InfoHub Logo

«Bilim basy bastaýyshta qalanar,
Bilimmenen álemge jol salynar»
1 - júrgizýshi:
Kirispe sóz:
- Nurdana, bilimdi bolý degenimiz ne?
2 - júrgizýshi:
- Bilimdi bolý - bárinen buryn adam bolý degen sóz. Ómirdegi barlyq jaqsylyq bilimnen shyǵady.
1 - júrgizýshi
- Bilim – seniń serigiń, ómirlik joldasyń. Adam óziniń barlyq keregin, oı - armanyn, talap tilegin tek bilim arqyly ǵana qanaǵattandyra alady.
2 - júrgizýshi:
Ýa jarandar, jarandar!
Myna bizge qarańdar!
Minekeı zalda tynyshtyq
Estilmeıdi dybys túk
Muny biz de qoshtaımyz
Keshikkendi tospaımyz
«Bilim basy bastaýyshta qalanar,
Bilimmenen álemge jol salynar» atty
Aptalyqty bastaımyz.
Aıanat: Qurmetti ustazdar men oqýshylar!
Elimizdiń erteńi bilimdi azamattyń qolynda ekeni ózderińizge belgili. Búgingi bilimdi shákirt erteńgi el tutqasyn ustaıtyn azamat. Sol azamat boıynda tapqyrlyqty, alǵyrlyqty qalyptastyrý mektep qabyrǵasynan bastalady.

Balaýsa: Elbasymyz N. Á. Nazarbaev joldaýynda aıtqandaı: «Bolashaqta órkenıetti damyǵan elderdiń qataryna ený úshin zaman talabyna saı bilim qajet. Qazaqstandy damyǵan elderdiń qataryna jetkizetin, terezesin teń etetin – bilim».
Mıras: Kitap kerek bilim tańdap alarǵa
Bilim kerek iske jaqsy qaraǵa
Kitap - shyraq qara túndi ashatyn
Bilim - jaryq nuryn saǵan shashatyn.

Aqerke: Kitapty oqymaıdy syılamaǵan,
Bilimge janyn tanyp qınamaǵan.
Ósirgen kimniń bolsyn oı - órisin,
Sol kitap bas aqylshy kúnde maǵan.
Talap: Anashymdaı syr shertken,
Aqyl - bilim úıretken.
Ana tilin oqydyq,
Erekshe zor qurmetpen.
Ana tilin súıemiz,
Qurmetpen bas ıemiz.

Nazerke: Qazaq tili páninen,
Bilim aldy balalar.
Sóılemdi, sóz taptaryn,
Etistiktiń shaqtaryn,
Jalǵaýlar men jurnaqtar.
Erejesin jattadym.

Nurdana: Oılanyp esep shyǵartyp,
Tórt tańbany bildirgen.
Ǵylymdardyń patshasy,
Matematıka danasy

Anel: Jastyń ósti sanasy
Eljireıdi júregi
Bastaýyshqa bar bala,
Alǵys aıtyp júredi.
Beıbit: Jerden aýyr degenim:(bári) – aqyl - bilim,
Sýdan tereń degenim: (bári) – oqý - ǵylym.

Hor: Balapan áni
Kóńildi bizdiń balalar
Oınaıdy da kúledi.
Oqýdy da umytpaı
Bilimge kóńil bóledi.

Kóńildi bizdiń balalar,
Dos qadirin biledi
Dosqa adal sondyqtan
Kómekke árkez keledi.

Beıbit: Keýdemnen sezim seli aqtarylsyn,
Bolarmyn kúni erteń - aq maqtanyshym,
Bilim alyp, ter tógem, eńbek etem,
Ózińniń senimińdi aqtaý úshin!

Anel: Ábes deme munymdy
Aıtaıyn bir shynymdy.
Talmaı oqyp, izdenip,
Igeremin ǵylymdy.

Talap: Adalmyn men halqyma
Adalmyn men antyma
Kim bolsam da elimniń
Daq salmaımyn dańqyna.

Nurdana: Aqyl, sana, bilim men
(bári) Ónerge biz senemiz!
Arym taza, aq kóńil
(bári) Adaldyqqa senemiz!
Abyroıly aq nıet,
(bári) Adamdyqqa senemiz!

Aıanat: «Bilem» deme, balam!
Bilmeıtiniń kóp shyǵar.
Bárin bilgen adam
Dúnıede joq shyǵar - dep aqyn aǵamyz Ótebaı Turmanjanov aıtqandaı kóp bilýge umtylaıyq.

Hor: Balapan áni
Kel balalar qanekeı
Paraqtaıyq álipbı
Talaı qyzyq kútýde
Bárimizdi álemde
Jalyqpa sen jalyqpa
Oqy, toqy, armanda
Bárin bilgen balaǵa
Jaqyn bolar alys ta

1 - júrgizýshi: Talpynamyz, toılaımyz
Talapty biz joımaımyz.
Uly maqsat shyńyna,
Shyqpaı áste qoımaımyz.- dep,
«Bilim basy bastaýyshta qalanar,
Bilimmenen álemge jol salynar» taqyrybyndaǵy aptalyqtyń ashylý saltanatyn aıaqtaımyz.