Photo: Ayazhan (https://www.pexels.com/@ayazhan-3173683) / Pexels
Teńge aınalymyndaǵy mańyzdy ózgerister: qazaqstandyqtar ne bilýi tıis?
Elimizde teńge aınalymyna qatysty mańyzdy ózgerister engizildi. Ulttyq Bank 2012 jylǵy eski úlgidegi banknottardy aýystyrý merzimin naqtylap, jańa 500 teńgelik banknottyń shyǵarylýy týraly málimet berdi. Bul ózgeristerdi bilý árbir qazaqstandyq úshin mańyzdy.
Bul týraly Infohub.kz aqparat agenttigi habarlaıdy.
Eski 10 000 teńgelikter áli de qoldanysta
Pavlodar fılıalynyń Ulttyq Bank qyzmetkerleri 2012 jylǵy úlgidegi 10 000 teńgelik banknottardy asyǵys aýystyrýdyń qajeti joq ekenin habarlady. Bul kýpúralar 2027 jyldyń 28 maýsymyna deıin aınalymda bolady. Saýda oryndary bul banknottardy qabyldaýǵa mindetti, áıtpese ákimshilik jaýapkershilikke tartylýy múmkin.
«Atalǵan banknottardyń paraleldi aınalymy 2027 jyly aıaqtalady. Iaǵnı, qazirgi ýaqytta bul banknottardy aýystyrýǵa kelýdiń qajeti joq, sebebi olar áli de qoldanysta. Saýda oryndary men qyzmet kórsetý salalary olardy qabyldaýǵa mindetti», - dedi Ulttyq Banktiń Pavlodar fılıalynyń qoldanystaǵy aqshamen jumys jáne kasa operasıalary bóliminiń basshysy Dıhan Túkenov «Irbıs TV»-ǵa bergen suhbatynda.
2000 teńgelikter aınalymnan shyǵady
Al, 2012 jylǵy úlgidegi eski 2000 teńgelikter bıylǵy jyldyń 25 maýsymynan bastap aınalymnan shyǵady. Bul kúni bul kýpúralarmen dúkende esep aıyrysý múmkin bolmaıdy. Alaıda, olardy 2029 jyldyń maýsymyna deıin ekinshi deńgeıli bankter men «Qazposhta» arqyly, al Ulttyq Bank fılıaldarynda merzimsiz aýystyrýǵa bolady.
«2026 jyldyń 25 maýsymynan bastap qala qonaqtary men turǵyndary bul banknottardy ekinshi deńgeıli bankter men «Qazposhtada», sondaı-aq bizdiń, Ulttyq Bank fılıalynda aýystyra alady. Ekinshi deńgeıli bankter bul banknottardy 3 jyl ishinde, ıaǵnı 2029 jyldyń maýsymyna deıin aýystyrady, al Ulttyq Bank fılıaldarynda merzimsiz aýystyrylady. Eger 25 maýsymnan keıin bul 2012 jylǵy banknottar qolyńyzda qalsa, alańdamańyz, kez kelgen ýaqytta olardy qoldanystaǵy banknottarǵa aýystyra alasyz», - dep túsindirdi maman.
Jańa 500 teńgelikter aınalymǵa engizildi
Buǵan qosa, «Sak stıli» serıasymen jańa 500 teńgelik banknottar kópshilik aınalymǵa shyǵaryldy. Bul nomınaldaǵy eski banknottar da óz kúshin joımaıdy.
-
Elordadaǵy órtten keıin baspanasyz qalǵan otbasynyń jaǵdaıy kóńil kúıdi buzady. Olarǵa qazir ne kómek kerek?
-
Pasajırskıı samolet Frontier Airlines sbıl cheloveka na vzletnoı polose v aeroportý Denvera, chto prıvelo k pojarý ı evakýasıı. Vedetsá rassledovanıe.
