InfoHub Logo

Sheteldikter asyrap alǵan Jánibek týǵan anasyn izdeýdi áli de toqtatpaǵanyn aıtyp, áleýmettik jelidegi paraqshasynda júrekke tıetin jazba jarıalady. Bul izdenistiń ózi úshin óte mańyzdy ári kúrdeli proses ekenin jetkizgen ol, anasyn tabý jolynda janashyr azamattar men zańgerlerdiń qoldaý kórsetip jatqanyn atap ótti.

Bul týraly Infohub.kz aqparat agenttigi habarlaıdy.

Jánibektiń sózinshe, sońǵy ýaqytta izdeýge úmit syılaıtyn jańa derekter paıda bolǵan. Ol izdeýdiń qansha ýaqytqa sozylatynyn naqty bilmese de, jaqsy jańalyqtan úmitin úzbeıtinin jetkizdi.

Júrekjardy jazba

«Sálemetsizder me, qadirli otbasym men dostarym. Sizdermen júrekjardy jańalyǵymdy bóliskim keledi. Qymbat Dosjan men Meıirman Shekeeva jáne taǵy basqa janashyr adamdarmen birge anamdy izdeýdi áli de jalǵastyryp jatyrmyz. Bul izdeýdiń qansha ýaqytqa sozylatynyn naqty bilmeımin. Múmkin uzaqqa jalǵasar, múmkin kútpegen jerden jaqyn arada jaqsy jańalyq bolar. Sońǵy ýaqytta bizge úmit syılaıtyn birneshe izder kezdesti. Men kún saıyn sizderdi de, anamdy da oılaımyn. Barshańyzǵa tek jaqsylyq tileımin», – dep jazdy Jánibek.

Jánibektiń bul jazbasy jeli qoldanýshylaryn qatty áser etti. Kópshilik oǵan týǵan anasyn tabýyna tilektestik bildirip, qoldaý sózderin jaýdyrdy.