúresinen Eýropa chempıony, armenıalyq Djanes Nazarán, al áıelder arasynda Panamerıka oıyndarynyń eki dúrkin chempıony, amerıkalyq Kaılı Ýelker úzdik dep tanyldy.
Sońǵy jetistikteri
Rızabek Aıtmuhan jaqynda ǵana Azıa chempıonatynda (U-23) 125 keli salmaq dárejesinde jeńimpaz atandy. Fınalda ol úndistandyq balýan Lakıdi 10:0 esebimen jeńip, altyn medaldi qanjyǵalady.
Tarıhı álem chempıony
Rızabek Aıtmuhan 2023 jyly Qazaqstannan shyqqan tuńǵysh álem chempıony atandy. Ol kezde 18 jastaǵy balýan 92 keli salmaq dárejesinde óner kórsetti. Keıinnen Rızabek olımpıadalyq salmaq bolyp sanalatyn 97 kelige aýysty. Bul salmaqta ol Azıa chempıonatynyń eki dúrkin kúmis júldegeri atandy.
-
Qazaqstandyq mánerlep syrǵanaýshy Mıhaıl Shaıdorov pen Týrızm jáne sport mınıstrligi arasyndaǵy kelisimshartqa baılanysty másele oń sheshimin tapty. Sportshy jalaqysyn alady jáne jattyǵý jıyndaryna qatysady.
-
Qazaqstanda kólik satýdyń keń taralǵan ádisi – kelisimshartta sımvoldyq baǵany kórsetý, endi satýshy men satyp alýshyǵa aıyppul ákelýi múmkin.
