InfoHub Logo

Sabaqtyń taqyryby: Etistik.
Sabaqtyń maqsaty:
1) Oqýshylarǵa etistik týraly túsinik berý. Etistikti sóılem ishinen
taba bilýge úıretý;

2) Oqýshylardyń oılaý, este saqtaý qabiletterin arttyrý. Sózdik qorlaryn baıytý.
3) Oqýshylardyń pánge degen qyzyǵýshylyǵyn arttyryp, tabıǵat sulýlyǵyn sezindirip, tabıǵatty súıýge tárbıeleý.
Sabaqtyń túri: Damytýshylyq.
Sabaqtyń ádisi: Suraq - jaýap, toptyq, jeke, óz betimen jumys.
Sabaqtyń kórnekiligi: Interaktıvti taqta, tirek syzbalar, sýretter.

Sabaqtyń barysy:
İ Uıymdastyrý kezeńi:
Juban Moldaǵalıev

Qazaq tilim - óz tilim, ana tilim
Abaı, Muhtar sóılegen dana tilim.
Qasterleıdi ul - qyzyń máńgi seni
Bolashaǵym, baqytym, dara tilim.
Mine, balalar, kemeńger, ǵulama aqyn jazýshylarymyz aıtqandaı týǵan tilimiz - qazaq tili sabaǵy eken.
Endi sabaǵymyz sátti ótsin dep jaqsy tilekter, jyly lebizder bildireıikshi.
- Sabaq sátti ótsin!
- Sabaqqa belsendi qatysaıyq!
- Úlgili oqýshy bolyp, jaqsy baǵa alaıyq!

İİ Úı tapsyrmasyn tekserý.
1) 411 - jattyǵý «Meniń oqý quraldarym» taqyrybyna áńgime quraý, ishinen zat esimdi tabý.
2) Ótken sabaqty pysyqtaý suraqtary.
1) Sóz taby degenimiz ne?
2) Zat esim degenimiz ne?
3) Zat esim neshege bólinedi?
4) Zat esimniń túrlerin ata?
5) Kóptik jalǵaýlaryn ata...

Tirek syzba arqyly pysyqtaý.
Sóz taptary
Zat esim
Etistik
Syn esim
San esim

İİİ Jańa sabaq.
Interaktıvti taqtaǵa kóktem kórinisi sýreti shyǵarylady.

Aǵash gúldedi.
Kún nuryn shashady.
Qustar ushyp júr.
Aıgúl kitap oqyp otyr.
Kóbelekter ushyp júr.
Sóılemdegi sózderge suraq qoıyp, etistikti shyǵaryp alý.
Etistiktiń erejesimen tanystyrý:
İV Oqýlyqpen jumys
412 - jattyǵý
Sýrettegi adamdardyń ne istep jatqanyn bildiretin qımyl ataýlaryna suraq qoıý. Ol qandaı sóz taby?(Aýyzsha oryndaý)
únniń jadyn, taqyryp atyn jazý.
Kórkem jazý.
413 - jattyǵý
Jumbaqtardy oqyp, sheshýin tabý.(Aıý) (Kún) sýretin kórsetý, sıpattaý.
Jumbaq ishindegi etistikterdi taýyp, suraq qoıý. Astyn syzý. Jumbaqty jazý.

Toppen jumys
Berilgen sózderge sóılemder qurap, suraqtar qoıý:
İ top
... … toqydy.
… … kisinedi.
… … kúrkiredi.
İİ top
… … quıdy.
… … serýendedi.
… … oqydy.
İİİ top
… … jazdy.
… … tyraýlady.
… … tazalady.
Oqýshylar quraǵan sóılemderin oqıdy.
Balalar qazir qandaı mezgil, tabıǵatta qandaı ózgerister bolady.
Sergitý sátin júrgizý.
Kúrkiredi kún, kún…
Terezeler shyń, shyń.
Jaýdy jańbyr top - top,
Shelek - shelek kóp - kóp!
Jon arqańdy tos - tos,
Kúnbaǵys, tez ós - ós.
414 - jattyǵý
Kóp núkteniń ornyna tıisti sózderdi qoıyp kóshirip jazý. Qoıylǵan sózderge suraq qoıý. Taqtaǵa jazdyrý.
415 - jattyǵý
Berilgen sózderdi qatystyryp sóılemder quraý.(aýyzsha oryndaý) Etistikke suraq qoıý.
Qus aǵashqa qondy.
Jańbyr sirkirep jaýdy.
Asqar sý tasydy.
Balalar teńizde júzdi.

Oıyn: «Dybystardy ajyrata bilý»
Tórt - túlik pen qustardyń sýretine qalaı dybys shyǵarýyn jazý arqyly bir - birine qosý(dýnıetaný, ana tili sabaqtarymen baılanystyrý).

V Sabaqty qorytyndylaý: Suraq - jaýap, toptastyrý arqyly qorytý.
- Al balalar etistik týraly ne aıtýǵa bolady?
- Ne túsindińder?

Úıge tapsyrma:
Baǵalaý: Sabaqqa belsene qatysqan barlyq oqýshylardy maqtap, madaqtaý.