InfoHub Logo

Áleýmettik jelide aqtóbelik emshi Baǵdagúldiń daýly málimdemesi jurtshylyqtyń nazaryn aýdardy. Bul jaǵdaıǵa belgili telejýrnalıst Dana Nurjigit te aralasyp, óziniń pikirin bildirdi.

Bul týraly Infohub.kz aqparat agenttigi habarlaıdy.

Jelidegi beıbereket sózderge tosqaýyl qoıý kerek

Dana Nurjigit áleýmettik jelide taraǵan emshiniń sózderine qatysty alańdaýshylyǵyn jetkizdi. Onyń aıtýynsha, Baıan men Dınara sıaqty kez kelgen adam osyndaı jaǵdaıǵa tap bolýy múmkin. Jýrnalıs adamnyń ar-namysyna nuqsan keltiretin, bylapyt sózderdiń jaýapsyz qalmaýy kerektigin atap ótti.

«Jelide esip júrgen osyndaı jel sózge, adamnyń abyroıyna nuqsan keltiretin bylapyt sózderdi aıtýǵa bola ma? Mundaı áreketterge zań aıasynda baǵa berilýi tıis», – dedi Dana Nurjigit.

Áriptesterine qoldaý bildirdi

Dana Nurjigit bul árekettiń zańǵa qaıshy ekenin aıtyp, áriptesteri Baıan Alagózova men Dınara Sátjanǵa qoldaý bildirdi. Onyń pikirinshe, kez kelgen synı pikir mádenıetti sheńberden shyqpaýy kerek.

«Baıan men Dınara – óz deńgeıinde jumys istep jatqan adamdar. Olarǵa baǵa berýge bolady, biraq olardyń abyroıyna nuqsan keltirýge eshkimniń qaqysy joq. Bazardaǵy áperbaqqan minezdi qoıý kerek. Bul – qoǵamǵa jaqsy úlgi emes», – dep qorytyndylady jýrnalıs.

Aıta keteıik, emshi Baǵdagúldiń áleýmettik jelide taraǵan daýly vıdeosynan keıin, onyń ústinen quqyqtyq shara qoldaný maqsatynda prodúser Baıan Alagózova men telejúrgizýshi Dınara Sátjan sotqa aryz túsirgen bolatyn.