InfoHub Logo

Qyzylorda qalasy,
Isataı Ábdikárimov atyndaǵy agrarlyq tehnıkalyq koleji
Temirjol bóliminiń arnaýly pánder oqytýshysy Qarajigitova E.

Oqý toby: OP - 200
Taqyryby: Gabarıtten tys júkterdiń qabyldanýy, tıelýi jáne jóneltilýi
Sabaqtyń túri: teorıalyq
Sabaqtyń tıpi: quramdas
Sabaqtyń maqsattary:
a) bilimdilik: Oqýshylardyń gabarıtten tys júkterdiń tasymaldaýǵa qabyldanýy men tıelý erekshelikteri boıynsha bilimderin qalyptastyrý
b) tárbıelik: Oqýshylardy eńbekke baýlý, shyǵarmashylyq qabileti múmkindiginshe damyǵan, adamgershilik qasıeti mol azamat tárbıeleý
v) damytýshylyq: Oqýshylardy ǵylym men tehnıkanyń jetistikterin paıdalana bilýge daǵdylandyrý, tanymdyq qyzyǵýshylyǵyn jan - jaqty damytý
Oqytý ádisteri: aýyzsha túsindirý, áńgimelesý, leksıa, suraq - jaýap, oıyn elementteri, pysyqtap bekitý.
Sabaqtyń kórnekiligi: Normatıvtik qujattar, plakattar, elektrondyq oqýlyqtar, slaıdtartar,
flıpchart

SABAQTYŃ BARYSY
1. Uıymdastyrý kezeńi: - oqýshylardyń sabaqqa qatysýyn tekserý, olardyń daıyndyǵyna jáne dárisqananyń tazalyǵyna nazar aýdarý - 2mın

2. Ótken taqyryp boıynsha oqýshylardyń bilimin tekserý – 28mın
Suraqtar:
1. Qandaı júkter gabarıtten tys bolyp esepteledi?
2. Esepti vagonnyń n/e júktiń geometrıalyq shyǵýy degenimiz ne?
3. Gabarıtsizdiktiń qandaı túrleri bar j/e júktiń tıeý gabarıtinen shyǵýynyń óńirlerin ata?
4. Júktiń tıeý gabarıtiniń sheginen shyǵýyna baılanysty gabarıtten tys bolý jaǵdaıdyń neshe dárejesi bar?
5. Qaı kezde júkti asa gabarıtten tys dep aıtamyz?
6. Gabarıtsizdiktiń ındeksi túsinigi ne úshin engizilgen?

3. Oqýshylardyń jaýaptaryn qorytyndylaý, baǵalaý – 2mın

4. Sabaqtyń jańa taqyrybyn habarlaý, maqsatyn qoıý – 2mın

5. Jańa taqyrypty túsindirý - 38mın
Qaralatyn suraqtar:
1. Gabarıtten tys jáne aýyrsalmaqty júkter tasymalyn kelisý tártibi.
2. Gabarıtten tys júkterdi tıeý, qabyldaý jáne jóneltý.

6. Jańa taqyrypty pysyqtap bekitý – 5mın
Jańa sabaqty bekitý «Tolyqtyrý», «Sáıkestendirý» testterin qoldaný
boıynsha júrgiziledi.

7. Sabaqty qorytyndylaý – 3mın

8. Úı tapsyrmasy:
1. V. P. Perepon«Grýzovaıa ı kommercheskaıa rabota. Organızasıa ı
ýpravlenıe», 41 taraý §3
2. S. Bekjanova «Júk tasymaldaý men komersıalyq jumystardyń
negizderi» Oqýlyq. 2 bólim 136 - 142better
3. «QTJ»UK»Aksıonerlik qoǵamy «QR magıstraldyq temirjol jelisi
arqyly gabarıtsiz, uzyn ólshemdi jáne aýyr salmaqty júkterdi ótkizý
týraly Nusqaýlyq.» Almaty 2006
4. Elektrondyq oqýlyq V. P. Perepon «Organızasıa perevozok grýzov»
5. Kompúterlik oqytý baǵdarlamasy «Razmeshenıe ı kreplenıe grýzov»

