InfoHub Logo

1 – slaıd. Taqyryby: «Baýyrmaldyq jáne keńpeıildilik».

2 – slaıd. Shattyq sheńberi. - Qaıyrly kún, balalar! Kúnimiz sátti bolsyn! Ádettegideı sendermen kezdesip turǵanyma qýanyshtymyn. Qarańdarshy, báriń sondaı qýanyshty, bir – birińe kúlip qarap, jaıdary aqjarqyn bolyp tursyńdar. Senderdiń kózderińnen meırimdiliktiń, jaqsylyqtyń, qamqorlyqtyń, súıispenshiliktiń belgisin kórip turmyn.
Qane barlyqtaryńyzdy shattyq sheńberine shaqyramyn, ótken sabaqta biz ádeptilik jaıly ótken bolatynbyz, endeshe ádeptilik tanytaıyq.
Aldymyzda kezdesken,
Kóp qonaqty kóremiz.
Bárine de izetpen
Bizder sálem beremiz.

Balalar biz ótken sabaqtarymyzda ádeptilik, sypaıylyq jáne sonymen qatar adamdar arasyndaǵy qarym - qatynas týraly qarastyrǵan edik.
Qazaq jerinde qazirgi tańda 136 - dan astam ult ókilderi turady, olar elimizde tatý – tátti, dostyqta, birlikte, bir aspan astynda ómir súrýde - «Keń bolsań, kem bolmaısyń», «Kekshil bolma, kópshil bol» dep bul qazaq halqynyń baýyrmal, basqa adamdardy janyna jaqyn qabyldaı biletin jomart halyq ekendigin sıpattaıdy. Sonymen qatar bizdiń elimiz keńpeıil, jomart – darhan halyq. «Aǵasy bardyń – jaǵasy bar, inisi bardyń – tynysy bar» deıdi halqymyz.
Al, búgingi sabaǵymyzda sol taqyryptardyń jalǵasy retinde «Baýyrmaldyq jáne keń peıildilik» degen taqyrypty qarastyramyz.

Jaqsy bolsań – jerdeı bol,
Shydap bárin kótergen.
Taza bolsań – sýdaı bol,
Jýyp bárin ketirgen – degen sıaqty adamnyń da boıyndaǵy osy syndy jaqsy qasıetterdiń tereń damýyna túrtki bolý jáne oqýshylardyń boıynda jomarttyq, qoly ashyqtyq sıaqty adamzatqa tán jaǵymdy qasıetterdi damytý.

«Lashyn qusqa aýa qadirli,
Júırik atqa dala qadirli,
Ata – anaǵa bala qadirli» degendeı, oqýshylardyń boıynda bir - birine degen baýyrmaldyqtaryn, kishipeıildilikterin jáne jaqyn týystaryn, dostaryn syılaı, qurmetteı bilýge úıretý máselelerin qarap, taldaımyz.

Maqsaty: oqýshylarǵa keń peıildilik, baýyrmaldyq sıaqty adamgershilik qundylyqtar týraly túsinik berip, olardyń boıyndaǵy meıirimdilik, qamqorlyq sezimderin damytý.
Mindetteri:
- oqýshylarǵa keńpeıildilik, baýyrmaldyq uǵymdary týraly túsinik berý;
- oqýshylardyń aınalasyndaǵylarǵa túsinistikpen qarap, olardyń qamqorlyq sezimderin damytýǵa yqpal etý;
- oqýshylardy kópshil, qamqor bolýǵa tárbıeleý.
Kórnekilikter: sýretter, túrli – tústi qaǵazdar

Shattyq sheńberi
Muǵalim balalarmen erkin qarym - qatynas jasaý maqsatynda sheńber quryp, N. Shákenovtiń «Kel, dostar»óleńin aıtady.
Kel, dostar
Sózi N. Shakenovtiki
Áni B. Baıqadamovtiki
Almaly Alataý asqarynan,
Kelemiz kóńildi án shyrqap.
Kún súıgen qazaqtyń jastarynan
Sálem al, jalyndy jas urpaq!
Qaıyrmasy:
Shattyq ánin
Shyrqańdar álemge, kel, dostar!
Mahabbatpen,
Saltanatpen
Adymda, alǵa bas, joldastar!
Keń peıil Otanda qarsy alamyz,
Baqyt qus qonsyn dep ár elge
Biz jastar jańǵyrtyp jar salamyz,
Beıbit kún bolsyn dep álemde!

- Balalar qazir 1 - 2 - ge tizbekteı sanap, 2 topqa bólineıik.
- Oryndaryńa otyryńdar, sabaǵymyzdy jalǵastyraıyq.

Áńgimelesý
Balalardyń ózindik oı - pikirin ózgelermen ashyq ta erkin bólisýine qajetti alǵysharttar jasaý maqsatynda balalarmen áńgimelesý, pikir almasý uıymdastyrylady.

- Balalar bul sabaqta «Keńpeıildilik», «Baýyrmaldyq»sózderiniń maǵynalaryn ashyp, jan - jaqty tıanaqtap túsindirýge kúsh salamyz. Sóz maǵynasyn túsindirip, anyqtap alýda mynadaı ádis - tásilderdi paıdalanaıyq.
1 – top «Keńpeıildilik»,»Baýyrmaldylyq» sózderiniń maǵynalaryn anyqtaýda sınonımdik tásil tıimdi bolady. Iaǵnı qarastyrylyp otyrǵan sózdiń sınonımderin tabý nemese uqsas sózderdi tabý. Mysaly: Baýyrmaldyq, keńpeıildilik, týysshyldyq. Bul ádis alynyp otyrǵan qundylyqty tereń jáne jan - jaqty túsinýge tıimdi.
2 – top Búgingi sabaqta talqylanyp otyrǵan túsiniktiń maǵynalaryn ústemeleı anyqtap, asha túsý úshin - antonımdik tásildi de paıdalanady. Iaǵnı oqýshylarǵa qarastyrylyp, otyrǵan sózdiń antonımderin nemese qarama - qarsy sózderdi tabýdy tapsyrady. Mysaly: Baýyrmaldyq, tasbaýyr jáne t. b.