InfoHub Logo

Almatynyń tarıhı ortalyǵynda "RAMS Sayahat" turǵyn úı kesheniniń tehnıkalyq ashylýy ótti. Bul – qalanyń eń kóne ári súıikti aýdandarynyń birinde boı kótergen zamanaýı sáýlet pen tarıhı atmosferany úılestirgen jańa qurylys.

Bul týraly Infohub.kz aqparat agenttigi habarlaıdy.

Birinshi kezeńniń turǵyndary úshin arnaıy merekelik baǵdarlama uıymdastyryldy. Onda oıyn-saýyq sharalary, dastarhan jaıylyp, balalarǵa arnalǵan anımasıalyq oıyndar, mýzykalyq súıemeldeý jáne syılyqtar oınatyldy. Sonymen qatar, jańa páter ıelerine kiltteri saltanatty túrde tabys etildi.

Tarıhı "Saıahat" aýdanyndaǵy jańa ómir

RAMS Sayahat turǵyn úı kesheni qalanyń eń tanymal aýdandarynyń birine úılesimdi kiriktirilgen. Keshen zamanaýı arhıtektýrany "Saıahat" aýdanynyń tarıhı kelbetimen ushtastyrady.

RAMS Almaty vıse-prezıdenti Doǵan Býlbýl: "Jyldyń birinshi jartyjyldyǵynda biz úshinshi jobamyzdy paıdalanýǵa berip, turǵyndarǵa kiltterin tabystaı bastadyq. "RAMS Sayahat" turǵyn úı kesheni tolyq paıdalanýǵa berilgennen keıin shamamen 2,5-3 myń turǵynǵa arnalǵan úı bolady. Bul Almatynyń tarıhı ortalyǵynda jańa zamanaýı qalalyq keńistikti qalyptastyrady. Jaqyn arada serýendeý aımaǵy men saǵat munarasynyń resmı ashylýyn habarlaımyz. Bul nysandar qala turǵyndary úshin jańa tartylys ortalyǵyna aınalaryna senimdimin. Bizdiń turǵyndarymyzǵa jańa úılerinde árdaıym jaılylyq, baqyt, amandyq jáne kóptegen jyly otbasylyq sátter tileımin", - dedi.

Qalalyq keńistikti jańǵyrtý

Joba tek jaıly turǵyn ortany jáne damyǵan ınfraqurylymdy qurýdy ǵana emes, sonymen qatar qoǵamdyq keńistikti abattandyrýdy da kózdeıdi. Jaqyn arada turǵyndar men qala qonaqtary úshin serýendeý saıabaǵy ashylady. Sondaı-aq, aýdannyń basty nyshandarynyń biri – aty ańyzǵa aınalǵan saǵat munarasy da qaıta jańǵyrady.

Saǵat munarasy 1967 jyly Almatydaǵy alǵashqy turaqty avtovokzal "Saıahat" ashylǵan kezde paıda bolǵan. Keıinnen bul áıgili munara almatylyqtardyń birneshe býyny úshin aýdannyń tanymal belgisine aınaldy. Jańartylǵan ýaqyt sımvoly jaqyn arada Almatynyń qalalyq ómiriniń bir bóligi bolady.

RAMS Sayahat kompanıanyń Almatynyń tarıhı murasyn qurmetteı otyryp, qala ómiriniń jaılylyǵyn, damyǵan ınfraqurylymyn úılestiretin zamanaýı turǵyn keńistikterdi qurý konsepsıasyn jalǵastyrady.