1. Gabarıtten tys jáne aýyr salmaqty júkter tasymalyn kelisý tártibi.

Gabarıtten tys jáne aýyr salmaqty júkterdi ótkizýdi kelisýdiń 3 kezeńi kózdelgen:
birinshi kezeń – KTJ - nyń Tasymaldaýdy basqarý departamentimen tasymaldaý múmkindikterin, ádisi men jaǵdaılaryn aldyn ala kelisý.
ekinshi kezeń – jóneltý jolynyń basshylyǵymen tehnıkalyq qujattamalardy kelisý.
úshinshi kezeń – tehnıkalyq qujattamalardy QTJ - nyń Tasymaldaýdy basqarý departamentimen túpkilikti kelisý(qujatqa nómir berý, kelisilgen syzbaǵa mór basý).
Birinshi kezeń boıynsha aldyn ala kelisýdi talap etetin jaǵdaılar:
halyqaralyq qatynasta tasymaldaý kezinde:
a) transporterlerde tasymaldanatyn júkterge,
b) asa gabarıtten tys júkterge,
v) jaıdaq n/e jartylaı ashyq vagonda tasymaldanatyn gabarıtsizdik dárejeleri
- tómengi 3 - 6
- búıirlik 4 - 6
- joǵarǵy 3
QR - nyń magıstraldyq temirjol jelisi arqyly tasymaldaý kezinde:
a) asa gabarıtten tys júkterge,
b) aýyrsalmaqty transporterlerdegi júkterge,
v) jaıdaq n/e jartylaı ashyq vagonda tasymaldanatyn gabarıtsizdik dárejeleri
- tómengi 5 - 6
- búıirlik 5 - 6
- joǵarǵy 3
halyqaralyq qatynasta úshinshi elderge tasymaldaý kezinde - tasymaldaýǵa qatysýshy elderdiń tym bolmasa bireýiniń tıeý gabarıti men jyljymaly quramnyń kólemdik - salmaqtyq parametrlerinen asyp túsetin gabarıtten tys júkterge.
Júkterdi tasymaldaý múmkinshilikterin, tásili men sharttaryn aldyn ala kelisýge arnalǵan ótinimge qosa berilýi tıis derekter:
- jabdyqtyń kólemdik - salmaqtyq parametrleri,
- jóneltý j/e taǵaıyndaý stansalarynyń ataýlary,
- jóneltilimder sany, tasymaldyń baǵdarlamalyq merzimi.
Halyqaralyq j/e úshinshi elderge halyqaralyq qatynastarda tasymaldaý kezinde aldyn ala kelisýdi KTJ - nyń Tasymaldaýdy basqarý departamenti RJD(Reseı temirjoldary) Tasymaldaýdy basqarý departamentimen jyljymaly quramnyń naqty úlgisine tıeýge kelisýge suranys alǵan kúnnen bastap 5 kúnniń ishinde jedelhattyq nysanda júzege asyrady.
QTJ Tasymaldaýdy basqarý departamenti QR - nyń magıstraldyq temirjol jelisi arqyly tasymaldaýdy qamtamasyz etý úshin jyljymaly quramnyń naqty úlgisine tıeý múmkinshiligin anyqtaıdy jáne jedelhattyq nysanda kelisedi:
- jol j/e qurylys departamentimen (SP): júkterdi ótkizý múmkinshiligi boıynsha;
- elektrmen jabdyqtaý departamentimen(SE): jyljymaly quramdaǵy júktiń bıiktigi 5300mm - den asqan jaǵdaıda júkti ótkizýdi;
- baılanys j/e aqparattyq tehnologıalar departamentimen(SSH): gabarıtten tys júkteri bar vagondardyń qozǵalysyna baǵdarshamdar kedergi bolýy múmkin jaǵdaılarda júkterdi ótkizý boıynsha.
QTJ - nyń Tasymaldaýdy basqarý departamenti júkjóneltýshige aldyn ala kelisý nátıjeleri týraly habarlaıdy. Nátıje oń bolǵan jaǵdaıda, tasymaldaý júrgiziletin jyljymaly quramnyń túri, kelisilgen gabarıtsizdik ındeksi j/e tasymaldaýdyń qosymsha sharttary kórsetiledi.

Aldyn ala alynǵan qorytyndynyń negizinde júkjóneltýshi gabarıtten tys júkti tasymaldaýdyń tehnıkalyq qujattamalaryn jasaıdy da, olardy jóneltý stansasynyń temirjol ákimshiligine kelisýge jiberedi(júkti ornalastyrý j/e bekitý syzbalary men esepteýlerin, t. s. s.). Olardy jasaýǵa qoıylatyn talaptar Ńusqaýdyń 2 - taraýynda baıandalǵan.
Júk jóneltýshiniń tehnıkalyq qujattamasy 4 danada túzetýlersiz jasalady, basshynyń qolymen j/e mórimen kýálándyrylady:
1 - 2danasy – júkjóneltýshige,
3 - danasy - tıeý stansasy bastyǵyna DS,
4danasy - Tasymaldaýdy basqarý departamentine QTJ.
Tehnıkalyq qujattamany qaraýdy j/e kelisýdi QTJ - nyń qurylymdyq bólimsheleri júrgizedi:
1) Tasymaldaý dıreksıasynyń júk j/e komersıalyq jumys basqarmasy (SD SM)- jyljymaly quramdaǵy júkterdi ornalastyrý men bekitý esepteriniń durystyǵy máselesi boıynsha,
2) Vagon sharýashylyǵy departamenti (SJS SV) – jyljymaly quramnyń júkkótergishtigi men vagonnyń konstrýksıasyn ózgertpesten júkti bekitý esepteriniń durystyǵy máselesi boıynsha,
3) Jol j/e qurylystar departamentimen (SJS SP) – joldyń ústińgi qurylysynyń, jer tóseminiń, qurylystardyń jaqyndaý gabarıtteriniń tańdap alǵan marshrýt boıynsha gabarıtten tys júkterdi ótkizý múmkindigi máseleleri boıynsha júrgizedi.
(SD - Tasymaldaý dıreksıasy, SJS - Magıstraldyq jeli dıreksıasy).
Tasymaldaýdy basqarý departamenti qujatqa nómir berý jáne kelisilgen syzbanyń barlyq danalaryna mór qoıý jolymen oblysaralyq qatynasta júkterdi tasymaldaýǵa arnalǵan tehnıkalyq qujattamany túpkilikti kelisedi.
Halyqaralyq qatynasta tasymaldaý kezinde DCH - 1835 Nusqaýlyǵynda kórsetilgen (2001j. TMD elderine qatysty) tehnıkalyq qujattamany túpkilikti kelisýdi RJD - nyń Tasymaldaýdy basqarý departamenti júrgizedi.
Tehnıkalyq qujattamany qaraý j/e kelisý merzimi - ony tıisti qurylymdyq bólimshelerdiń árqaısysy alǵan sátten bastap 3 táýlikten aspaıdy.
Temirjol ákimshiligi birjola kelisilgen syzbalar men esepteýlerdiń bir - bir danasyn tıeý stansasynyń bastyǵyna j/e júkjóneltýshige jiberedi.
Túpkilikti kelisilgen tehnıkalyq qujattama qolda bolǵan jaǵdaıda júkjóneltýshi ony tıeý aıy bastalýdan 20kún buryn: