InfoHub Logo

Taqyryby: Júrek jylýy
Maqsaty: Qaıyrymdylyq, meıirimdilik, qamqorlyq, ádeptilik qundylyqtary týraly túsinikterin keńeıtý.
Kórneki quraldar: ulaǵatty sózder, túrli qaǵazdar, sýretti plakat.

I. Sabaq barysy
Uıymdastyrý kezeńi.
Qaıyrly kún, qurmetti oqýshylar! Bizdiń búgingi taqyryp Shattyqqa toly júrekpen dep atalady.
Qaıyrymdylyq - meıirimdiliktiń is júzindegi bir kórinisi. Qaıyrymdylyq - múddeli, kiriptar, kómekke qushtar adamdarǵa is júzinde jaqsylyq jasaý.
Elimizde qaıyrymdylyq jasaýdyń negizi retinde qurylǵan «Bóbek» qory. «Bóbek» qorynyń prezıdenti Sara Alpysqyzy Nazarbaeva elimizdegi kómekke muqtaj balalarǵa qol ushyn berip, aıaly alaqanyn usynýda.
Meıirimdilik – adam boıyndaǵy qasıetti sezim. Ata meıirimi, áke meıirimi, ana meıirimi, otbasyndaǵy adamdardyń bir-birine degen meıirimi – shapaǵaty - ádeptik ásem qubylys, túısikti baýrap alatyn túsinik, ulaǵatty uǵym, adamgershiliktiń asqar shyńy.

Shattyq sheńberin quramyz.
Qýanamyn men de,
Qýanasyn sen de.
Qýanaıyq, dostarym,
Araılap atqan kúnge!

II. Oıyn. Oqýshylardy 2 topqa bólemiz Tapqyrlar men Alǵyrlar
Sóılemdi jalǵastyr.
- Eń úlken qorqynysh – bul...
- Men mynadaı adamdarǵa senbeımin...
- Men renjımin, eger...
- Men umytpaımyn, eger...
- Maǵan kóńilsiz, eger...
- Eger maǵan daýys kóterse, men...
- Men qarsylasqanda...
- Eger men senimsiz bolsam...

III. «Qaıyrymdy bala» mátinimen taldaý, pikirtalas ótkizý.
Aıdos mektepten úıine kelip ákesine sabaǵyn tyńdatty. Balasynyń sabaǵyn bilgenine ákesi rıza bolyp balmuzdaq satyp alýǵa aqsha berdi. Balasy ákesiniń bergen aqshasyna birdeńe satyp alý úshin dúkenge júgire jóneldi. Joldan avtobýsqa tóleıtin aqshasyn joǵaltyp alyp jolda jylap turǵan balany kórdi. Onyń jylaǵannan eki beti albyrap, beti – qoly tońyp ketkenin baıqady. Qolyndaǵy aqshasyn balaǵa berip, úıine tez qaıtyp ketýin aıtty. Bala qýanyp avtobýsqa minip ketti. Aıdos burylyp úıine qaıtty..
Mátin mazmunyna baılanysty oqýshylardyń pikirin tyńdaý.
Balanyń qaıyrymdylyǵy nede?
Óziń Aıdostyń ornynda bolsań ne ister ediń? degen suraqqa jaýap alý.

IV. Sergitý sáti.
Terbeledi aǵashtar
Aldynan samal esedi,
Kip-kishkentaı aǵashtar
Úp - úlken bolyp ósedi.

V. Kúnniń shýaǵyn qurastyrý óziniń adal dosynyń atyn jáne mineziniń qandaı ekenin aıtady. Mysaly: Aıdana aq kóńil

VI. Sózjumbaq.
«Tapqyrlar» toby
1. Anańnyń anasy saǵan kim? (áje)
2. Oń aıaq, sol aıaq, Kezek ony tebedi. (dop)
3. Bala tárbıesi (besikten)
4. Jeti kún. (apta)
5. Mekteptegi ekinshi anań. (ustaz)
6. Birlik bolmaı (tirlik) bolmas.
7. Tili joq ózinde, Sózi bar ózinde. (qalam)
8. Sútten jasalatyn taǵam. (irimshik)
9. Qabat, qabat qaptama,
Aqylyń bolsa attama. (kitap)
«Alǵyrlar» toby
1. Úıretken ilimdi qyryq eki bilimdi. (álippe)
2. Jumys bizdi úsh jamandyqtan qutqarady? aýyrýdan, joqshylyqtan,(zerigýden)
3. Jaqsydan úıren - jamannan (jıren)
4. Bilim ordasy ne? (mektep)
5. Halyqpen halyqty, adam men adamdy teńestiretin ne? (bilim)
6. Bala tili - (bal)
7. Úlkenge qurmet - kishige (izet)
8. Kún kúledi, Tún túledi. (kóktem)

VII. Júrekten - júrekte
- Kúlimdegen kún meıirimdi!
- Kirshiksiz aq qar meıirimdi!
- Taza móldir sý meıirimdi!
- Bárimizdi kóterip turǵan jer meıirimdi!
- Aıaýly anam meıirimdi!
- Qadirli ákem meıirimdi!
- Álpeshtegen ájem meıirimdi!
- Erkeletken atam meıirimdi!
- Jyly júzdi ustazym meıirimdi!
- Tatý - tátti dostarym meıirimdi!