InfoHub Logo

Jeke paraqshasynda belgili rejıser Áset Aqmoldanyń jazbasynan keıin, qazaq estradasynyń aty ańyzǵa aınalǵan tulǵasy Mádına Eralıevanyń kúndeliginen úzindi jaryq kórdi. Bul jazbalar ánshiniń ómirindegi eń qymbat adamdary – jalǵyz uly men súıikti sińlisine degen tereń sezimin, sondaı-aq óner jolyndaǵy taǵdyr tálkegi men ishki tolǵanystaryn ashyp kórsetedi.

Bul týraly Infohub.kz aqparat agenttigi habarlaıdy.

Mádına Eralıevanyń jazbalarynda uly Arsenniń ákesi, belgili teatr rejıseri Bolat Atabaevpen qarym-qatynasy, olardyń óner jolyndaǵy qıyndyqtary men jeke ómirlerindegi alshaqtyqtar týraly aıtylady. Rejıserdiń nemis tili mamany bolyp, keıin teatr salasyna aýysqany, Almaty men Qaraǵandynyń arasyndaǵy qashyqtyq salqyndatqan qarym-qatynastary týraly da estelikter qamtylǵan.

Ulyna degen mahabbat pen qamqorlyq

Ánshiniń ómirindegi tiregi – sińlisi Saǵıra. Ol ánshiniń qolynda tárbıelenip, kórkemsýret ýchılıshesin bitirgen. Mádınanyń konserttik saparlarda júrip, ulyna qaraı almaǵan kezderinde sińlisiniń Arsendi baǵyp-qaqqany, ánshiniń sińlisine degen rızashylyǵy men onyń jalǵyz qalyp qalýynan qorqýy jazbada aıqyn kórinedi. Qazir Arsen Qazaq ýnıversıtetiniń stýdenti. Ánshi ulyn shetelge emes, elimizde oqytýdy jón kórgenin, bul sheshimniń qarjylyq jaǵdaıǵa emes, ulynyń bilimine degen senimi men qatań talabynan týyndaǵanyn jetkizedi.

Ónerdegi ańyz ben shyndyq

Mádına Eralıevanyń ómiri ótirik-shyn aralas ańyz áńgimelerge toly boldy. Solardyń biri – Mustafa Óztúrik syılaǵan «Mersedes» kóligi týraly. Ánshi bul sózdi joqqa shyǵaryp, Óztúrikpen aradaǵy syılastyqty joǵary baǵalaǵanymen, eshqandaı iri syılyq bolmaǵanyn naqtylaıdy. Óziniń «Jıp» kóligi men ulynyń «Maksımasy» týraly da qyzyqty derekter keltiredi.

Sharshaǵan jannyń syrqaty men syrlasýy

Sońǵy jyldary ánshi men onyń ulynyń densaýlyǵy syr bergen. Mádına ulynyń jaǵdaıyna qatty alańdap, Arystanbab áýlıege birneshe ret zıarat etkenin aıtady. Keıde ózin «altyn torǵa qamalǵan qustaı» sezinip, «depressıamen» kúreskenin jasyrmaıdy. Mundaı sátterde tabıǵat aıasyna shyǵyp, taý ishinde aıqaılap án salyp, ishindegi sherin tarqatyp, energıasyn shyǵaryp, jeńildep qaıtatynyn jazǵan.

Aıta keteıik, Mádına Eralıeva 2000 jyldyń 27 qarashasynda jol apatynan qaıtys bolǵan.