InfoHub Logo

Taqyryby: «Eltańba men Tý týraly jyr»
Sabaqtyń maqsaty:
Bilimdilik: Oqýshylardy jańa taraýmen tanystyrý. «Eltańba men Tý týraly jyr» mátinimen tanystyrý arqyly, elimizdiń rámizderi týraly bilimderin keńeıtý.
Damytýshylyq: Oqýshylardyń Otanǵa, týǵan jerge degen súıspeshilin arttyrý. Sózdik qorlaryn, shyǵarmashylyq oılaý qabiletterin damytý.
Tárbıelik: Oqýshylardy yntymaqtastyqqa, patrıottyqqa, rámizderimizdi qurmetteýge tárbıeleý.
Sabaq túri: Aralas sabaq
Sabaq ádis – tásilderi: Túsindirý, oı qozǵaý, suraq - jaýap, kórsetý.
Kórnekiligi: taqta, oqýlyq, slaıd.

Sabaq barysy:
Uıymdastyrý kezeńi:
Sálemdesý. Sabaqqa nazarlaryn aýdyrý.
Muǵalim: Psıhologıalyq daıyndyq jasatý.
Oqýshylar: Ana tilim – bala shaǵym, órkenim,
Ana tilim – bolashaǵym, erteńim,
Ana tilim – saıyn dalam, jer, kógim,
Ana tilim – arman, oıym, órnegim.
Úı tapsyrmasyn tekserý: «Men ne úırendim?» taqyrybyna shaǵyn esse jazyp kelý.

Jańa sabaq
Muǵalim: Búgin jańa taraýdy bastaımyz. Taraý – «Týǵan ólkem – Tuǵyrym» dep atalady.
Assosasıa ádisi.
«Týǵan ólkem – Tuǵyrym» degendi qalaı túsinesińder? Kóz aldaryńa ne elesteıdi?
Oqýshylar: Otanymyz, Týǵan jerimiz, aýylymyz, ósken jerimiz, turyp jatqan jerimizge degen súıispenshiligimiz. Memleketimiz, Elbasymyz, Rámizderimiz.
Muǵalim: Rámizder týraly ne bilesińder, balalar?
Oqýshylar: Óz bilgenderin ortaǵa salady.
Muǵalim: El rámizderi slaıd arqyly kórsetiledi. Estý jáne kórý qabiletteri arqyly sabaqtyń taqyrybyn, mazmunyn, maqsatyn uǵyndyrý.
Týǵan el, Týǵan jer, Otan týraly qandaı maqal - mátel bilesińder?
Oqýshylar:
1. Týǵan jerdeı – jer bolmas,
Týǵan eldeı – el bolmas.
2. Týǵan jerdiń túni de ystyq, kúni de ystyq.
3. Otan – ottan da ystyq.
4. Otan úshin otqa tússeń - kúımeısiń,
Aryń úshin alyssań - ólmeısiń....
Oqýlyqpen jumys. Mátinmen jumys.
«Eltańba men Tý týraly jyr».
Muǵalim: Mátindi oqý erejesin saqtap oqy.
Oqýshylar: Mátindi ishteı, túsinip, shapshań oqıdy.
Muǵalim: Daýystap oqytý.
Oqýshylar: Taqtaǵa 1 - 2 oqýshy shyǵyp daýystap, durys, mánerlep oqıdy.
Qalǵandary qolmen júgirtip otyrady.
Muǵalim: Mátindi taldaý. Túsinik suraý.
Oqýshylar: túsinikterin aıtady.
Sergitý sáti.
Dáptermen jumys.
Muǵalim: Tapsyrma 2: Mátinge súıenip, maqaldarmen naqyl sózderdi aıaqtap jaz.
1. At erdiń -....
2. Bergenniń..., bermegenniń....
3. El aralaǵan... bolar.
4. Otan -... ystyq.
5.... – óleń tósegim.
Oqýshylar:
1. At erdiń - qanaty.
2. Bergenniń qolynan, bermegenniń jolynan.
3. El aralaǵan synshy bolar.
4. Otan - ottan da ystyq.
5. Óz elim – óleń tósegim.

Sabaqty pysyqtaý.
Slaıdta Eltańba men Týdyń sýretteri kórsetiledi. Artyna suraqtar men tapsyrmalar jasyrynǵan.
1. Qos pyraq qandaı elderdi aralapty?
2. Qyran olardan ne dep suraıdy?
3. Pyraq ne dep jaýap beredi?
4. Mátindegi maqaldar ne týraly aıtylǵan?
5. Eltańbanyń avtory kim?
6. Týdyń avtoryn ata
7. Ánurannyń avtory.

Oqýshylar:
1. Shyǵysta Amýrdy, batysta Dýnaıdy, Rýmdy aralapty.
2. Ne kórdińder, ne túıdińder? dep suraıdy.
3. Kórgenimizdi aıtsaq kóp sóz. Túıgenimizdi aıtsaq, «Árkimniń óz jeri – jumaq» eken, - depti.
4. Týǵan el, týǵan jer týraly.
5. J. Málibekov pen Sh. Ýálıhanov
6. Sháken Nıazbekov
7. Sózi: Jumeken Nájimedenov, Nursultan Nazarbaev
Áni: Shámshi Qaldaıaqovtiki

Sabaqty qorytyndylaý. Oqýshylardyń jaýaptaryn tolyqtyrý. Óleń joldaryn slaıdtan oqytý.
Kók týym kóterildi baǵym janyp,
Eltańbam tórde álemge tanyldy anyq.
Shyrqadym Ánurandy bar daýyspen,
Armanym Ata Zańym qabyldanyp

Baǵalaý:
Belsene qatysqan oqýshylardy madaqtaý.
Úıge tapsyrma: Mátindi túsinip oqý. Búgingi ótilgen taqyryp boıynsha esse jazyp kelý nemese sýret salyp kelý