InfoHub Logo

Erteńgilik: «Qosh keldiń, Jańa Jyl!»

Balalar kóńildi áýenmen zalǵa kiredi, shyrshany aınala turady.
Júrgizúshi: Qymbatty balalar, qonaqtar! Barlyqtaryńyzdy kele jatqan jańa jyl merkesimen quttyqtaımyn!
Taýda týyp, taýda ósken
Shyrsha keldi ortaǵa
Qutty bolsyn jańa jyl!
Jańa baqyt, jańa jyr!
Ádemilep biz ilegen
Oıynshyqtar tizilgen
Qandaı jaqsy shyrshamyz
Tamsanaıyq barshamyz
Balalar, qarandarshy, Aıaz Ata bizge qandaı ádemi shyrshany qurǵan. Qane, aınalyp, qol ustasyp, oıynshyqtaryn tamashalaıyqshy.
Án: «Shyrsha»
Júrgizýshi: Bárimizge anyqty
Mereke bolady kóńildi:
Án shyrqaımyz bárimiz,
Qonaqtardy qarsy alamyz.
Qane, shapalaqtap qonaqtardy shaqyraıyq.
Tsss... Bireý kele jatyr, shyrshanyń artyna tyǵylyp qalaıyq.
Balalar shyrshanyń artyna tyǵylady.
Mýzyka áýenimen Aqshaqar kiredi.
Aqshaqar: (ándete) Nemeresi Aıazdyn
Men Aqshaqar bolamyn.
Balalarmen oınaımyn,
Bıleımin, ándetemin. Lá - lá - lá - lá!
Mine «Kúnimaı» tobynyń merekeside bolyp jatyr eken. Oı, nege eshkim kórinbeıdi, dybystar da estilmeıdi? Balalardy izdeıin: ońǵa, solǵa qaraıyn.
İzdeıdi.
Mysyqtardyń mıaýlaǵan daýysy estiledi, sonan soń ıtterdiń jáne torǵaılardyń daýysymen dybystaıdy, aqyrynda balalar shyrshanyń aldyna shyǵyp «Mine biz» dep Aqsha – qardy qushaqtaıdy.
Aqshaqar: - Sálemetsińderme, balalar!
Balalar: - Sálemetsiz be!
Aqshaqar: - Sender menimen oınadyńdar ma?
Balalar: - Iá!
Aqshaqar:- Aı, kishkentaı tentekterim.
Qandaı sándi kıimderin
Ózderiń sondaı kóńildi...
Al shyrsha qandaı ádemi!
Sheńber jyldam quraıyq,
Shyrshany aınalaıyq,
Shapalaqtap, qýanyp,
Shamdaryn jarqyrataıyq!
Shyrshanyń shamdary janady.
Júrgizýshi:
Júzimizde kúlki oınap
Qanattandy janymyz
Jańa jyldy biz toılap
Shattanaıyq bárimiz
«AIÝ» qımyldy bı
Balalar oryndaryna otyrady.
Aqshaqar: - Balalar, men senderge jumbaq jasyramyn, sheship kórińdershi.
Ózi aılaker, ózi qý,
Júrgen jeri aıǵaı, shý.
Balalar: - Túlki!
Mýzyka áýenimen Túlki keledi
Túlki: - Sálemetsińderme, balalar!
Ia, ıa, men Túlkimin. Ormanda eń ádemi, eń sulý menmin!(quıryǵyn sıpaıdy)
O! Shyrsha qandaı keremet!
Oıynshyqtary ilingen,
Shamdary jarqyraǵan,
Baqshalaryń sándengen!
Aqshaqar:- Túlkijan, qandaı jaqsy kelgeniń!
Oınaı – ǵoıshy bizbenen!
Túlki: - Oıyndy óte unatamyn, biraq aldymenen jumbaq jasyramyn. Jumbaqtardy sheshý bilesińder me?
Syqyrdan qorqady,
Shoshynyp jortady. (qoıan)
Túlki:- Jaraısyńdar, bóbekter! Onda bárimiz qoıanǵa aınalyp, ormanda oınaıyq.
Oıyn «Túlki men qoıandar»
Aqshaqar: - Rahmet, Túlki, oıynyń balalarǵa óte unady. Bizdiń qadirli qonaǵymyz bolyńyz, balalardyń ónerin tamashalańyz.
Taqpaqtar aıtylady
Túlki: - Rahmet, balalar!
Aqshaqar:- Al biz Aıaz Atany kútip júrmiz. Bárimiz qosylyp shaqyraıyqshy. Aıaz Ata! Aıaz Ata! Aıaz – Ata!
Taıaqpen tyqyldatyp: «Áý, bóbekterim! Kele jatyrmyn!» - dep Aıaz Ata mýzyka áýenimen kiredi
Aıaz Ata: Keldi jylym baqytym,
Kemeldendi ýaqytym.
Sálem saǵan, Jańa jyl,
Jańa baqyt, jańa jyr!
ÁN: «Bala, bala balapan»
Aıaz ata:- Aı, jaraısyńdar! Menen qoryqpaıdy ekensińder, sharshattyndar meni ábden.
Sál demalaıyn.
Taqpaqtaryndy tyndaıyn.
Taqpaqtar aıtylady
Aqshaqar:
Áne balalar qarańdar qoıan kele jatyr!
BI: «Qoıandar»
Aıaz ata: Aınalaǵa qansha qar tústi! Kelińder, balalar, qar atysyp oınaıyq!
Oıyn «Qar atysý»
Aqshaqar úlken omby qardy domalatyp ákelip:
Aqshaqar: - Aıaz ata, qarańyz, qandaı úlken omby qar!
Aıaz Ata: Qandaı ǵajaıyp omby qar!
İshi tolǵan syılyqtar!
Aqshaqar: Balalar, otyryńdar, Aıaz Ata bizge sıqyr kórsetedi.
Aıaz Ata: Bar kúshimdi salaıyn:
Omby qardy aınalyp,
Taıaǵymdy tıgizip,
Sıqyrly sózderimdi qoldanyp
Syılyqtardy alaıyn!
Omby qardyń ishinen syılyqtardy alyp shyǵyp, balalarǵa taratady.
Balalar: Rahmet, Aıaz – Ata!
Júrgizýshi: Balalar olaı bolsa merekemizdi tobymyzǵa baryp jalǵastyraıyq!

Jambyl oblysy, Taraz qalasy
 №13 bóbekjaı - baqsha tárbıeshisi
Mıllıonova Ardaq Janabaevna