InfoHub Logo

Jańa jylǵa arnalǵan taqpaqtar!

Jańa jyl – jańa qadam, jańa baǵyt,
Bolashaq syılaıtyndaı jańa baqyt.
Jaqsylyqtyń belgisi, jańa ýaqyt,
Kelip, mine, jatyrmyz, qaýqyldasyp...
Birge soǵyp bar álemniń saǵattary,
On ekini kúter, qalmaı, taǵattary,-
Ǵasyrdyń on ekinshi jyly keldi,
Qustaı ushyp, qyraý shalǵan qanattary!
Qutty bolsyn Jańa jyl, barsha qaýym,
Qutqa oransyn keń baıtaq darhan elim.
Qazaqtyń peıiline tartý etsin,
Tabıǵat ashyq aspan, tań shapaǵyn!

***
Jyldyń ánin bastaıyn,
Aıaz - Ata kep qaldy.
Maıysady jas qaıyń,
Kótere almaı kóp qardy.

Baqsha ishi mereke,
Oıyn kúlki asqaq án.
Jaqsy ápkeler jańa kep,
Merekeni bastaǵan.

Jańa jyldy qarsy aldyń,
Minip alyp kúımege.
Men de búgin án saldym,
Aralastym bıge de.

Oraldyń ólkeme,
Jańa jyl armysyń.
Orandy aq kórpege,
Asqar taý, qarly shyń.

Aq qyraýǵa malynǵan
Saqaly da murty da.
Aıaz ata saǵynǵan,
Sálem bepdi jurtyna.

Bezendirip shyrshany
Jyl qýantty barshany.
Toı - maskarad bastaldy,
Aıaz ony basqardy.

Appaq tonǵa oranyp,
Bazarlyqty mol alyp.
Keldi alys sapardan,
Aıaz ata oralyp.

Qalyp edik saǵynyp,
Kútip aldq jabylyp.
Jolyn qoıdyq jaryq qyp,
Shyrshalarǵa sham ilip

Aıaz Ata oıdy qyrdy
Aralap júr túgel sholyp.
Qarsy alǵaly jańa jyldy,
Ol da kóptiń biri bolyp.
Qaıda qyzyq bolsa dýman,
Aıaz Ata sonda boldy.
Kúndiz úıde oınap bizben,
Balalarmen birge boldy.

Tileımin men bar álemge
Dos kóp bolsyn jańa - jyl
Ata - áje, ata - áje
Qutty bolsyn jańa jyl

Jańa jylym mol bolsyn
Basqan qadam oń bolsyn
Tórle, tórle jańa jyl
Bizge qutty jol bolsyn.
***
Baıaǵyda bir jaqsy adam ómir súripti. Ózi jomart, qaıyrymdy, ári asqan aqyldy adam eken. Jasy júzge jetkende álgi adam qatty syrqattanyp (aýyryp) qalypty. Ajaldy kútip búk túsip úıde jatqanda, bir kúni onyń esigin bireý taqyldatyp qaǵypty. «Bul kim?» dep surapty jaqsy adam. «Men – Mahabbatpyn, saǵan kómekteseıin dep keldim, esigińdi ash» - depti qonaq. Jaqsy adam oǵan: «Mahabbat, seniń maǵan keregiń joq, kómektese almaısyń, rahmet, qaıta ber» dep, esikti ashpapty. Birazdan soń, esikti taǵy bireý taqyldatypty. «Kimsiń?» degen suraqqa ol: «Men – Baılyqpyn! Sendeı jaqsy adamǵa kómektesýge keldim. Aýrýyńdy emdeı alam ba?» dep jaýap beripti. Jaqsy adam:«Rahmet, Baılyq, sen maǵan kerek joqsyń endi» dep, esikti ashpapty. Birazdan soń, taǵy bireý aqyryn ǵana qaǵypty. «Kim bul?» dep surapty jaqsy adam. «Men - Densaýlyqpyn, parasatty adam!» - depti esiktiń syrtyndaǵy qonaq. Jaqsy adam súıretilip baryp, esikti ashyp jiberse, ar jaǵynda úsh jigit tur deıdi. «Densaýlyq, sen bireý emessiń be? Mynalar kim?»- dep tań qalypty jaqsy adam. Sonda: «Densaýlyq bolǵan soń, biz de bolamyz ǵoı mindetti túrde» dep, Baılyq pen Mahabbat jymıyp kúlip, Densaýlyqtyń eki qolynan ustap, bosaǵadan kirip kele jatypty.

Qurmetti dostar, Jańa jylda bárińizdiń shańyraǵyzǵa dál osylaı Densaýlyq, mahabbat jáne baılyq úsheýi birdeı qol ustasyp kirip kelsin jáne eshqashan qaıtyp shyqpasyn!

Jańa jyl qutty bolsyn!

Jańa jylǵa arnalǵan óleńder. júkteý