InfoHub Logo

Tanymal ánshi Baǵym Maqsatqyzy ózine qatysty janjalǵa qatysty alǵash ret pikir bildirdi. Ol Revue News basylymyna bergen suhbatynda buǵan deıin aıtylǵan aqparattyń shyndyqqa janasatynyn rastap, psıhologıalyq em qabyldap júrgenin jetkizdi.

Bul týraly Infohub.kz aqparat agenttigi habarlaıdy.

«Men bul suraqqa jaýap bergim kelmeıdi. Baıan Maqsatqyzy qalaı aıtsa, týra solaı boldy. Ol ras. Men óte uzaq ýaqyttan beri emdelip júrgenimdi aıtqym kelmeıdi. Meni emdep jazady dep úmittenemin», – dedi ánshi.

Suhbattan keıin áleýmettik jeli qoldanýshylary arasynda túrli pikirler týyndady. Keıbiri ánshiniń jaǵdaıyna shynaıy janashyrlyq tanytsa, endi biri bolǵan oqıǵaǵa kúmánmen qarady. Jelidegi pikirlerdiń keıbiri: «Baǵym baıyn bireýge berip qoıatyn qatyn emes qoı», «Ótirik qoı», «Ne boldy sonsha? Jaýap bergileriń kelmese, nege jaıasyńdar ony?», «Aýyryp júrgen adamǵa uqsamaıdy» dep jazyldy.

Sońǵy ýaqytta Baǵym Maqsatqyzy men onyń anasy Baıan Maqsatqyzy arasyndaǵy qarym-qatynasqa qatysty ártúrli áńgimeler áleýmettik jelide jıi talqylanyp kelgenimen, taraptar oqıǵanyń tolyq mán-jaıyn ashyp aıtpaǵan edi.